1 Makani 17:5 - Baibo Busansulushi Bwa Libuku Ili

⁵ Kuswabo kuciindi ndindakafuna bene Isilaeli kuswa mucishi ca Ijipiti kushikila asunu, nshikwe kwikalaawo kale muŊanda. Ndakalinga kwikala mutente akuya cilonga musena amusena.

1 Makani 17:5 ပူးပေါင်းရင်းမြစ်များ

2 Samwelo 6:17

Mpeeke bakashisha Libokoshi lya Cipangano akulibika mumusena wa ndilyo mutente yakayaka Defedi ayi likakaleemo. Lyalo Defedi wakabenga milambu yakutenta aya bwanabwankashi kunembo lya Mwaami Lesa.

2 Samwelo 7:6

Kuswabo kuciindi ndindakafuna bene Isilaeli kuswa mucishi ca Ijipiti kushikila asunu, nshikwe kwikalaawo kale muŊanda. Ndakalinga kuya cilonga musena amusena atente keeli njeŋanda yangu.

1 Baami 8:16

‘Kuswa bushiku ndindakakusha bantu bangu muIjipiti, nshina kusalaawo ndabala imwi mucishi coonse ca Isilaeli umo mweenga mwayakilwa ŋanda yangu ayi munoonambililaamo. Sombi ndakasalabo ndiwe Defedi ayi ulele bantu bangu.’ ”

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

1 Baami 8:4

akulitola kuŊanda yakwe Lesa. Bene Lefi alimwi abapailishi abalo bakanyamuna Tente ya Cipangano ashitabatisho sha moomo shoonse akushitola muŊanda yakwe Lesa.

2 Makani 2:6

Sombi taaku muntu weenga wayakila Lesa Ŋanda mukwiinga nabibo liculu lyaceyabo kulaale kwaamba ayi ekaleemo. Ono nebo inga ndakonsha buyani kuyakila Lesa Ŋanda? Sa te inga ndayakabo musena wakutentelaako tununkila kabotu pameenso akwe?

2 Makani 6:18

“Ono sa cilaamba ayi mwebo nobaLesa ndushinisho inga mwekala mucishi ca panshi pakati ka bantu? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

2 Makani 6:5

‘Kuswa bushiku ndindakakusha bantu bangu muIjipiti, nshina kusalaawo ndabala imwi mucishi coonse ca Isilaeli umo mweenga mwayakilwa ŋanda yangu ayi munoonambililaamo alimwi nshikwe kusalaawo umwi ayi anoolela bantu bangu bene Isilaeli.

2 Makani 6:6

Sombi ono ndasala ndabala ya Jelusalemu kwaamba ayi ibe musena mweshi noolambililwa alimwi ndakasalabo ndiwe Defedi kwaamba ayi ube muleli wa bantu bangu.’ ”