1 Makani 16:4 - Baibo Busansulushi Bwa Libuku Ili

⁴ Wakasala bene Lefi bamwi kwaamba ayi banoosebensela kunembo lya Libokoshi lya Cipangano ca Mwaami Lesa kwaamba ayi banoosenga, banoolumba akulumbaisha Mwaami Lesa, Lesa wa bene Isilaeli.

1 Makani 16:4 ပူးပေါင်းရင်းမြစ်များ

Matalikilo 17:7

“Ndaakucita mbondashomesha kuli ndiwe akubamulunyungu lwako mumyaaka iinji itoosa kweelana ambocili ncipangano camuyayaya. Ndaakuba Lesa wako awa bamulunyungu lwako.

Matalikilo 32:28

Mpomunyaawo musankwa uyo wakaamba ayi, “Liina ilyo sunu lyamana. Walwishanya aLesa alimwi abantu sombi wakooma. Paceebo ceeco liina lyako ono litooba Isilaeli.”

Matalikilo 33:20

Wakayakaawo cipaililo akucitumba ayi Eli, liina lyakwe Lesa wa bene Isilaeli.

1 Baami 8:15

Wakaamba ayi, “Aalumbaishikwe Mwaami Lesa, Lesa wa bene Isilaeli! Wacita kweelana ambwaakashomesha bata baDefedi ndyaakaamba ayi,

1 Makani 15:16

Kuswawaawo Defedi wakaambila bamatanjilili bene Lefi ayi basale bamakwababo beshi banokwiimba nyimbo shakusangalala alimwi banoolisha tulumbu tunene atuniini alimwi atusenke twakulisha.

1 Makani 16:3

Kuswawaawo bantu boonse, nkokwaamba ayi bene Isilaeli boonse, basankwa abanakashi wakabaabila shinkwa womwi womwi, cipumputa ca nyama yakutenta acisankata ca minyansa comwi comwi.

1 Makani 16:5

Asafu wakalinga ngomutanjilili munene, Sekaliya ngowakalinga kumukonkela. Bamwi nguJeiyelo, Shemilamoti Jeiyelo, Matitiya, Elyabu, Benaya, Obedi Edomu alimwi aJeiyelo boonse bakalinga kulisha tulumbu. Asafu wakalinga kulisha tusenke.

1 Makani 16:8

Amulumbe Mwaami Lesa, amumulambile mukwiita liina lyakwe. Amupukishe nshaakacita kumishobo yoonse.

1 Makani 24:3

Lyalo mwaami Defedi wakabamba bamulunyungu lwakwe Aloni akubabika mumakoto kweelana amilimo yabo. Wakacafwa Defedi kucita boobo nguSadoki wamulunyungu lwakwe Eliyasa alimwi aAimeleki wamulunyungu lwakwe Itama.

1 Makani 25:1

Mwaami Defedi abacinenenene ba Ŋanda yakwe Lesa bakasala cipani cakwe Asafu, Emani acakwe Jedutuni pakati ka bene Lefi kutanjilila mulimo wakulambila Mwaami Lesa. Bakasalwa ayi banokwiimba shabulaluki mukusebensesha tulumbu tunene atuniini alimwi atusenke twakulisha. Meena a bantu aba ngaaya:

1 Makani 6:31

Aba mbobasankwa mwaami Defedi mbwaakasala kweendelesha bwiimbi muŊanda yakwe Lesa Libokoshi lya Cipangano ndilyakaletwa mumo.

2 Makani 5:13

Beshikulisha mapeenga abeshikwiimba bakalinga kwiimba cakucatana pantu pomwi anga ngumuntu womwi kabalumbaisha Mwaami Lesa. Uku mapeenga, tusenke ashimwi shakulisha kashilishikwa, bakeemba amaswi apeculu mukulumbaisha Mwaami Lesa ayi, “Amulumbaishe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.” Lyalo Ŋanda ya Mwaami Lesa yakesula likumbi lya bulemu bwakwe Lesa.

Esila 3:10

Ono ndibakatalika kuyaka lwiimbi lwa Ŋanda ya Mwaami Lesa, bapailishi mumingaanjo yabo bakeemikana amapeenga, bene Lefi, nkokwaamba ayi bana bakwe Asafu, bakeemikana atusenke tupampamene twakulisha akulumbaisha Mwaami Lesa mbuli bwakaamba Defedi mwaami wa bene Isilaeli mukulukulu.

Neyemiya 12:24

Bamatanjilili ba bene Lefi nguAshabiya, Shelebiya Jeshuwa mwanaakwe Kadimyelo. Bamatanjilili aba bakapansaanya bene Lefinyinaabo mumakoto. Makoto obilo akalinga kwiimba nyimbo shakulumbaisha akulumba Lesa cakukumbushanya paciindi comwi acomwi kweelana abwakaamba Defedi muntu wakwe Lesa.

Kulumbaisha 103:2

Omoyo wangu lumbaisha Mwaami Lesa! Utalubiiko nkumbu shakwe shoonse.

Kulumbaisha 105:5

Kamwiibaluka shitondesho sha nkusu sha kwiculu nshaakacita, shankamiko shakwe alimwi abupingushi mbwaakapa.

Kulumbaisha 106:48

Aalumbaishikwe Mwaami Lesa, Lesa wa bene Isilaeli. Amumulumbaishe lyoonse alyoonse. Bantu boonse abaambe ayi, “Ameni!” Aalumbaishikwe Mwaami Lesa!

Kulumbaisha 37:1

Utanoolisukama ceebo ca bamucita shibi, nabi kukumbwa camunyono kubaabo bacita shibiibi.

Kulumbaisha 70:1

NoBaami baLesa amumfuune! Amuncaafwe cakufwambaana!

Kulumbaisha 72:18

Aalumbaishikwe Mwaami Lesa, Lesa wa bene Isilaeli! Lakwe eenka ngwaacita shintu ishi shikankamika.