1 Makani 15:16 - Baibo Busansulushi Bwa Libuku Ili

¹⁶ Kuswawaawo Defedi wakaambila bamatanjilili bene Lefi ayi basale bamakwababo beshi banokwiimba nyimbo shakusangalala alimwi banoolisha tulumbu tunene atuniini alimwi atusenke twakulisha.

1 Makani 15:16 ပူးပေါင်းရင်းမြစ်များ

1 Makani 13:8

Defedi abene Isilaeli bamwi boonse bakalinga kushana cankusu shabo shoonse mukulemeka Lesa. Bakalinga kwiimba akulisha tulumbu tuniini atunene, ngoma, tusenke twakulisha amapeenga.

1 Makani 15:12

Wakabaambila ayi, “Muli bamatanjilili ba shipani sha bene Lefi. Mwebo abene Lefinyinaanu amulisalashe kwaamba ayi mulete Libokoshi lya Cipangano ca Mwaami Lesa, Lesa wa bene Isilaeli pamusena ngondalibambila.

1 Makani 16:42

Emani alimwi aJedutuni bakalinga bamatanjilili ba beshikulisha mapeenga, tusenke alimwi ashimwi shakalinga kulishikwa pakwiimba nyimbo shakulumbaisha. Bamucipani cakwe Jedutuni bakalinga kulindilila minjililo.

1 Makani 16:5

Asafu wakalinga ngomutanjilili munene, Sekaliya ngowakalinga kumukonkela. Bamwi nguJeiyelo, Shemilamoti Jeiyelo, Matitiya, Elyabu, Benaya, Obedi Edomu alimwi aJeiyelo boonse bakalinga kulisha tulumbu. Asafu wakalinga kulisha tusenke.

1 Makani 23:5

Bamwi bali 4,000 wakabasala ayi babe beshikulindilila minjililo abamwi bali 4,000 ayi babe beshikulumbaisha Mwaami Lesa, mukusebensesha shakulisha pakwiimba isho shakabapa mwaami ceebo ca mulimo uyu.

1 Makani 6:16

Lefi wakashala baana botatwe, nkokwaamba ayi Geshoni, Koati alimwi aMelali.

2 Makani 20:19

Mpeeke bene Lefi bamucipani cakwe Koati alimwi acakwe Kola bakeemikana akulumbaisha Mwaami Lesa, Lesa wa bene Isilaeli cakoolobesha.

2 Makani 30:12

Amwalo muJuda Lesa wakalinga kucite mulimo wakubacatanya pantu pomwi kwaamba ayi bacite kweelana amaswi a Mwaami Lesa mukukonkela shakaamba mwaami Esekiya abacinenenene bakwe.

2 Makani 5:12

Beshikwiimba boonse bene Lefi mbuli Asafu, Emani a Jedutuni kubikaawo abana babo abamakwababo bakeemikana kulubasu lwakwicwe lya cipaililo bakafwala shisani shiteshimite kabalisha tusenke twakulisha, tulumbu tunene atuniini. Pakalinga abapailishi bali 120 bakalinga kulisha mapeenga.

2 Makani 5:13

Beshikulisha mapeenga abeshikwiimba bakalinga kwiimba cakucatana pantu pomwi anga ngumuntu womwi kabalumbaisha Mwaami Lesa. Uku mapeenga, tusenke ashimwi shakulisha kashilishikwa, bakeemba amaswi apeculu mukulumbaisha Mwaami Lesa ayi, “Amulumbaishe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.” Lyalo Ŋanda ya Mwaami Lesa yakesula likumbi lya bulemu bwakwe Lesa.

2 Makani 7:6

Bapailishi boonse bakeemikana mumisena yabo njibakapekwa kabalangene abene Lefi. Bene Lefi bakalinga kulumbaisha Mwaami Lesa ashakulisha isho mwaami Defedi nshaakabamba, kabeemba lwiimbo lwakwaamba ayi, “Lusuno lwakwe ndyamuyayaya!” Bakacita boobo kweelana abwakabalwiita Defedi. Bapailishi abalo bakalinga kulisha mapeenga bene Isilaeli boonse kabeemfwi.

Neyemiya 12:27

Ono paciindi cakusalasha lubumbu lwa ndabala ya Jelusalemu, bene Lefi bakeetwa kuswa mumisena mobakalinga kwikala kwaamba ayi babeeko pakusekelela kusalasha uku akwiimba nyimbo shakulumba alimwi akulisha tusenke atulumbu tunene atuniini.

Neyemiya 12:36

Pesule lyakwe pakalinga bamakwabo, nkokwaamba ayi Shemaya, Asalelo, Milalayi, Gilalayi, Mayi, Netanelo, Juda alimwi aAnani kabacite ashakulisha isho shakaamba Defedi muntu wakwe Lesa. Esila mufundishi wa Milawo ngowakalinga kutanjilila likoto ilyo.

Neyemiya 12:43

Pabushiku ubu bakaleta milambu iinji, abantu bakasekelela cakusangalala ceebo Lesa wakabasangalasha abuumbi. Banakashi abaana abalo bakasekelela, aboobo ciyobeyobe cakusangalala kwabo muJelusalemu cakalinga kunyumfwikilabo kulaale.

Neyemiya 12:46

Kuswa muciindi cakwe Defedi aAsafu shikwiimba, beshikwiimba mbobakalinga kutanjilila nyimbo shakulumbaisha akulumba Lesa.

Kulumbaisha 100:1

Amwiimbile Mwaami Lesa, mwebo nobantu ba mucishi ca panshi.

Kulumbaisha 149:3

Abalumbaishe liina lyakwe uku kabashana, amulishe misebe atulumbu.

Kulumbaisha 150:5

Amumulumbaishe kamulisha atusenke tuselebete. Amumulumbaishe kamulisha atusenke tuselebete tulila bunene.

Kulumbaisha 81:1

Amwiimbe cakusangalala kuli Lesa shinkusu wesu, amoolobeshe cakulumbaisha kuli Lesa wakwe Jakobo.

Kulumbaisha 81:3

Amulishe lupeenga lwa lwiica lwa mbelele isankwa, paciindi mweenshi ndyeubala, alimwi andyeukoma pabushiku bwakusekelela kwesu.

Kulumbaisha 87:7

Pakushana balaakunokwiimba ayi, “Shoolwe shesu shoonse shilaswa muSiyoni.”

Kulumbaisha 95:1

Amwise twiimbile Mwaami Lesa cakusangalala, Atwiimbe cakoolobesha kuMwaandami utufuna.

Kulonga 15:20

Mpomunyaawo Milyamu mulaluki mwanakashi, nankashi yakwe Aloni wakabwesa musebe, mpeeke banakashi boonse bakatalika kulisha akushana.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Jelemiya 33:11

ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

Amosi 6:5

Mulisunibo kulisha nyimbo patulumbu bweenka bwakalinga kucita Defedi. Ncakwiila mulisunishi shakulishalisha akupanga nyimbo.

Milimo ya Batumwi 14:23

Bakasala bamatanjilili ba mushoonde comwi acomwi. Ndibakamana kupaila akulikasha kulya, bakababika mumaansa a Mwaami Jesu uyo ngobakashoma boonse.

2 Timoti 2:2

Maswi oonse ngowakanyumfwa kuswa kuli ndime pameenso a bakamboni baanji, ukaabike mumaansa a bantu bashomeka kwaamba ayi abalo bakeeisheko bamwi.

Taitasi 1:5

Ncendakakushiila kuKileti nkwaamba ayi ululike shoonse shakalinga kuyandika kubamba akubika bamatanjilili ba shoonde mumandabala oonse kweelana ambondakakulwiita.