2 Buumi ubu bwakayubululwa, mpeeke twakabubona. Tutoomwishibisha akumusansulwita shabuumi butamaani ubo bwakalinga aIshiwesu alimwi akuboneka kuli ndiswe.
Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.
Muli nguwe momwakalinga buumi alimwi buumi ubu bwakalinga mumuni wa bantu.
Ndashipa buumi butamaani alimwi teshi shikafweewo. Taaku muntu weenga wanyaya.
Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.
Amwebo muli bakamboni bangu mukwiinga mwekala anebo kuswa kumatalikilo.
Ncakwiila ndakaswa kuli baTa akwisa mucishi ca panshi, alimwi bulya ntooswa mucishi akuboolela kuli baTa.”
Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.
Aboobo Ta, amumpe bulemu ono pameenso anu. Mumpe bulemu ubo bweenka mbondakalinga kucite ndindakalinga amwebo cishi ca panshi kacitana kulengwa.
Ono musankwa wakabona sheeshi ngootoopa bukamboni alimwi bukamboni bwakwe mbwalushinisho. Ulishi kwaamba ayi nshaatokwaamba nshalushinisho ayi amwebo mushome.
Linkanda ili lyakaba ndyatatu Jesu kuboneka kubashikwiiya bakwe kuswa bushiku mbwaakabushikwa kuswa kubafu.
Taaku muntu wakayaako kale kwiculu, sombibo MwanaaMuntu eenka uyo wakaswa kwiculu.
Nebo ndimwishi mukwiinga ndakaswa kuli nguwe alimwi ngowakantuma.”
Nebo ndaamba shintu nshindakabona kuli baTa, sombi mwebo mulacita shintu nshemwakanyumfwa kuli ishiwanu.”
kutalikila kuciindi Joni ndyaakalinga kushimikila shakubombekwa, kushikila pabushiku ubo Jesu ndyaakakushikwa pali ndiswe akutolwa kwiculu. Uyo abe kamboni pantu pomwi aswebo akushimikila ayi Jesu wakabuka kuswa kubafu.”
Taakwe kuboneka kubantu boonse, sombi kuli ndiswe sobakamboni Lesa mbwaakalinga kusalite kale. Swebo twakalya alimwi akunwaakwe paciindi Lesa ndyaakamubusha kuswa kubafu.
Lesa wakabusha Jesu uyu kuswa kubafu, aboobo swebo soonse tuli bakamboni ba shintu ishi.
Mwebo mwakacaya wooyo upa buumi bwancinencine, sombi Lesa wakamubusha kuswa kubafu. Ono swebo tuli bakamboni pacikani ici.
Tuli bakamboni ba sheeshi shintu, swebo aMushimu Usalashi uyo Lesa ngwaapa kubaabo boonse bamushoma.”
Isho Milawo nsheyakaalilwa kucita ceebo buumi bwa buntu bwakeemana nkusu, Lesa wakashicita. Wakacita boobo kwiinda mukutuma Mwanaakwe, uyo wakesa mucishi ca panshi mubuntu bweenka mbuli ndiswe kwaamba ayi akome bubi.
Sombi ciindi ceelete ndicakashikila, Lesa wakatuma Mwanaakwe uyo wakashalwa mumwanakashi alimwi Mwaana uyo wakalinga kukonkela aMilawo ya baJuda.
Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.
Sombi bulya Lesa wakatuyubulwita shintu ishi kwiinda mukwisa kwa Mupulushi wesu Klistu Jesu. Lakwe ngowakamanisha nkusu sha lufu akutondesha buumi butamaani kwiinda muMakani Abotu.
Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.
Ono ntoolwiita bamatanjililima ba coonde pakati kanu. Ndakabona ambuli Klistu mbwaakapenshekwa alimwi ntoolindila kutambulaako bulemu bwakwe Klistu bweshi bukayubululwe.
Tutoomulembela shaLiswi lipa buumi, ilyo lyakalingaako kuswa kumatalikilo. Twakalinyumfwa akulibona ameenso esu. Ee, twakalibona alimwi maanseesu akalicata.
Ncakwiila Klistu ncaakatushomesha, mbuumi butamaani.
Kweelana ambomwishi, Klistu wakesa mukukusha shibiibi, alimwi muli nguwe taamu cibiibi nabi comwi.
Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.
Peculu lya waawo twakabona akulwiitako bamwi ayi Lesa Ishiwesu wakatuma Mwanaakwe ayi abe Mupulushi wa cishi ca panshi.
Mbulya mbweenga mweshiiba na Mushimu uyo ucite muntu ngwakwe Lesa, uyo woonse waamba ayi Jesu Klistu wakesa mubuntu, ulicite Mushimu wakwe Lesa.
Bukamboni ubu mbwakwaamba ayi Lesa wakatupa buumi butamaani alimwi buumi ubu bulacanika muMwanaakwe.
Ndamulembela makani aya nomushoma muMwanaakwe Lesa kwaamba ayi mwishibishe ayi mulicite buumi butamaani.
Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.