1 Bene Tesalonika 4:4 - Baibo Busansulushi Bwa Libuku Ili

⁴ Musankwa amusankwa ulyeelete kwaamba ayi ekale amukaakwe munshila isalalite alimwi yabulemu,

1 Bene Tesalonika 4:4 ပူးပေါင်းရင်းမြစ်များ

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

Bene Loma 1:24

Paceebo ceeci Lesa wakabaleka kwaamba ayi bacite shintu shibiibi isho shisuni myoyo yabo, aboobo balacita shintu shilensha nsoni beene abeene kumibili yabo.

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

Bene Loma 6:19

Amuleke nsebenseshe cikoshanyo ca shintu shicitika lyoonse kwaamba ayi munyumfwishe. Pakutaanguna mwakalinga mwalibenga nobeene amyoyo yanu yoonse kwaamba ayi mube basha ba shintu shitasalalite alimwi ashibiibi shimwi shoonse. Mbweeke ubo mulyeelete kulibenga amyoyo yoonse kuba basha ba bululami, nkokwaamba ayi kucita shintu shisalalite.

1 Bene Kolinto 6:15

Mwebo mulishi kwaamba ayi mibili yanu nshipansha sha mubili wakwe Jesu Klistu. Ono sa inga ndabwesa cipansha ca mubili wakwe Jesu akucipaankanya amufuule? Napaceyuubo.

1 Bene Kolinto 7:2

Ono ceebo cakuloonda bufuule musankwa woonse ulyeelete kuba amukaakwe, alakwe mwanakashi ayibaye.

1 Bene Kolinto 7:9

Sombi na tookoonshi kulicata, ulyeelete kweebabo na kweebwa, ceebo ncibiibi kunoopengabo alunkumbwa lwa mubili.

2 Bene Kolinto 4:7

Sombi swebo tuli anga ninongo mubikitwe bubile, kwaamba ayi cishibikwe ayi nkusu shiindaawo nshetucite tashishi shesu sobeene, sombi nshakwe Lesa.

Bene Filipi 4:8

Cakweelaako nobamakwesu, kamuyeeya shintu isho shibotu sheelete kulumbwa, mbuli shintu shalushinisho, shilemekwa, shiluleme, shitacite kampenda, shiboneka kabotu alimwi ashintu shoonse shabulemu.

Bene Ebulu 13:4

Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.

1 Pita 3:7

Amwebo nobasankwa mulyeelete kwikala calushibo lwa pacikwati abamakaanu. Amubalemeke mukwiinga banakashi mbantu batacite nkusu shiinji alimwi mulaakutambula cipo ca buumi butamaani pantu pomwi ambabo, ico Lesa ncaapa muluse lwakwe. Kamucita boobo kwaamba ayi Lesa anookumbula mipailo yanu.

1 Samwelo 21:5

Defedi wakakumbula ayi, “Ee, tulalitalamusha kubalutundu lyoonsebo na tulicite lweendo naluceyi. Ono inga twabulilaanshi kulicata bulya mulweendo lusalalite mbuli loolu!”