1 Bene Tesalonika 4:3 - Baibo Busansulushi Bwa Libuku Ili

³ Lesa ncaasuni ncakwaamba ayi mube abuumi busalalite, nkokwaamba ayi mulyeelete kusoonoka kubufuule bwa mushobo uli woonse.

1 Bene Tesalonika 4:3 ပူးပေါင်းရင်းမြစ်များ

Kulumbaisha 143:10

Amunjiishe kucita kweelana akuyanda kwanu, ceebo ndimwe baLesa bangu. Mushimu wanu ubotu auntanjilile munshila shitacite shakulisukama.

Kulumbaisha 40:8

NoBaami baLesa ndisunishi kucita kuyanda kwanu. Ee, milawo yanu moili mumoyo wangu.”

Bene Lefi 15:18

Na musankwa amwanakashi bakumana, boonse bobilo balyeelete kusamba. Nakubi boobo teshi bakanoosalalite kushikila macolesha.

Mateyo 12:50

Mukwiinga uyo woonse ucita buyanda baTa bali kwiculu ngunandumi yangu, ngunankashi yangu alimwi mbobama.”

Mateyo 15:19

Mukwiinga mumoyo momuswa miyeeyo ibiibi, ya bucayi, bulale, bufuule, bwiipi, bukamboni bwakubeca alimwi abufuyishi.

Mateyo 5:32

Sombi nebo ntoomulwiita ayi uyo woonse uleka mukaakwe, utakwe kucita bulale, utoomulengesha kucita bulale na weebwa. Alakwe uyo weeba mwanakashi wakalekwa, wacita bulale.

Mateyo 7:21

“Teshi kwaamba ayi boonse banjita ayi, ‘Nkambo, Nkambo’ balaakwinjila muBweene bwa kwiculu, sombibo wooyo ucita kuyanda kwa baTa bali kwiculu.

Maako 3:35

Mukwiinga uyo woonse ucita buyanda Lesa ngunandumi yangu, ngunankashi yangu alimwi mbobama.”

Joni 4:34

Sombi Jesu wakabaambila ayi, “Cakulya cangu nkucita sheesho shiyanda wooyo wakantuma akumanisha ncito yakwe.

Joni 7:17

Aboobo uyo woonse usuni kucita buyanda Lesa, ulaakwishiba na kwiisha kwangu uku kulaswa kuli Lesa nabi kuli ndime nemwiine.

Milimo ya Batumwi 15:20

Sombi tulyeeletebo kubalembela nkalata yakubalwiita ayi tabeelete kulya shakulya shitasalalite ceebo nshipo shakapekwa kushibumbwabumbwa, kutacita cikololo, kutalya nyama shakashinwa alimwi abulowa.

Milimo ya Batumwi 15:29

Mutanoolya cakulya cakapekwa kushibumbwabumbwa, mutanoolya bulowa, mutanoolya banyama bakashinwa alimwi mutanoocita cikololo. Mwebo mulaakucita kabotu namukasuunge shintu ishi. Amucaale kabotu.”

Milimo ya Batumwi 20:32

“Cakweelaako, ndamubika mumaansaakwe Lesa alimwi amakani aamba paluse lwakwe kwaamba ayi amulaame akumuyumya ayi mukatambule shoolwe isho Lesa nshaasungila bantu bakwe boonse.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Bene Loma 1:29

Myoyo yabo iliswitebo shibiibi sha mishobo yoonse mbuli bubi, balisunibo shoonse kashili shinebo, balacitilana shintu shibiibi, munyono, bucayi, inkondo, bubeshi amiyeeyo ibiibi kubabyaabo alimwi mbafuishi.

Bene Loma 12:2

Bwikaalo bwanu butabi anga mbwa bantu ba mucishi ca panshi, sombi amusuminishe Lesa kwaamba ayi asandule myoyo yanu kwiinda mukumupa miyeeyo ipya. Lyalo ndyeshi mukeshibe kuyanda kwakwe Lesa, nkokwaamba ayi shintu shibotu, shimukondelesha alimwi shitacite kampenda.

Bene Loma 6:22

Ono bulya mwakaangululwa kuswa kububi, muli basha bakwe Lesa. Mpindu yanu mbuumi bululeme ubo buletela buumi butamaani.

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

1 Bene Kolinto 7:2

Ono ceebo cakuloonda bufuule musankwa woonse ulyeelete kuba amukaakwe, alakwe mwanakashi ayibaye.

2 Bene Kolinto 12:21

Ntooloonda kwaamba ayi ndaakwisaako alimwi, Lesa inga wanengesha kunyumfwa nsoni pameenso anu mukwiinga ndaakutalika kulila ceebo ca baabo boonse bakabisha kale kale, batana kusanduka kuswa kushibiibi shabo sha lunkumbwa, cikololo ashimwi shoonse shakutalilemeka.

Bene Galatiya 5:19

Ono milimo ya buntu ilibwenekete patuba, njeeyi, bufuule, kutanoosalalite, kutalitibuka, kucita shintu shitaluleme,

Bene Efeso 5:17

Paceebo ceeco mutabi anga mbantu baluya, sombi amweeleshe kwishiba sheesho Mwaami Lesa nshaasuni ayi mucite.

Bene Efeso 6:6

Mutanoocitabo boobo na kabamubwene kwaamba ayi bamuluumbe. Sombi mukwiinga muli basebenshi bakwe Klistu, mulyeelete kucita sheesho Lesa nshaasuni ankusu shanu shoonse.

Bene Kolose 1:9

Nceceeco ncetutacilekeli kumupaililaako kuswabo pabushiku nditwakanyumfwa makani aya apali ndimwe. Tulasenga Lesa amupe busongo alushibo isho shiswa kuMushimu Usalashi kwaamba ayi mwishibe kuyanda kwakwe.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

Bene Kolose 4:12

Epafulasi wamwaansha. Alakwe ngwamulikoto lyanu alimwi ngumusebenshi wakwe Klistu Jesu. Lyoonse ulamupaililaako kuli Lesa kwaamba ayi mushimpe mulushomo amukucita kuyanda kwakwe Lesa.

1 Bene Tesalonika 4:2

ceebo mulishi milasho iswa kuMwaami Jesu iyo njetwakamupa.

1 Bene Tesalonika 4:4

Musankwa amusankwa ulyeelete kwaamba ayi ekale amukaakwe munshila isalalite alimwi yabulemu,

1 Bene Tesalonika 5:18

Kamulumba Lesa mushintu shoonse. Ici ncaasuni Lesa kwaamba ayi mucite kweelana ambomuli muli Klistu Jesu.

1 Bene Tesalonika 5:23

Ono Lesa uyo utulengesha kwaamba ayi twikale muluumuno, amusalashe cakumaninina akulengesha buumi bwanu boonse kubula kampenda pakwisa Mwaami wesu Jesu Klistu.

2 Bene Tesalonika 2:13

Swebo tulyeelete kulumba Lesa lyoonse ceebo canu nobamakwesu, nomusunikwi kuMwaami Lesa mukwiinga Lesa wakamusala kuswa kumatalikilo kwaamba ayi mupulushikwe. Lesa wakamulengesha kuba bantu bakwe kwiinda mumulimo wa Mushimu Usalashi alimwi alushomo lwanu mushalushinisho.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Bene Ebulu 10:36

Mulyeelete kukalika myoyo kwaamba ayi mucite kuyanda kwakwe Lesa alimwi akwaamba ayi mukatambule sheesho nshaakashomesha.

Bene Ebulu 12:16

Mulyeelete kucenjela kwaamba ayi kutabi mufuule nabi womwi mulikoto lyanu, nabi muntu ucobola Lesa mbuli Esau, uyo wakoolisha bunene bwakwe ceebo ca cakulya ca linkanda lyomwibo.

Bene Ebulu 13:21

Lesa uyo amupe shibotu shoonse shiyandika kwaamba ayi mucite kuyanda kwakwe alimwi ayi kwiinda muli Jesu Klistu, acite shimukondelesha muli ndiswe. Kuli Klistu akube bulemu lyoonse alyoonse! Ameni.

Bene Ebulu 13:4

Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.

1 Pita 1:2

Mumiyeeyo yakwe Lesa Ishiwesu wakamusala. Mwakasalashikwa aMushimu Usalashi ayi munoonyumfwila Jesu Klistu akusanshikwa abulowa bwakwe. Luse aluumuno shikomene muli ndimwe lyoonse alyoonse.

1 Pita 4:2

Paceebo ceeco, mubuumi bwanu bwa mucishi ca panshi tamweelete kukonkela shiyanda mibili yanu, sombi shiyanda Lesa.

1 Joni 2:17

Cishi alimwi ashintu shoonse shiliimo isho bantu nshebakumbwa shitooya bumana, sombi uyo ucita kuyanda kwakwe Lesa, ulaba abuumi butamaani.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.