1 Bene Tesalonika 3:9 - Baibo Busansulushi Bwa Libuku Ili

⁹ Bulya ceebo canu tulakonsha kulumba Lesa. Twamulumba ceebo cakusangalala nkotucite pameenso akwe ceebo canu.

1 Bene Tesalonika 3:9 ပူးပေါင်းရင်းမြစ်များ

2 Samwelo 6:21

Defedi wakakumbula Mikali ayi, “Ndalinga kushana mukulemeka Mwaami Lesa uyo wakansala kuleka baiso abamuŋanda yabo, kwaamba ayi mbe muleli wa bantu bakwe bene Isilaeli. Ndaakunoosekelela mukulemeka Mwaami Lesa,

2 Makani 31:8

Lyalo Esekiya abacinenenene bakwe ndibakabona milwi iyo bakalumbaisha Mwaami Lesa abantu bakwe bene Isilaeli.

Neyemiya 9:5

Bene Lefi nkokwaamba ayi Jeshuwa, Kadimyelo, Bani, Ashabineiya, Shelebiya, Odiya, Shebaniya alimwi aPetayiya bakaambila bantu ayi, “Amunyamuke mulumbaishe Mwaami Lesa, Lesa wanu. Amumulumbaishe kwalyoonse alyoonse. Bantu boonse abalumbaishe liina lyakwe lyabulemu, nakubi kwaamba ayi muntu taakoonshi kulilumbaisha cakulishishaawo.”

Kulumbaisha 116:12

Anu Mwaami Lesa nebo inga ndamupanshi pashintu shibotu shoonse ishi nshancitila?

Kulumbaisha 68:3

Sombi balo baluleme abasangalale. Abasangalale mubulemu bwakwe Lesa. Ncakwiila abasekelele cakusangalala abuumbi!

2 Bene Kolinto 2:14

Ono aalumbwe Lesa utulengesha kukoma kwiinda muli Klistu. Ulatusebensesha mukulengesha makani apali Klistu kuya koonse koonse anga mbweema bubotu.

2 Bene Kolinto 9:15

Atulumbe Lesa ceebo ca cipo ncaakatupa, ico nceenga tatukoonshi kusansulula.

Dutolonomi 12:18

Mwebo abana banu pantu pomwi abasebenshi banu alimwi abene Lefi bekala mumandabalaanu mulyeelete kulita shipo isho pameenso a Mwaami Lesa, Lesa wanu mumusena womwi uyo wakulambililaamo uyo mwiine ngwaakasala. Mulyeelete kusangalala pashintu shoonse nsheshi mukanoosebensela.

Dutolonomi 12:2

Mucishi ico nceshi mukabwese, mukanyonyoole misena njebalambililamo balesa babo patulundu tulaamfu atufwaafwi alimwi amushisamu sha shimfule shibotu.

Dutolonomi 16:11

Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

1 Bene Tesalonika 2:19

Mwebo ndimwe mwalengesha kwaamba ayi tube akulangila, kusangalala alimwi akwaamba cakutatonsha cikani ca kupuluka kwesu pameenso aMwaami wesu Jesu Klistu bushiku aakwisa.