1 Bene Tesalonika 3:6 - Baibo Busansulushi Bwa Libuku Ili

⁶ Ono Timoti waboola kuli ndiswe akutuletela makani asangalasha abuumbi palushomo alusuno lwanu. Watulwiita kwaamba ayi kuyeeya ndiswe kulamulengesha kusangalala alimwi ayi mulisuni kwaamba ayi tukabonaneewo, bweenka aswebo mbotutookumbwa kubonanaawo amwebo.

1 Bene Tesalonika 3:6 ပူးပေါင်းရင်းမြစ်များ

Tushimpi 25:25

Makani abotu aswita kucishi cakulaale, alibo anga ngamaanshi atontola apekwa kumuntu ufwite nyotwa.

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”

Milimo ya Batumwi 16:1

Paulo wakashika kuDebe, lyalo wakaya kuLisitila uko kwakalinga kwikala mushomi wiitwa ayi Timoti. Banyina bakalinga baJuda bashomi, sombi baishi bakalinga baGiliki.

Milimo ya Batumwi 18:1

Kuswawaawo, Paulo wakaswaako kuAtenisi akuya kuKolinto.

Milimo ya Batumwi 18:5

Ono Sailasi aTimoti ndibakashika kuswa kuMakedoniya, Paulo lakwe wakalibenga ayi unanooshimikilabo akulwiita baJuda ayi Jesu ngoUsalitwe wakwe Lesa.

1 Bene Kolinto 11:2

Ndamulumbaisha ceebo lyoonse mulanjeeya alimwi mulakonkela nshendakamwiisha.

1 Bene Kolinto 13:13

Ono pali shintu shotatwe sheshi shikabule kumana. Ishi ndushomo, lulangilo alimwi alusuno. Nakubi boobo pasheeshi, cinene ndusuno.

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Bene Filipi 1:8

Lesa inga wambeta bukamboni kwaamba ayi ndamuyeeya abuumbi mukwiinga ndimusuni amoyo wangu woonse alusuno luli mbuli lwakwe Klistu Jesu mwiine.

Bene Kolose 1:4

mukwiinga twakanyumfwa shalushomo ndomucite muli Klistu Jesu alimwi ashalusuno lwanu kubantu bakwe Lesa boonse.

Bene Kolose 4:18

Nebo nePaulo, ndaleemba alyaansa lyangu nemwiine ayi, “Ndamwaansha.” Mutaluubi kwaamba ayi ndi muntolongo! Luse lwakwe Lesa lube amwebo.

1 Bene Tesalonika 1:3

Ceebo tuleebaluka pameenso akwe Lesa Ishiwesu, nshemwakacita ceebo cakushoma muli Jesu, mbomwakasebensa cankusu ceebo cakumusuna alimwi ambomutoolangila Jesu Mwaami wesu cakutaboola pesule.

1 Bene Tesalonika 2:17

Sombi nobamakwesu, nakubi kwaamba ayi twakapansanishikwa amwebo ciindi ciniinibo, kumubili kuteshi mumiyeeyo, kwiinda mukumuyeeya bunene twakeelesha nshila shiinji kwaamba ayi tubonane amwebo alimwi.

1 Bene Tesalonika 2:9

Nobamakwesu, muliingashite mbotwakasebensa cankusu? Twakalinga kusebensa malumwi amashiku kwaamba ayi tutamupenshi mushintu nshetwakalinga kuyanda kusebensesha, nditwakalinga kumushimikila Makani Abotu aswa kuli Lesa.

1 Bene Tesalonika 3:7

Paceebo ceeco nobamakwesu, lushomo lwanu ndomucite muli Jesu lwatulengesha kuyumya myoyo mukuungumana amumapensho esu oonse.

2 Bene Tesalonika 1:3

Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.

1 Timoti 1:5

Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.

2 Timoti 1:3

Ndalumba Lesa uyo ngoonsebensela amiyeeyo iluleme bweenka bwakalinga kucita bamashali bangu basankwa bakulukulu. Ndamulumba lyoonse ndinkuyeeya mumipailo yangu mashiku amalumwi.

Filimoni 1:5

mukwiinga ndanyumfwa shalusuno lwako pabashomi boonse alushomo ndoocite muMwaami Jesu.

Bene Ebulu 13:3

Kamuyeeya bali muntolongo, akunoobona anga amwebo muli muntolongo ambabo. Kamuyeeya batoopenshekwa akunoobona anga amwebo mutoopenshekwa bweenka mbuli mbabo.

Bene Ebulu 13:7

Amwiibaluke bamatanjilili banu, abo bakamushimikila maswi akwe Lesa. Amuyeeye buumi bwabo mbobwakalinga alufu lwabo alimwi mube alushomo mbuli ndobakalinga kucite.

1 Joni 3:23

Lesa wakatupa mulawo wakwaamba ayi tushome muMwanaakwe Jesu Klistu alimwi akusunana kweelana aKlistu mbwaakatulwiita.