1 Bene Tesalonika 2:9 - Baibo Busansulushi Bwa Libuku Ili

⁹ Nobamakwesu, muliingashite mbotwakasebensa cankusu? Twakalinga kusebensa malumwi amashiku kwaamba ayi tutamupenshi mushintu nshetwakalinga kuyanda kusebensesha, nditwakalinga kumushimikila Makani Abotu aswa kuli Lesa.

1 Bene Tesalonika 2:9 ပူးပေါင်းရင်းမြစ်များ

2 Baami 6:2

Amutusuminishe kuya kuMulonga wa Joodani mukutema shisamu kwaamba ayi tuyake pakwikala.” Elisha wakabakumbula ayi, “Ncibotu, kamuya.”

Neyemiya 5:15

Beendeleshi bakataanguna kulela nebo kaantana kubaawo bakalinga kulemya bantu. Bakalinga kubasesa maali a silifa ali 40 pabushiku abushiku a cakulya awaini. Abalo basebenshi babo bakalinga kulyatilila bantu. Sombi nebo nshindakalinga kucita boobo mukwiinga ndaloonda Lesa.

Neyemiya 5:18

Bushiku abushiku ndakalinga kupa bantu abo musune womwi, mbelele shibotu shiindaawo shosanwe ayomwi alimwi ankuuku shiinji. Ndakalinga kubapa awaini upya lyoonse na peendabo nshiku likumi. Nakubi boobo nshikwe kwaamba ayi banoompa shakulya sheelete kupekwa mweendeleshi mukwiinga ndakalinga kwishi ayi ico inga calengesha mukuli bantu ngobakalinga kucite kwiindaawo kulema.

Kulumbaisha 32:4

Mukwiinga mashiku amalumwi lyaansa lya bukali bwanu lyakalinga kundemena. Aboobo nkusu shangu shakamaninina bweenka buyuma maanshi kulumwi lwa cilimo.

Kulumbaisha 88:1

NoBaami baLesa noBapulushi besu, malumwi amashiku ndalilila pameenso anu.

Tushimpi 31:18

Ulabona kwaamba ayi makwebo akwe atooleta mpindu. Lilampi lyakwe talishimiki mashiku.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Luka 18:7

Ono sa Lesa teshi akabacitile shiluleme bantu bakwe basalitwe abo bamusenga malumwi amashiku? Sa ulaakucelwa kubacafwa?

Luka 2:37

Paciindi ico wakalinga kucite myaaka makumi osanwe aotatwe alimwi ayone. Ciindi coonse ici wakalinga kuya kuŋanda yakwe Lesa. Wakalinga kupaila kuli Lesa mashiku amalumwi alimwi wakalinga kuba aciindi cakulikasha kulya.

Milimo ya Batumwi 18:3

Wakekala akusebensaabo ceebo abalo bakalinga beshikutunga matente bweenka mbuli nguwe.

Milimo ya Batumwi 20:24

Nshicitaaco mulandu nabi ndafwa, cinene nkumanisha mulimo wangu uyo ngwaakampa Mwaami Jesu, wakushimikila Makani Abotu aamba paluse lwakwe Lesa.

Milimo ya Batumwi 20:31

Anu amucenjele. Kamwiingashila lyoonse ayi ndakapenshekwa abuumbi mashiku amalumwi alimwi nshikwe kucilekaawo kumwiisha noonse mulikoto lyanu kwamyaaka yotatwe.

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

Bene Loma 15:16

Ndintooshimikila Makani Abotu, ntoosebensa anga ngumupailishi kwaamba ayi baswamashi bakunsengwe inga baba anga ncipo citambulwa kuli Lesa, ico Mushimu Usalashi nciwakabenga kuli Lesa.

Bene Loma 15:19

mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu.

1 Bene Kolinto 4:12

Tulasebensa cankusu kwaamba ayi tucane shiyandika. Na bantu batushingana tulasenga Lesa kwaamba ayi abape coolwe. Na batupensha, nkuumunabo.

1 Bene Kolinto 9:15

Ono nebo nshikwe kusebenseshaawo nkusu ishi alimwi nshintoolemba sheeshi kwaamba ayi ntalike kushisebensesha, sobwe. Inga cabota kufwa kwiinda kwaamba ayi umwi muntu walengesha ceeco ncendisumpwitaawo kubula mpindu.

1 Bene Kolinto 9:18

Ino ono cilambu cangu nciinshi? Ncakwiila nkushimikila Makani Abotu cakutatambula malipilo alimwi asheelete kutambula muntu ushimikila Makani Abotu.

1 Bene Kolinto 9:4

sa tatweelete kunootambula cakulya ashakunwa?

2 Bene Kolinto 11:27

Lyoonse ndakalinga kuyuwaana, mankanda maanji nshindakalinga koona tulo. Liinji liinji ndakalinga kufwabo nsala anyotwa. Alimwi liinji ndakalinga kubula shakulya, kufwa mpewo mukubula ŋanda ashakufwala.

2 Bene Kolinto 11:9

Paciindi ndindakalinga amwebo, ndakalinga kuyanda lucafwo lwa maali, sombi nshikwe kupensha ndimwe. Bashominyineesu bakaswa kuMakedoniya bakampa shoonse nshendakalinga kuyanda. Nshikwe kupensha ndimwe palucafwo alimwi teshi mupeenshe bulya, nabi bumwi bushiku.

2 Bene Kolinto 6:5

Mukuumwa, mukwaangwa, mumanyonyongano, mukusebensa cankusu, mukutoona tulo amunsala.

Bene Filipi 4:16

Ndindakalinga kuTesalonika, mwakantumina lucafwo loonse ndundakalinga kusuni paciindi aciindi.

1 Bene Tesalonika 1:3

Ceebo tuleebaluka pameenso akwe Lesa Ishiwesu, nshemwakacita ceebo cakushoma muli Jesu, mbomwakasebensa cankusu ceebo cakumusuna alimwi ambomutoolangila Jesu Mwaami wesu cakutaboola pesule.

1 Bene Tesalonika 2:2

Mulishi bene Filipi mbobakatupensha akutusebaanya cilensha nsoni mundabala yabo, katutana kwisa muTesalonika umo. Nakubi kwaamba ayi bantu baanji bakalinga kusuni kwiimika mulimo wesu, Lesa wesu wakatuyumya myoyo kwaamba ayi tukonshe kumulwiita Makani Abotu aswa kuli nguwe.

1 Bene Tesalonika 2:6

Tatukwe kuyanda ayi muntu uli woonse atulumbaishe, mwebo nabi bamwi.

1 Bene Tesalonika 3:10

Malumwi amashiku tulamusenga camoyo woonse kwaamba ayi atusuminishe kubonanaawo amwebo alimwi. Tulisuni kumupa sheesho nshemutana kubaasho mulushomo lwanu.

1 Timoti 1:11

Kwiisha uko kulacanika muMakani Abotu ayo akabikwa mumaansaangu kuswa kuli Lesa ulemekwa shicoolwe.

1 Timoti 4:10

Nceceeco ncetusebensela cankusu akulwisha ceebo kulangila kwesu kuli muli Lesa muumi, uyo ngomupulushi wa bantu boonse, bunene bunene abo bashoma.

1 Timoti 5:5

Mukalubinje mwanakashi utacite beshikumucafwa nabi beshikumulama, wakabika kulangila kwakwe muli Lesa alimwi ulatolelela kupaila akumusenga shalucafwo lwakwe mashiku amalumwi.

2 Timoti 1:3

Ndalumba Lesa uyo ngoonsebensela amiyeeyo iluleme bweenka bwakalinga kucita bamashali bangu basankwa bakulukulu. Ndamulumba lyoonse ndinkuyeeya mumipailo yangu mashiku amalumwi.