1 Bene Tesalonika 2:8 - Baibo Busansulushi Bwa Libuku Ili

⁸ Peculu lya waawo ceebo cakumusunisha twakalinga kulibambite kuteshibo kumwishibisha shaMakani Abotu aswa kuli Lesa, sombi akupa buumi bwesu sobeene. Ncakwiila twakalinga kumusuni abuumbi!

1 Bene Tesalonika 2:8 ပူးပေါင်းရင်းမြစ်များ

Luka 7:2

Kwakalinga mutanjilili umwi wa bashilumamba mwaanda wakalinga kucite musebenshi ngwaakalinga kusuni abuumbi. Uyo musebenshi wakalinga kuciswa cakufwa.

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

Bene Loma 10:1

Nobamakwesu cintu nceensunishi amoyo wangu woonse alimwi nceensenga Lesa, ncakwaamba ayi baJuda abo bamumushobo wangu, bakapulushikwe.

Bene Loma 15:29

Ndishi kwaamba ayi ndaakwisa uko, ndaakumuletela amwebo shoolwe shiswite shiswa kuli Klistu.

2 Bene Kolinto 12:15

Ndisangalete kusebensesha shoonse nsheencite anebo nemwiine ceebo cakumucafwa. Ono sa mulyeelete kunsuna paniini ceebo ndimusuni bunene?

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

Bene Galatiya 4:19

Nobana bangu, bweenka mbuli mwanakashi mbwaanyumfwa kucisa na mumala mwabuka, anebo mbontoonyumfwa ceebo ca ndimwe kushikila buumi bwa buKlistu buboneke cancinencine muli ndimwe.

Bene Filipi 1:8

Lesa inga wambeta bukamboni kwaamba ayi ndamuyeeya abuumbi mukwiinga ndimusuni amoyo wangu woonse alusuno luli mbuli lwakwe Klistu Jesu mwiine.

Bene Filipi 2:17

Nabi na bulowa bwangu butootilwa anga ncipo ca cakunwa pantu pomwi acipo ico lushomo lwanu ncelutoobenga kuli Lesa, ndasangalala akusekelela pantu pomwi amwebo noonse.

Bene Filipi 2:20

Nshiciteewo aumwi muntu ngoonshoma ayi inga wamubikaako maano.

Bene Filipi 4:1

Ono mwebo nobamakwesu, nomusunikwi alimwi ndamuyeeya abuumbi. Mwebo mulansangalasha. Paceebo ceeco ndatangala cankusu ceebo ca ndimwe. Anu ubo nobamakwesu mbomweelete kuyuma muMwaami.

Bene Kolose 1:28

Klistu ngowooyo ngotushimika. Tulacenjesha akwiisha bantu boonse mubusongo boonse mbotwakapekwa kwaamba ayi babe bantu batacite kampenda muli Klistu.

Bene Kolose 1:7

Mwakeeya sheeshi kuli Epafulasi musebenshinyineesu usunikwi, musebenshi wakwe Klistu ushomeka mukutwimikaninaako.

Bene Kolose 4:12

Epafulasi wamwaansha. Alakwe ngwamulikoto lyanu alimwi ngumusebenshi wakwe Klistu Jesu. Lyoonse ulamupaililaako kuli Lesa kwaamba ayi mushimpe mulushomo amukucita kuyanda kwakwe Lesa.

Filimoni 1:1

Ndime Paulo uyo uli muntolongo ceebo cakwe Klistu Jesu. Ndi amukwabesu Timoti. Tutoolembela ndiwe omukwabesu Filimoni musebenshinyineesu,

Bene Ebulu 13:17

Amunyumfwile bamatanjilili banu kwiinda mukukonkela milasho yabo. Lyoonse balalama buumi bwanu cakutookesha mukwiinga balaakusansulwita Lesa mbuli mbobakasebensa milimo yabo. Na kamubanyumfwila, balaakusebensa milimo yabo iyo cakusangalala. Sombi na kamutabanyumfwili, balaakusebensa cabuumba, aboobo ici teshi cikamucafweewo, sobwe.

1 Joni 3:16

Klistu wakaaba buumi ceebo ca ndiswe, munshila iyi tuleshiba lusuno mbolubete. Aboobo aswebo tulyeelete kwaaba buumi bwesu ceebo ca babyeesu.