1 Bene Tesalonika 2:7 - Baibo Busansulushi Bwa Libuku Ili

⁷ Ee, mbuli batumwi bakwe Klistu necakalulamabo kumusenga shintu, sombi swebo twakalibombya pakati kanu bweenka mbuli mushali mwanakashi mbwaalama bana bakwe.

1 Bene Tesalonika 2:7 ပူးပေါင်းရင်းမြစ်များ

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 66:13

Bweenka mwanakashi mbwaaumbulusha mwanaakwe mbweeke ubo anebo mbweshi nkamuumbulushe. Minsonshi yanu pandabala ya Jelusalemu ndaakwiimana.

Shakubelenga 11:12

Teshi ndime ndakabamita nabi kubashala. Ceebonshi mwandwiita ayi noobalela akubanyamuna mumaansaangu anga mbakateta kushikila mucishi ico ncemwakalasha bamashali babo bakulukulu?

Milimo ya Batumwi 13:18

Wakalinga kubalama myaaka ili makumi one muluyanga nabi bakalinga kwaalilwa kumukondelesha.

1 Bene Kolinto 2:3

Ndindakesa shindakalinga kuciteewo nkusu, aboobo ndakalinga kututumabo kuboowa.

1 Bene Kolinto 9:22

Pakati ka bantu bacite lushomo luniini ndakekala mbweeke mbuli mbabo kwaamba ayi mbalete kuli Lesa. Aboobo kubantu boonse ndakekala mbweeke mbuli mbabo kwaamba ayi na kacikonsheka bamwi Lesa abapulushe.

2 Bene Kolinto 10:1

Nebo nePaulo, ntooyanda kumusenga ono. Bantu balaamba ayi na kaandi amwebo ndalibombya, sombi na nkaantabete amwebo ndamukalalila. Kwiinda mukulibombya ankuumbu shakwe Klistu ntoomusenga ayi

2 Bene Kolinto 13:4

Ceebo nabi wakapopwa pamucilingano mukulefuka kwa buntu, ngumuumi kwiinda munkusu shakwe Lesa. Tulilefukite muli nguwe, sombi munkusu shakwe Lesa tulaakuba boomi anguwe kwaamba ayi tukamucite bweelete.

Bene Galatiya 4:19

Nobana bangu, bweenka mbuli mwanakashi mbwaanyumfwa kucisa na mumala mwabuka, anebo mbontoonyumfwa ceebo ca ndimwe kushikila buumi bwa buKlistu buboneke cancinencine muli ndimwe.

1 Bene Tesalonika 2:11

Mulishi kwaamba ayi womwi awomwi pakati kanu, twakalinga kumucitabo anga ngumushali musankwa mbwaacitila bana bakwe mwiine.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.