1 Bene Tesalonika 2:5 - Baibo Busansulushi Bwa Libuku Ili

⁵ Mulishi kabotu ayi tatukwe kwisa kuli ndimwe amaswi akumukondeleshabo, nabi kwaamba ayi tucane mpindu kuswa kuli ndimwe. Lesa ulishi kabotu anshetwakacita.

1 Bene Tesalonika 2:5 ပူးပေါင်းရင်းမြစ်များ

Jobo 16:19

Kwiculu ndishi kwaamba ayi nkwaali kamboni wangu, ee, shikunjimikaninaako nkwaali uko.

Jobo 17:5

Na muntu waaba mubye ceebo cakuyanda maali, bana bakwe mbweshi bakapengeleemo akufwa nsoni.

Tushimpi 20:19

Mufuyishi taakoonshi kukalika makani abushishi, aboobo amutalamuke muntu shikubwekabweka.

Tushimpi 26:28

Muntu ubeca ulapata baabo mbwaabekesha. Mulomo waamba shabubeshi ulalengesha kunyonyoolwa.

Tushimpi 28:23

Uyo ukalalila mubye ulaakusunwa kumeelelesho, kwiinda muntu ubonesha lusuno lwakubeca.

Isaya 30:10

Balaambila beshikubona ayi, ‘Amucileeke kubona shili anga nshiloto!’ Ee, balaambila balaluki ayi, ‘Amucileeke kutulwiita shili anga nshiloto shaamba shintu shiluleme!’ Kamutwaambila shintu sheenga shatusangalasha. Kamulaluka shintu shakuyeeyelabo.

Isaya 56:11

Balibo anga mbakabwa beshi milyomibi abo batakutiiwo nabi balya buyani. Mbeembeshi bateshi ankobatooya, boonse batola nshila shabo. Womwi awomwi pakati kabo ulisunibo kulicanina mpindu yakwe mwiine.

Jelemiya 6:13

Kuswabo kubantu bataaku ambobabete kushika akubaabo balemekwa, boonse balicitebo miyeeyo yabumbilileewo. Balaluki abapailishi abalo ngumushobo womwibo, boonse balacenjeeka bantu.

Jelemiya 8:10

Paceebo ceeco, bamakaabo ndaakubapa kubasankwa bamwi, ayalo myuunda yabo kubantu bamwi. Kutalikilabo kumuntubo kushika kubalemekwa, boonse beenka basuni kubilila mubwiipi. Balaluki abapailishi boonse abalo mbeshikubeca.

Mika 3:5

Mwaami Lesa waamba ayi, “Mwebo nobalaluki nomulubya bantu bangu, na umwi wamupa cakulya mulaamba shaluumuno. Na taamupi, mulalaluka shankondo.

Malaki 1:10

Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.

Mateyo 22:16

Lyalo bakatuma bashikwiiya babo abantu bamwi bakwe Elodi kuli Jesu mukumwiipusha ayi, “Bafundishi, tulishi kwaamba ayi mwebo mulashomeka alimwi muleeisha maswi akwe Lesa calushinisho, bweenka mbuli mbwaabete. Tamulisukami amiyeeyo ya muntu mukwiinga tamusalululi.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Milimo ya Batumwi 20:33

Nshina kuyandawo kale kubwesa maali nabi cakufwala ca muntu umwi kwiinda mulunkumbwa.

Bene Loma 1:9

Lesa uyo ngoonsebensela amoyo woonse kwiinda mukushimikila Makani Abotu aamba shaMwanaakwe, ngukamboni wangu ayi ico ncentokwaamba ncalushinisho. Ulishi alimwi kwaamba ayi ndamuyeeya lyoonse

Bene Loma 16:18

Ceebo bantu bacita shintu sha mushobo wooyo tabasebenseli Klistu Mwaami wesu, sombi sheesho shiyanda mibili yabo beene. Kwiinda mumaswi abotu ngobaamba abubeshi balacenjeeka bantu batana kuyuma mulushomo.

Bene Loma 9:1

Nshentokwaamba nshalushinisho alimwi nshibeci ceebo ndi wakwe Jesu Klistu. Moyo wangu, uyo weendeleshekwa aMushimu Usalashi, awalo ulandwiita ayi nshintoobeca

2 Bene Kolinto 12:17

Ono munshilanshi? Sa ndakamunyengelelaawo kwiinda mubaabo mbondakatuma?

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

2 Bene Kolinto 7:2

Amututambule mumyoyo yanu. Taaku ngotwakabishisha, kunyonyweeta lushomo nabi kubeca.

Bene Galatiya 1:20

Ntoomulwiita calushinisho pameenso akwe Lesa ayi makani ayo ngontoomulembela ngancinencine.

1 Bene Tesalonika 2:10

Mwebo aLesa mwiine, muli bakamboni besu kwaamba ayi bwikaalo bwesu pakati kanu nobashomi, bwakalinga kusalalite, bululeme alimwi butacite kampenda.

1 Timoti 3:3

Taaelete kuba cakolwa, nabi mukali, sombi mubombu, shiluumuno, utasunishi maali.

1 Timoti 3:8

Bacafwi ba coonde abalo balyeelete kuba amibo ibotu, bashomeka, bateendilishi kunwa shikola alimwi batayandooli maali munshila sha bucenjeshi.

Taitasi 1:7

Ono ceebo mutanjilili wa coonde utokweendelesha mulimo wakwe Lesa, ulyeelete kubula kampenda. Taaelete kuba muntu ulyuuma mucaamba, ufwambaana kukalala, cakolwa, mukali nabi usunishi buboni.

1 Pita 5:2

Amweembele litanga lyakwe Lesa ilyo ndyaakamupa kuteshi cakukakatishikwa, sombi cakukondwa kweelana akuyanda kwakwe Lesa. Mutasebensi mulimo wanu ceebo cakulangoolabo maali, sombi musebense amoyo woonse cakulibenga.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.