1 Bene Tesalonika 2:16 - Baibo Busansulushi Bwa Libuku Ili

¹⁶ Bakeelesha kutukasha kushimikila Makani Abotu kubaswamashi bakunsengwe ayo Lesa ngweenga wabapulushishaamo. Paceebo ceeco balibunjikila shibiibi shabo shoonse, cakwaamba ayi bulya bukali bwakwe Lesa bwabashikila.

1 Bene Tesalonika 2:16 ပူးပေါင်းရင်းမြစ်များ

Matalikilo 15:16

Palaakwiinda myaaka ili 400 kwaamba ayi bamulunyungu lwako bese mucishi cino, ceebo bene Amoli teshi nkabatandeemo kabatana kuba bamucita shibi beelete kutondeshekwa bukali.”

Isaya 45:22

“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.

Danyelo 8:23

“Meelelesho a malelo ayo aakushika pafwaafwi alimwi malelo ayo akuba abubi buunji cakwaamba ayi alyeelete kupekwa mulandu, kulaakuba mwaami shicimpamya, shilunkutwe alimwi mubeshi.

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Malaki 4:5

“Amubone, ndaakumutumina mulaluki Elija bushiku bunene buyoosha bwa Mwaami kabutana kushikila.

Mateyo 12:45

Lyalo ulaya mukuletelaawo abamwi bali bosanwe abobilo babiibi kwiinda pali nguwe. Mpeeke balenjila akwikala mumuntu uyo. Aboobo bwikaalo bwa muntu uyo bulabica kwiinda bwakutaanguna. Mbweshi cikabe akubantu babiibi ba cecino ciindi.”

Mateyo 23:32

Anu amutolelele, mumanishe mulimo wakatalika bamashali banu bakulukulu!

Mateyo 24:14

Lyalo Makani Abotu aya aamba shaBweene bwa kwiculu, alaakushimikilwa mucishi coonse kwaamba ayi akabe mbobukamboni kubantu boonse. Kuswawaawo, cishi ndyeshi cikamaane.

Mateyo 24:6

Mulaakunyumfwa nkondo ampuuwo sha nkondo, sombi mwebo mutakalisukami. Ishi shilaakucitika, sombi teshi kwaamba ayi ngomamanino a cishi.

Mateyo 3:12

Lakwe ulicite kale acakuululushishako maila. Ulaakululusha maila akwe akwaalongela mubutala. Lyalo ulaakutenta buungu boonse mumulilo utashimiki.”

Maako 16:16

Uyo woonse ushoma akubombekwa, ulaakupulushikwa. Sombi uyo utashomi, ulaakupekwa mulandu.

Milimo ya Batumwi 13:45

Ono baJuda ndibakabona bantu baanji baanji abo, bakafwa munyono abuumbi. Bakatalika kupikisha shakalinga kwaamba Paulo akunoomucobola.

Milimo ya Batumwi 13:50

Sombi baJuda bakayungoola basankwa bacinenenene mundabala inene alimwi abanakashi bashibikitwe baswamashi bakunsengwe abo bakalinga kulambila Lesa. Lyalo bakatalika kupensha Paulo aBanabasi akubatanda mucishi cabo.

Milimo ya Batumwi 14:19

Lyalo kwakesa baJuda bamwi kuswa kuAntyoki mucishi ca Pisidya alimwi akuIkoniyamu. Bakayungoola bantu ayi banyumfwile mbabo akutalika kuuma Paulo mabwe. Kuswawaawo bakamukwelela pansengwe lya ndabala kabayeeya ayi wafwa.

Milimo ya Batumwi 14:2

Sombi baJuda abo batakwe kushoma, bakayungoola baswamashi bakunsengwe ayi babukile baabo bakashoma.

Milimo ya Batumwi 14:5

Mpomunyaawo bamwi baswamashi bakunsengwe abaJuda alimwi abamatanjilili babo, bakapangana ayi bapenshe batumwi akubooma mabwe.

Milimo ya Batumwi 17:13

Sombi baJuda ba muTesalonika ndibakanyumfwa ayi Paulo utooshimikila maswi akwe Lesa muBiliya amwalo, bakayaako akutalika kuyungoola bantu ayi batalike shimfulunganya.

Milimo ya Batumwi 19:9

Sombi bamwi bakacita minsuula akukaka kushoma nshaakalinga kubalwiita. Bakatalika kucobola Nshila ya Mwaami Jesu pameenso a bantu boonse. Paceebo ceeco, Paulo wakabashiya akuya abaabo bakashoma. Mpeeke bushiku abushiku wakalinga kubandika abantu muŋanda inene njaakalinga kusebensesha Tayilanasi pakwiisha.

Milimo ya Batumwi 21:21

Bakalwiitikwa ayi uleeisha baJuda boonse bekala mushishi sha baswamashi bakunsengwe ayi bacileeke kukonkela Milawo yakwe Mose. Bakalwiitikwa alimwi ayi ulabeeisha kucileka kupalula bana babo nabi kukonkela kwishibila kwa baJuda.

Milimo ya Batumwi 23:12

Ndibwakaca, baJuda bamwi bakabungana pantu pomwi akupangana bwakucita Paulo. Bakalumbila pameenso akwe Lesa ayi teshi bakalye nabi kunwa cintu naciceyi kushikila bakamucaaye.

Milimo ya Batumwi 24:9

Abalo baJuda bakasuminisha akwaamba ayi shoonse nshancinencine.

Milimo ya Batumwi 25:2

Mpeeke bamatanjilili ba bapailishi alimwi abamatanjilili ba baJuda bakalwiita Fesitasi milandu yoonse njebakabekesha Paulo. Bakalinga kusenga Fesitasi

Milimo ya Batumwi 25:7

Ono Paulo ndyaakashika, baJuda bakaswa kuJelusalemu bakamushinguluka akutalika kwaamba shikani shiinji shiloondesha pali nguwe, sombi bakaalilwa kutondesha ayi nshebakalinga kwaamba nshalushinisho.

Milimo ya Batumwi 4:12

Lupulusho lulacanikabo muli nguwe eenka mukwiinga taaku liina alimwi mucishi ca panshi Lesa ndyaakapa ayi inga twapulukilaamo.”

Milimo ya Batumwi 9:23

Ndipakeenda nshiku shiinji, baJuda bakabungana pantu pomwi akupangana ayi bacaye Saulo.

1 Bene Kolinto 10:33

Amucite kweelana ambooncita. Nebo ndeelesha kukondelesha bantu boonse mushintu nsheencita. Nshiyandoolibo sheesho shikonda ndime nemwiine, sombi shikonda boonse kwaamba ayi abalo bapulushikwe.

Bene Galatiya 5:11

Nobamakwesu, ono na nebo ncishimikila shakupalulwa ceebonshi bantu bacimpensha? Nendalinga kushimikila boobo, naakwiinga bantu kabatapikishi kushimikila shalufu lwakwe Jesu lwa pamucilingano.

Bene Efeso 3:13

Aboobo, ndamusenga kwaamba ayi mutatyongooki pakubona mboontoomupengela. Mapensho aya atoocitika kwaamba ayi mucane cibotu.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

1 Bene Tesalonika 1:10

Peculu lya waawo mutoolindilila Mwanaakwe kuswa kwiculu wiitwa ayi Jesu, uyo Lesa ngwaakabusha kuswa kubafu. Jesu uyo ngootufuna kuswa kubukali bwakwe Lesa.

2 Bene Tesalonika 2:10

alimwi akusebensesha bubeshi bwa mishobo imwi yoonse kubaabo batoolindilabo kunyonyoolwa. Balaakunyonyoolwa ceebo bakakaka makani a lushinisho ayo ali kweelete kubaletela lupulusho.

1 Timoti 2:4

uyo usuni kwaamba ayi bantu boonse bakapulushikwe akwishiba shalushinisho.

Bene Ebulu 6:8

Sombi na mumuunda umo kamumena myuumfwa alimwi atulembwelembwe taucite mpindu alimwi ingayi Lesa uli pafwaafwi kuushingana, pesule akuunyonyoola mumulilo.

Ciyubululo 22:11

Uyo woonse ucita shibiibi, ulyeelete kutolelela kubisha, awooyo ucita shintu shilensha nsoni, ulyeelete kutolelela kushicita. Alakwe uyo ucita shiluleme, ulyeelete kutolelela kushicita, awooyo usalalite, ulyeelete kunoosalalitebo.”