1 Bene Tesalonika 2:12 - Baibo Busansulushi Bwa Libuku Ili

¹² Twakalinga kumuyuminisha akumwaambila cankusu ayi mulyeelete kwikala bwikaalo ubo bukondelesha Lesa, uyo umwiita kwaamba ayi mukenjile muBweene amubulemu bwakwe.

1 Bene Tesalonika 2:12 ပူးပေါင်းရင်းမြစ်များ

Matalikilo 5:22

Kuswawaawo wakekala myaaka ili 300 kaaenda mubushicibusa aLesa, alimwi wakashala baana abamwi.

2 Makani 17:4

Wakasebensela Lesa wa baishi akukonkela milawo yakwe. Taakwe kukonkela bwakalinga kucita bene Isilaeli.

Bene Loma 8:28

Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

Bene Loma 8:30

Ono abo Lesa mbaakabika palubasu, mbwaakeeta. Abo mbwaakeeta mbobaabo mbwaakalulamika pameenso akwe. Alimwi abo mbwaakalulamika, mbobaabo mbwaakapako bulemu bwakwe.

1 Bene Kolinto 1:9

Lesa uyo wakamwiita ayi mube mubwanabwankashi aMwanaakwe Jesu Klistu Mwaami wesu, ulashomeka.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Bene Galatiya 5:16

Nceentokwaamba nceeci, amuleke Mushimu Usalashi umutanjilile. Lyalo ndyeshi mubule kukonkela buumi bwa buntu ubo busuni kubisha.

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

Bene Kolose 2:6

Ono ceebo mwakatambula Jesu Klistu akusumina ayi abe Mwaami wanu, amukalilile muli nguwe.

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

1 Bene Tesalonika 4:12

Kwiinda mukucita boobo, mulaakubona kwaamba ayi bakunsengwe balaakutalika kumupa bulemu alimwi taaku ngweshi mukancinkemo manungo ayi ngweshi anoomupa nshemuyanda.

1 Bene Tesalonika 5:24

Uyo wakamwiita ulashomeka alimwi ulaakumucitila cintu ici.

2 Bene Tesalonika 1:10

Shoonse ishi shilaakucitika pabushiku bunene bulya aakwisa mukutambulwa cabulemu akulumbaishikwa kubantu bakwe, nkokwaamba ayi abo boonse bashoma. Amwebo mulaakuba mulikoto lyabo ceebo mwakashoma makani ngotwakamulwiita.

2 Timoti 1:9

Wakatupulusha akutwiita ayi tube bantu bakwe basalalite, kuteshi ceebo ca ceeco ncetwakacita, sombi kwiinda mukuyanda kwakwe mwiine alimwi aluse lwakwe. Luse ulo wakabaalo pali ndiswe kwiinda muli Klistu Jesu ciindi kacitana kutalika.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

2 Pita 1:3

Lesa kwiinda munkusu shakwe shabulemu, wakatupa shoonse shiyandika kwaamba ayi twikale buumi bwakupaila kwiine kwiine. Wakacita boobo kwiinda mulushibo ndotucite pali wooyo wakatwiita ceebo ca bulemu abubotu bwakwe.

1 Joni 2:6

Uyo waamba ayi uli muli Lesa, alakwe ulyeelete kwikala bweenka bwakekala Jesu Klistu.

3 Joni 1:6

Bashomi aba bakalwiita coonde ca kokuno mbuli mbowakabacafwa calusuno. Utoocita kabotu kunoobacafwa munshila isangalasha Lesa kwaamba ayi batolelele mulweendo lwabo.