1 Bene Tesalonika 1:8 - Baibo Busansulushi Bwa Libuku Ili

⁸ Bantu baanji baanji, kuteshibo muMakedoniya amuAkeya, bakanyumfwa Makani Abotu apali Jesu. Sombi bakanyumfwa ampuuwo ya lushomo lwanu muli Lesa yamwaika kumisena imwi yoonse. Aboobo taaku nceenga twaambaawo pacikani ico.

1 Bene Tesalonika 1:8 ပူးပေါင်းရင်းမြစ်များ

Kulonga 18:9

Jetulo ndyaakanyumfwa makani oonse aya, wakasangalala

Isaya 2:3

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”

Isaya 66:19

alimwi balaakwishiba kwaamba ayi ndime mbapa milandu. “Sombi bamwi ndaakubashiyaawo akubatuma kumishobo imwi akumisena yakulaale uko nkobatana kunyumfwaawo kale mpuwo yangu nabi kubonawo kale nkusu shangu shinene. Nkokwaamba ayi kuTashishi, kuLibya, Lidiya cishi ico cicite basankwa bacibwene kulwana amata, kuTubali alimwi akuGilisi.

Milimo ya Batumwi 18:12

Ono Galiyo ndyaakaba mweendeleshi wa Akeya, baJuda bakabungana akucata Paulo bamutola kunkuta.

Bene Loma 1:8

Ntootaanguna kulumba Lesa kwiinda muli Jesu Klistu ceebo ca ndimwe noonse mukwiinga bantu mucishi coonse batoonyumfwa kwaamba ayi mulashoma muli Jesu Klistu.

Bene Loma 15:26

Ceebo bashomi ba mushoonde sha muMakedoniya alimwi aAkeya, bakakondwa kupa shipo shakucafwa bakandu bali mulikoto lya bantu bakwe Lesa muJelusalemu.

Bene Loma 16:19

Bantu boonse bakanyumfwa mpuwo yanu yakushoma Makani Abotu. Paceebo ceeco ndikondetwe ceebo ca ndimwe, sombi ndisuni kwaamba ayi mube basongo kwiinda mukushiba shibotu, mutafulunganishikwi abubi.

1 Bene Kolinto 14:36

Maswi aswa kuli Lesa taakwe kuswa kuli ndimwe alimwi teshi ndimwe nweenka nomwakaatambula.

2 Bene Kolinto 2:14

Ono aalumbwe Lesa utulengesha kukoma kwiinda muli Klistu. Ulatusebensesha mukulengesha makani apali Klistu kuya koonse koonse anga mbweema bubotu.

2 Bene Kolinto 3:4

Twaamba boobo ceebo kwiinda muli Klistu tulicite lushomo muli Lesa.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

2 Bene Tesalonika 1:4

Paceebo ceeco tulikondetwe pali ndimwe mushoonde shakwe Lesa. Tulikondetwe pali ndimwe ceebo cakukomenya myoyo akutaboola pesule mulushomo kweelana aciindi ndyemuli mumapensho amakatasho.

2 Bene Tesalonika 3:1

Cakweelaako nobamakwesu, kamutupaililaako kwaamba ayi Maswi aswa kuMwaami amwaike cakufwambaana kushika kumisena yoonse, akutambulwa cabulemu bweenka mbwaakatambulwa pakati kanu.

1 Timoti 2:8

Ndisuni basankwa kuli koonse, kabapaila amaansa kaanyamukite, amoyo usalalite, kakutaaku kukalala nabi kupikishanya.

2 Timoti 2:9

Ceebo cakushimikila Makani Abotu, ndapenga akwaangwa ncetani bulya anga ngushikusotoka milawo, sombi maswi akwe Lesa taangitwe muncetani napaceyi!

3 Joni 1:12

Boonse bantu balaamba ayi Demetiliyasi uli kabotu, alwalo lushinisho mbomunya. Aswebo tutoopa bukamboni pali nguwe alimwi ulishi kwaamba ayi bukamboni bwesu mbwancinencine,

Ciyubululo 14:6

Mpomunyaawo ndakabona munjelo aumwi kaauluka mwiculu mwiine mwiine. Wakalinga kucite makani abotu atamaani kwaamba ayi akashimikile bantu ba mucishi ca panshi, kubantu bacite shikanda shipusenepusene, mikowa yoonse, milaka yoonse alimwi akumishobo yoonse.

Ciyubululo 22:17

Mushimu Usalashi aNabwiinga batokwaamba ayi, “Kamwisa!” Awooyo woonse unyumfwa makani aya ulyeelete kwaamba ayi, “Kamwisa!” Uyo woonse unyumfwite nyotwa, ese. Uyo woonse usuni, atambule maanshi apa buumi ayo apekwabo.