1 Bene Tesalonika 1:6 - Baibo Busansulushi Bwa Libuku Ili

⁶ Mwakakonkela bwikaalo bwesu abwa Mwaami Jesu. Nabi mwakalinga mumapensho anene, mwakatambula Makani Abotu cakusangalala uko kuswa kuMushimu Usalashi.

1 Bene Tesalonika 1:6 ပူးပေါင်းရင်းမြစ်များ

Osiya 2:14

“Paceebo ceeco ndaakubatola muluyanga alimwi. Umo ndaakubanyengelela amaswi abotu a lusuno kwaamba ayi mbabooshe kumubili.

Mateyo 16:24

Lyalo Jesu wakaambila bashikwiiya bakwe ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe akunkonkela.

Joni 8:12

Jesu wakaambila baFalisi alimwi ayi, “Ndi mumuni umunikila bantu boonse. Uyo woonse unkonkela teshi akeende mumunshinshe napaceyi, sombi ulaakuba amumuni upa buumi.”

Milimo ya Batumwi 13:52

Sombi balo bashomi ba kuAntyoki bakasangalala abuumbi alimwi akusushikwa Mushimu Usalashi.

Milimo ya Batumwi 5:41

Batumwi ndibakaswa muboomboloshi, bakalinga kukondetwe abuumbi ceebo Lesa wakabona kwaamba ayi balyeelete kupenshekwa ceebo cakwe Jesu.

Milimo ya Batumwi 9:31

Muciindi ici, bashomi mushishi shoonse sha Judeya, Galili alimwi aSamaliya bakalinga muluumuno. Bashomi aba bakalinga kucatene pantu pomwi, bakafulilaako kwiinda mukuyuminishikwa aMushimu Usalashi alimwi bakalinga kulemeka Mwaami.

Bene Loma 15:13

Ndaseenga ayi Lesa uyo ulengesha ayi munoolangila asushe kusangalala kwancinencine mumyoyo yanu alimwi aluumuno kwiinda mulushomo ndomucite muli Jesu. Nkusu sha Mushimu Usalashi shinooyumya kulangila kwanu.

1 Bene Kolinto 11:1

Munoonkonkela ndime bweenka anebo mboonkonkela Klistu.

1 Bene Kolinto 11:2

Ndamulumbaisha ceebo lyoonse mulanjeeya alimwi mulakonkela nshendakamwiisha.

1 Bene Kolinto 4:16

Aboobo ndamusenga kwaamba ayi mukonkele nsheencita.

2 Bene Kolinto 6:10

Tulaboneka anga tulyuungumene, sombi tulakondwa lyoonse. Tulaboneka anga mbakandu, sombi tulalengesha bantu baanji kubila. Tulaboneka anga taaku ncetucite, sombi shintu shoonse shili mumaanseesu.

2 Bene Kolinto 8:5

Bakacita buteshi mbotwakalinga kubayeeyela, sombi kutaanguna bakalibenga kuli Lesa, lyalo kweelana akuyanda kwakwe Lesa, bakalibenga akuli ndiswe.

Bene Galatiya 5:22

Sombi shisepo sha Mushimu Usalashi, ndusuno, kusangalala, luumuno, kukomenya moyo, nkumbu, kubota moyo, kushomeka,

Bene Efeso 5:1

Ono mukwiinga muli bana bakwe Lesa abo mbaasuni, mulyeelete kukonkela mibo yakwe.

Bene Filipi 3:17

Nobamakwesu, kamwiiya ndime alimwi mubalabilile abo bantu beenda munshila njetwakamwiisha.

2 Bene Tesalonika 1:4

Paceebo ceeco tulikondetwe pali ndimwe mushoonde shakwe Lesa. Tulikondetwe pali ndimwe ceebo cakukomenya myoyo akutaboola pesule mulushomo kweelana aciindi ndyemuli mumapensho amakatasho.

2 Bene Tesalonika 3:7

Mwebo nobeene mulishi kwaamba ayi mulyeelete kwikala bweenka mbotwakalinga kwikala pakati kanu. Twakalinga kusebensa cankusu,

2 Bene Tesalonika 3:9

Twakalinga kweelete kunoosengabo shoonse shakalinga kuyandika kuli ndimwe, sombi twakalinga kusebensa kwaamba ayi cibe citondesho kuli ndimwe.

2 Timoti 4:2

unooshimikila maswi akwe Lesa, muciindi bantu ndibasuni kukutika nabi tau. Kobalulika, kubakalalila alimwi akubayumya mukubeeisha camoyonteeka.

Bene Ebulu 10:34

Mwakoongumana pantu pomwi abaabo bakalinga bakaili alimwi beendeleshi ndibakamunyaya shintu shanu, mwakalinga kusangaletebo mukwiinga mwakalinga kwishi ayi mulicite shintu shiindaawo kubota alimwi shitamaani.

1 Pita 1:6

Ono amusangalale pashintu ishi shoonse, nakubi kwaamba ayi cilayandika kuungumana kwa ciindi ciniini ceebo ca masunko apusenepusene ngomutokwiindaamo,

1 Pita 1:8

Ono nabi tamukwe kumubonawo kale, mulimusuni. Mulamushoma nakubi kwaamba ayi tamumubooni. Aboobo mulasekelela abuumbi cakubula amaswi eenga asansulula kusangalala uko,

1 Pita 3:13

Ino ngani weenga wamucitila shibiibi na kamucinkite manungo mukucita shibotu? Taakuuwo.

3 Joni 1:11

Oosunikwi, utakonkeli micito ibiibi, sombi ibotu. Uyo woonse ucita shiluleme ngumwanaakwe Lesa. Sombi uyo ucita shibiibi, tamwishiiwo Lesa.