1 Bene Kolinto 9:21 - Baibo Busansulushi Bwa Libuku Ili

²¹ Mbweeke ubo pakusebensa abaswamashi bakunsengwe, nentakonkeli Milawo yakwe Mose, sombi ndakekala mbuli mbabo kwaamba ayi mbalete kuli Lesa. Ici tacaambi ayi nshikonkeli Milawo yakwe Lesa, sombi ndeendeleshekwa amulawo wakwe Klistu.

1 Bene Kolinto 9:21 ပူးပေါင်းရင်းမြစ်များ

Kulumbaisha 119:32

Ndeenda munshila ya milawo yanu ceebo mwakaangulula moyo wangu ayi kaamunyumfwila.

Milimo ya Batumwi 15:28

Mushimu Usalashi ngowakatutanjilila kwaamba ayi tusuminishanye ayi tutamutuli mikuli imwi ilemu, sombibo milawo iyi iyandika.

Milimo ya Batumwi 16:4

Ndibakalinga kuya bweenda mumandabala, bakalinga kuya caambila bashomi ayi bakonkele milawo iyo yakabika batumwi alimwi abamatanjilili ba coonde muJelusalemu.

Milimo ya Batumwi 21:25

Ono balo baswamashi bakunsengwe bashoma, twakabalembela nkalata yakubeshibisha mbotwakasuminishanya. Twakasuminishanya ayi tabeelete kulya shakulya shakapekwa kushibumbwabumbwa, nabi kulya bulowa, banyama bakashinwa alimwi akutacita cikololo.”

Bene Loma 2:12

Bantu boonse bakabisha kabateshi Milawo balaakunyonyoolwa nakubi kwaamba ayi tebakalinga kwishi Milawo. Abo bakabisha kabeshi Milawo, Milawo yeenka iyo ilaakubashinina.

Bene Loma 2:14

Baswamashi bakunsengwe tabakwe kupekwa Milawo, sombi na bacita bwaamba Milawo palwabo beene, nkokwaamba ayi babonesha ayi balicite Milawo mumyoyo yabo, nabi tabakwe kupekwa Milawo iyo.

Bene Loma 7:22

Ndakondwa amoyo wangu woonse ceebo ca Milawo iswa kuli Lesa.

Bene Loma 7:25

Aalumbwe Lesa eshi akamfuune kwiinda muli Jesu Klistu Mwaami wesu! Anu mbulya mboombete, nebo nemwiine ndisuni kukonkela Milawo yakwe Lesa, sombi kwiinda mulunkumbwa ndakonkela mulawo untola kububi.

Bene Loma 8:4

Lesa wakacita ceeco kwaamba ayi swebo sotweendeleshekwa aMushimu Usalashi, tucite shoonse shiluleme kweelana aMilawo, kuteshi busuni mibili yesu.

Bene Galatiya 3:2

Ndisuni kwaamba ayi mundwiitebo cintu comwi. Sa mwakatambula Mushimu Usalashi kwiinda mukukonkela Milawo nabi mukunyumfwa akushoma Makani Abotu?

Bene Galatiya 6:2

Amucafwane kunyamuna shimulemena. Na mwacita boobo, nkokwaamba ayi mwakonkela mulawo wakwe Klistu.

Bene Ebulu 8:10

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo akwiilemba mumyoyo yabo. Ndaakuba Lesa wabo abalo balaakuba bantu bangu.