1 Bene Kolinto 9:20 - Baibo Busansulushi Bwa Libuku Ili

²⁰ Pakati ka baJuda ndakekala anga ngumuJuda kwaamba ayi mbalete kuli Lesa. Nakubi kwaamba ayi nebo nsheendeleshekwi aMilawo yakwe Mose, kubaabo bali boobo, ndakekala anga anebo ndeendeleshekwa aMilawo kwaamba ayi abalo mbalete kuli Lesa.

1 Bene Kolinto 9:20 ပူးပေါင်းရင်းမြစ်များ

Milimo ya Batumwi 16:3

Paulo wakalinga kusuni kuya aTimoti aboobo wakamupalula mukwiinga baJuda boonse bakalinga kwikala kooko bakalinga kwishi ayi baishi bakalinga baGiliki.

Milimo ya Batumwi 18:18

Paulo wakekala abashomi kuKolinto nshiku shiinji. Kuswawaawo, wakabalasha akutanta bwaato bunene kuya kuSilya pantu pomwi aPulisila alimwi aAkwila. Kaatana kuswa kuSenkiliya, Paulo wakacesa misusu kutondesha ayi wakashomesha cakulumbila kuli Lesa.

Bene Loma 11:14

Mukucita boobo, mpashi ndalengesha bantu ba mumushobo wangu kunyumfwila munyono baswamashi bakunsengwe kwaamba ayi Lesa akapulushe bamwi mulikoto lyabo.

Bene Loma 3:19

Ono tulishi kwaamba ayi shoonse shaamba Milawo shilaamba pabaabo beendeleshekwa anjiyo kwaamba ayi bakabule pakuyubila milandu Lesa njeshi akabape.

Bene Galatiya 2:19

Kweelana akukonkela Milawo, nebo ndifwite ceebo Milawo yeenka iyo yakancaya kwaamba ayi nsebensele Lesa amoyo wangu woonse.

Bene Galatiya 4:21

Ono amundwiite mwebo nomusuni kweendeleshekwa aMilawo, sa tamunyumfwishi Milawo iyo nsheyaamba?

Bene Galatiya 4:5

Wakacita boobo kwaamba ayi apulushe baabo bakalinga basha ba Milawo ayi tube bana bakwe Lesa.

Bene Galatiya 5:18

Sombi na Mushimu Usalashi ngoomutanjilila, nkokwaamba ayi tamweendeleshekwi aMilawo.