1 Bene Kolinto 9:17 - Baibo Busansulushi Bwa Libuku Ili

¹⁷ Nendakaliyandila kucita mulimo uyu, naakwiinga kaanangila kutambula cilambu. Ono mukwiinga nshikwe kuliyandila, ndasebensabo ceebo Lesa ngowakantuma.

1 Bene Kolinto 9:17 ပူးပေါင်းရင်းမြစ်များ

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

1 Makani 29:14

“Ono nceebonshi nebo abantu bangu nceenga twakondelwa ayi twamupa shipo ishi? Shintu shoonse shilaswa kuli ndimwe, aboobo twabooshabo shintu shili kale shaanu.

1 Makani 29:5

Pashintu shoonse isho ndeelikaawo asheesho bacishi shakupangapanga nsheshi bakapange. Ono ngani aumwi usuni kulibenga kuMwaami Lesa sunu mukumupa cipo amoyo woonse?”

1 Makani 29:9

Bantu boonse bakasangalala abuumbi kubona bamatanjilili mbobakapa kuMwaami Lesa cakulyaaba alimwi camyoyo yoonse. Ncakwiila alakwe Defedi wakasangalala abuumbi.

Neyemiya 11:2

Bantu bakalumba boonse bakasumina amyoyo yabo beene kwikala muJelusalemu.

Isaya 6:8

Mpeeke ndakanyumfwa liswi lya Mwaami Lesa kalyaamba ayi, “Anu ngani ngweshi ntume? Anu ngani weshi abe shinkombe wesu?” Nebo ndakakumbula ayi, “Mpoondi Nkambo, amuntuume!”

Jelemiya 20:9

Ono na ndaamba ayi, “Teshi nkaambewo tubili sha pali nguwe nabi kwaamba tubili muliina lyakwe,” maswi akwe alababo anga ngumulilo mumoyo wangu, ee, anga ngumulilo utoonyaka wacalilwa mumafuwa angu. Ndaalilwa kwaasunga mumoyo wangu ncakwiila inga nshicikonshiiwo, sobwe.

Esekelo 3:14

Lyalo Mushimu wakwe Lesa wakanyamuna akuntola. Ndakaya kaandi mubishi alimwi amoyo koocisa. Lyaansa lya nkusu lya Mwaami Lesa lyakalinga pali ndime.

Jona 1:3

Sombi Jona wakanyamuka ayi alobokele kuTashishi kuswa pameenso a Mwaami Lesa. Lyalo wakakunkuluka kuya kuJopa, uko nkwaakacana bwaato bunene bwakalinga kuya nkuko. Aboobo wakalipila akutanta kuya kuTashishi pantu pomwi abeshikweensha bwaato ubo, kwaamba ayi aswe pameenso a Mwaami Lesa.

Malaki 1:10

Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.

Mateyo 10:41

Uyo woonse utambula mulaluki wakwe Lesa ayi mukwiinga watumwa aLesa, alakwe ulaakutambula cilambu ca mutumwi. Uyo woonse utambula muntu ululeme ayi ceebo uliluleme, ulaakutambula cilambu ca bululami.

Mateyo 24:25

Amunyumfwishe mukwiinga nebo ndamulwiitilabo limwi shintu shoonse kashitana kucitika.

Luka 12:42

Mwaami Jesu wakakumbula ayi, “Ino nguli musebenshi ushomeka ucite maano? Ngooyo mwaami wakwe ngwaakapa mulimo wakweendelesha ŋanda yakwe akunoopa babye cakulya paciindi ceelete.

Joni 4:36

Shikutebula utoofola alimwi utooshiyobolweta kubuumi butamaani. Aboobo shikushanga ashikutebula balaakusangalalila pantu pomwi.

1 Bene Kolinto 3:14

Na cakayaka muntu palwiimbi ulu capuluka mumulilo, muyaki uyo ulaakutambula cilambu.

1 Bene Kolinto 3:8

Aboobo taaku bupusano pali wooyo ushanga autilila ceebo Lesa ulaakulambula womwi awomwi kweelana amilimo njaakacita.

1 Bene Kolinto 4:1

Mwebo mulyeelete kutubona ayi tuli basebenshi bakwe Klistu abo bakapekwa kweendelesha mumakani abushishi akwe Lesa.

1 Bene Kolinto 9:16

Nsheelete kulisumpula ceebo cakushimikila Makani Abotu mukwiinga Mwaami Jesu ngowakandwiita kucita boobo. Mapensho kuli ndime na ndabula kushimikila Makani Abotu!

1 Bene Kolinto 9:18

Ino ono cilambu cangu nciinshi? Ncakwiila nkushimikila Makani Abotu cakutatambula malipilo alimwi asheelete kutambula muntu ushimikila Makani Abotu.

2 Bene Kolinto 8:12

Ceebo na mulayandishisha kupa shipo, Lesa ulaakutambula shipo shanu mukubona kwaamba ayi mwapa kweelana ambomukonsha, kuteshi sheesho nshemutacite.

Bene Galatiya 2:7

Sombi bakabona ayi Lesa wakampa mulimo wa kushimikila Makani Abotu kubaswamashi bakunsengwe bweenka mbwaakapa Pita mulimo wa kushimikila baJuda.

Bene Kolose 1:25

Anu nebo ndi musebenshi wa coonde ici mukwiinga Lesa wakampa mulimo wakucita pakati kanu. Mulimo uyu ngwakushimikila maswi akwe oonse.

1 Bene Tesalonika 2:4

Sombi lyoonse tulaamba ceeco cisuni Lesa mukwiinga wakasuminisha ayi tulyeelete kupekwa milimo yakushimikila Makani Abotu. Aboobo tatushimikili kwaamba ayi tukondeleshe bantu, sombi Lesa uyo usunka myoyo yesu.

Filimoni 1:14

Nakubi boobo nshisuni kukukakatisha ayi uncaafwe, sombi ndisuni kwaamba ayi ulisuminine omwiine.