1 Bene Kolinto 9:16 - Baibo Busansulushi Bwa Libuku Ili

¹⁶ Nsheelete kulisumpula ceebo cakushimikila Makani Abotu mukwiinga Mwaami Jesu ngowakandwiita kucita boobo. Mapensho kuli ndime na ndabula kushimikila Makani Abotu!

1 Bene Kolinto 9:16 ပူးပေါင်းရင်းမြစ်များ

Isaya 6:5

Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”

Jelemiya 1:17

“Ono libambile! Nyamuka uye ubalwiite shoonse nsheshi nkulwiite. Utabaloondi, sobwe ceebo nebo inga ndakulengesha kuba aboowa pameenso abo.

Jelemiya 20:7

NoBaami baLesa, mwakancenjeeka anebo ndakacenjeekwa. Mwakanyinda nkusu akunkoma. Ndishikusekwa ciindi coonse alimwi akucelebulwa kubantu boonse.

Jelemiya 20:9

Ono na ndaamba ayi, “Teshi nkaambewo tubili sha pali nguwe nabi kwaamba tubili muliina lyakwe,” maswi akwe alababo anga ngumulilo mumoyo wangu, ee, anga ngumulilo utoonyaka wacalilwa mumafuwa angu. Ndaalilwa kwaasunga mumoyo wangu ncakwiila inga nshicikonshiiwo, sobwe.

Amosi 3:8

Na nkalamu yalila, ngani utakoonshi kuloonda? Na Mwaami Lesa Shinkusu shoonse waamba, ngani weenga wakaka kwaambilisha maswi akwe?

Amosi 7:15

Sombi Mwaami Lesa wakankusha kumulimo wangu wa bweembeshi akundwiita ayi, ‘Koya ukalalukile bantu bangu bene Isilaeli.’

Mateyo 25:16

Uyo wakapekwa shuulu shosanwe wakeendililabo kusebensesha maali alya, akucaninawo shuulu shosanwe sha maali.

Luka 9:62

Jesu wakamukumbula ayi, “Muntu woonse utalika kulima aŋombe, mpeeke kaacilanga kwisule, Lesa taacitaakwe ncito muBweene bwakwe.”

Milimo ya Batumwi 4:20

Mukwiinga swebo inga tatucilekiiwo kwaamba shintu nshetwakalinga kubona akunyumfwa sobeene.”

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

Milimo ya Batumwi 9:6

Ono nyamuka uye mundabala iyi, mweshi uye ulwiitwe nsheweelete kucita.”

Bene Loma 1:14

Ceebo ndicite mulimo wakushimikila Makani Abotu kubantu boonse, beeite nabi bateeite, bacite lushibo nabi batacite lushibo.

Bene Loma 15:17

Ceebo ndimuli Klistu Jesu, ndakonsha kulisumpula ceebo ca milimo njeensebensela Lesa.

Bene Loma 4:2

Lesa naakwiinga wakalulamika Abulaamu pameenso akwe kwiinda mumilimo yakwe, naalinga kucite cakulisumpwitaawo, sombi kutaamba kuli Lesa.

1 Bene Kolinto 4:15

Nakubi kwaamba ayi mulicite bafundishi bashika kushuulu likumi mubuumi bwanu bwa buKlistu, tamucite bamaishiwanu baanji. Mukwiinga kwiinda muli Klistu Jesu ndakaba ishiwanu ceebo cakumushimikila Makani Abotu.

1 Bene Kolinto 9:12

Na bamwi balicite nkusu shakulangila lucafwo ulu kuswa kuli ndimwe, sa te swebo tulicite nkusu shakulangila lucafwo kwiinda mbabo? Nakubi boobo tatukwe kusebensesha nkusu ishi, sombi twakasuula kwaamba ayi tutashinkili bantu kutambula Makani Abotu aamba shakwe Klistu.

1 Bene Kolinto 9:14

Mbweeke ubo Mwaami Jesu wakaamba ayi abo bashimikila Makani Abotu, balyeelete kucana cakulya kwiinda mukushimikila uko.

2 Bene Kolinto 2:12

Ono ndindakashika kuTulowasi mukushimikila Makani Abotu akwe Klistu, ndakabona kwaamba ayi Mwaami wakancalwita mulyango wakusebensa.

Bene Kolose 4:17

Amulwiite Akipasi ayi, “Sebensa kabotu akumanisha milimo yoonse yakakupa Mwaami Jesu.”

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.