1 Bene Kolinto 9:10 - Baibo Busansulushi Bwa Libuku Ili

¹⁰ Sa te wakaamba boobo bunene bunene ceebo ca ndiswe? Ishi shintu ncakwiila shakalembelwa ndiswe ceebo mulimi alimwi ashikutebula balasebensa mukwishiba ayi balaakutambulako shishango isho.

1 Bene Kolinto 9:10 ပူးပေါင်းရင်းမြစ်များ

Shakubelenga 18:31

Ono mwebo alimwi abamumaandaanu inga mwalita kuli koonse nkomusuni shoonse nsheenga shacaalaawo, mukwiinga ngomalipilo anu pamulimo ngomucita muTente ya Cipangano.

Mateyo 24:22

Nshiku isho sha mapensho neshitakwe kufwimpishikwa, naakwiinga taaku muntu nabi womwi wakacaala kaali muumi. Sombi ceebo ca baabo basalitwe, inshiku isho shilaakufwimpishikwa.

Bene Loma 15:4

Mukwiinga shoonse shili muMalembo akwe Lesa, shilatwiisha ayi tunoolangila kwiinda mukukalika myoyo alimwi akuyuminishikwa kuswa muMalembo.

1 Bene Kolinto 3:9

Swebo soonse tuli basebenshi bakwe Lesa, mwebo muli muunda wakwe. Alimwi muli Ŋanda yakwe Lesa.

2 Bene Kolinto 4:15

Muyeeyo wa shoonse ishi nkwaamba ayi mwebo mutambule shoolwe alimwi bweenka luse lwakwe Lesa mbolutooya cishika kubantu baanji, amipailo yakulumba itoofula mukulemeka Lesa.

2 Timoti 2:6

Mulimi wasebensa cankusu ngooelete kutambula shitaanshi sha bulimi.