1 Bene Kolinto 8:4 - Baibo Busansulushi Bwa Libuku Ili

⁴ Ono aboobo pamakani akulya shakulya shipekwa kushibumbwabumbwa, tulishi ayi shibumbwabumbwa tashicite ncito. Alimwi tulishi ayi kulibo Lesa womwi.

1 Bene Kolinto 8:4 ပူးပေါင်းရင်းမြစ်များ

Kulumbaisha 86:10

Mukwiinga mulicite nkusu alimwi mulacita shikankamika. Ncakwiila mwebo nweenka ndimwe baLesa.

Isaya 37:16

“NoBaami baLesa beShinkusu shoonse, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

Isaya 37:20

Ono noBaami baLesa, baLesa besu, amutufuune kuswa kubene Asilya, kwaamba ayi mishobo yoonse ya mucishi ca panshi ikeshibe ayi mwebo noBaami baLesa ndimwebo baLesa.”

Isaya 41:24

Sombi mwebo taaku mbomubete ayalo micito yanu taaku mbweebete. Ncakwiila abalo bamulambila balalensha abunya.

Isaya 44:24

Ono Mwaami Lesa, Mupulushi wanu uyo wakamubumba mumala mubamanyinawanu, waamba ayi, “Ndime Mwaami Lesa uyo wakapanga shintu shoonse. uyo wakatandabika liculu eenka akuyala cishi ca panshi coonse kwakubula auncafwa.

Isaya 44:6

Ono Mwaami Lesa, Mwaami wa bene Isilaeli, ee, Mupulushi wabo, ngweeke ngoMwaami Lesa Shinkusu shoonse, waamba ayi, “Ndime mutaanshi alimwi awakweelaako. Taaku Lesa aumwi kulekabo ndime.

Isaya 45:14

Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.

Isaya 45:5

“Nebo ndime Mwaami Lesa, taaku aumwi. Ncakwiila taaku lesa aumwi kulekabo ndime. Ndaakukupa nkusu nabi toonshiiwo.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Jelemiya 10:14

Boonse mbaluya alimwi tabacite lushibo. Beshikufula golodi boonse balicite nsoni ceebo ca shibumbwabumbwa shabo. Balesa babo mbabubeshi alimwi tabayooyi.

Maako 12:29

Jesu wakakumbula ayi, “Mulawo unene ngooyu, ‘Amunyumfwe mwebo nobene Isilaeli! Mwaami Lesa, Lesa wesu ngoMwaami eenkabo.

Milimo ya Batumwi 14:15

“Mutoocitilanshi bobulya? Swebo tuli bantubo bweenka mbuli ndimwe. Twakesa mukumushimikila Makani Abotu kwaamba ayi musanduke kuswa kushintu sha mushobo wooyu shitaaku mboshibete, akusandukila kuli Lesa muumi uyo wakalenga liculu, cishi ca panshi alweenge alimwi ashintu shoonse shili muli nshisho.

Milimo ya Batumwi 15:20

Sombi tulyeeletebo kubalembela nkalata yakubalwiita ayi tabeelete kulya shakulya shitasalalite ceebo nshipo shakapekwa kushibumbwabumbwa, kutacita cikololo, kutalya nyama shakashinwa alimwi abulowa.

Milimo ya Batumwi 19:26

Mutoobona akulinyumfwila nobeene shintu shitoocita wooyu Paulo. Utokwaamba ayi balesa babumbwa abantu teshi balesa, sobwe. Aboobo walengesha ayi bantu baanji batalike kushoma musheesho nshaatokwaamba muno muEfeso alimwi amucishi coonse ca Esha.

1 Bene Kolinto 8:1

Ono kweelana amwiipusho ngomwakalemba pashakulya shipekwa kushibumbwabumbwa, ndushinisho kwaamba ayi soonse tulicite lushibo. Ono lushibo ulo lweenka lulalengesha bantu kulisumpula, sombi lusuno ndoluyaka.

1 Bene Kolinto 8:10

Mukwiinga na muntu ucite lushomo luniini, wabona ndiwe nowaamba ayi ulicite lushibo, koolya muŋanda ya shibumbwabumbwa, sa ici inga tacimulengeshi kuyuminishikwa kulya shakulya shipekwa kushibumbwabumbwa?

1 Bene Kolinto 8:11

Paceebo ceeco uyo ucite lushomo luniini, mukwabesu uyo Klistu ngwaakafwita, ulaakunyonyooka ceebo ca lushibo lwako!

Bene Galatiya 4:8

Kale kale Lesa temwakalinga kumwishiiwo, aboobo mwakalinga kusebensela shintu shitabete Lesa.

Bene Efeso 4:6

Peculu lya waawo kuli Lesa womwi, Ishiwabo boonse bantu. Lakwe uleenda paboonse, ulasebensa muboonse alimwi uli mubantu boonse.

Dutolonomi 3:24

‘NoBaami baLesa noBeshinkusu shoonse, ndishi kwaamba ayi mwantondeshabo matalikilo a shintu shinene shikankamika nsheshi mukacite. Taaku lesa kwiculu nabi panshi weenga wacita shintu sha nkusu shiindaawo pasheesho nshemwacita!

Dutolonomi 32:39

“ ‘Nebo neenka, ndime Lesa. Taaku Lesa aumwi kwiinda ndime. Ndacaya akupa buumi, ndacisa akushilika. Taaku weenga wakasha nceensuni kucita.

Dutolonomi 4:35

Mwaami Lesa wakamutondesha shintu shoonse ishi kumwishibisha ayi lakwebo eenka ngoLesa alimwi taaku aumwi.

Dutolonomi 4:39

Aboobo amwiibaluke sunu alimwi mutakalubiiwo kwaamba ayi Mwaami Lesa, nguLesa kwiculu apacishi ca panshi. Taaku aumwi, sobwe.

Dutolonomi 6:4

“Amunyumfwe mwebo nobene Isilaeli! Mwaami Lesa, Lesa wesu ngoMwaami eenkabo!

1 Timoti 1:17

Ono kuMwaami wamuyayaya, utafwi, utaboneki, uyo uli ngoLesa eenkabo, akube bulemu amucinshi lyoonse alyoonse. Ameni.

1 Timoti 2:5

Ceebo kuli Lesa womwibo ashikwiimikana pakati kakwe Lesa abantu womwibo. Muntu uyo nguKlistu Jesu,

Judi 1:25

Kwiinda muli Jesu Klistu Mwaami wesu, atulumbaishe Lesa eenkabo Mupulushi wesu ayi abe abulemu, bwaami alimwi ankusu shakweendelesha kuswa kumatalikilo, bulya alimwi anshiiku shoonse shitoosa. Ameni.