1 Bene Kolinto 8:3 - Baibo Busansulushi Bwa Libuku Ili

³ Sombi muntu usuni Lesa ulishibikitwe kuli nguwe.

1 Bene Kolinto 8:3 ပူးပေါင်းရင်းမြစ်များ

1 Baami 3:3

Solomoni wakalinga kumusuni Mwaami Lesa alimwi wakakonkela kwiisha kwa baishi baDefedi. Sombi alakwe wakalinga kubenga milambu akutenta tununkila kabotu pashipaililo shipusenepusene.

Kulumbaisha 1:6

Ncakwiila Mwaami Lesa ulalama baluleme, sombi bamucita shibi balilulemebo mukunyonyooka.

Kulumbaisha 17:3

Mulishi moyo wangu mboobete ceebo mulaupensoola mashiku. Nakubi kwaamba ayi mwalangoola apa apapalya taaku cilubo ncemuncanina. Ee, mulomo wangu toobishi mukwaamba napaceyi.

Kulonga 33:12

Mpomunyaawo Mose wakaambila Mwaami Lesa ayi, “Ncakwiila mwandwiita ayi ntanjilile bantu aba kucishi ico, sombi tamuna kundwiita wooyo ngweshi muntumaakwe. Mwaamba ayi mulinshi kabotu alimwi ayi mulikondetwe mumilimo yangu.

Kulonga 33:17

Mpeeke Mwaami Lesa wakaambila Mose ayi, “Ndaakucita kweelana ambowasenga ceebo ndikwishi kabotu alimwi ndikondetwe muli ndiwe.”

Jelemiya 1:5

“Kaantana kukubumba mulifumo lya banyoko, ndakalinga kukwishi kale. Ncakwiila ndakakubika palubasu kootana kushalwa. Ndakakusala ayi ube mulaluki kumishobo iinji.”

Amosi 3:2

Waamba ayi, “Pakati ka mishobo yoonse ya pacishi ca panshi, ndimwebo ndakasala kuba bantu bangu. Paceebo ceeco ndaakumupa mulandu pashibiibi shanu shoonse.”

Naamu 1:7

Mwaami Lesa ngumubotu. Uli anga nciyubilo mushiindi sha mapensho. Ulafuna baabo bacinkite manungo muli nguwe.

Mateyo 7:23

Sombi nebo ndaakubaambila patuba ayi, ‘Nshimwishiiwo napaceyi. Amusweewo apa mwebo nobamucita shibi!’

Joni 10:14

Nebo ndi mweembeshi mubotu, ndishi mbelele shangu ashalo shilinshi.

Joni 21:17

Jesu wakeepusha lyatatu ayi, “Simoni omwanaakwe Joni, sa ulinsuni?” Mpomunyaawo Pita wakoongumana mukwiinga Jesu wakamwiipusha lyatatu ayi, “Sa ulinsuni?” Lyalo wakaamba ayi, “Nkambo, mwebo mulishi shintu shoonse nkokwaamba ayi mulishi ayi ndimusuni!” Jesu wakamwaambila alimwi ayi, “Kosanina mbelele shangu.

Bene Loma 11:2

Lesa taakwe kukaka bene Isilaeli abo mbwaakasala kuswabo kumatalikilo. Sa tamushi bwaamba Malembo akwe Lesa mucikani cilya Elija ndyaakasenga cankusu ayi Lesa ape mulandu bene Isilaeli?

1 Bene Kolinto 13:12

Nshetubona bulya shintu shilyaanga nsheesho shiboneka mucilola. Sombi paciindi ico tulaakubonana meenso ameenso. Lushibo ndotucite talumaniniteewo, sombi paciindi ico lulaakumaninina bweenka Lesa nebo mbwaanshi cakumaninina.

1 Bene Kolinto 2:9

Sombi kweelana abwaamba Malembo akwe Lesa ayi, “Isho muntu nshaatakwe kubonaawo nabi kunyumfwaawo, isho muntu nshaatakwe kuyeeyawo ayi shilaakucitika, nshesheesho Lesa nshaakabambila baabo bamusuni.”

Bene Galatiya 4:9

Sombi bulya Lesa mulimwishi, nabi ŋambe ayi Lesa ulimwishi, ino ono mutooboola buyani kukwiisha kutacite nkusu alimwi ampindu? Ceebonshi mulisuni kuba basha ba nshisho alimwi?

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

Jemusi 1:12

Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

1 Pita 1:8

Ono nabi tamukwe kumubonawo kale, mulimusuni. Mulamushoma nakubi kwaamba ayi tamumubooni. Aboobo mulasekelela abuumbi cakubula amaswi eenga asansulula kusangalala uko,

1 Joni 4:19

Tulisunene mukwiinga Lesa ngowakataanguna kutusuna.

1 Joni 4:7

Nomusunikwi, atusunane mukwiinga lusuno lulaswa kuli Lesa. Uyo woonse usuni mubye ngumwanaakwe Lesa alimwi ulimwishi.

Ciyubululo 2:13

Utokwaamba ayi, ‘Ndishi nkookala. Ulekala kumusena Satana nkwaaendelesha. Ulashomeka kuli ndime alimwi tookwe kusowa lushomo lwako muli ndime nabi paciindi Antipasi, kamboni wangu ushomeka, ndyaakacaikwa. Wakacaikwa kumusena nkomunya kwikala Satana.

Ciyubululo 2:19

Utokwaamba ayi, ‘Milimo yako yoonse ndiishi. Lusuno lwako, kushomeka kwako, kusebensa kwako alimwi akutaboola pesule kwako, shoonse ndishishi. Ndishi akwaamba ayi bulya utoosebensa cankusu kwiinda pakutaanguna.

Ciyubululo 2:9

Utokwaamba ayi, ‘Mapensho ako ndyeeshi alimwi ndishi kwaamba ayi uli mukandu, nakubi boobo uli mubile. Ndishi shoonse shibiibi nshebakubekesha bantu abo balibanda ayi mbaJuda kabateshi mbabo, sombi mbamulikoto lyakwe Satana.