1 Bene Kolinto 8:12 - Baibo Busansulushi Bwa Libuku Ili

¹² Ndimubishisha bamakwabanu muli Klistu mushobo uyu, akupensha beshikutonsha, mulabishisha Klistu.

1 Bene Kolinto 8:12 ပူးပေါင်းရင်းမြစ်များ

Matalikilo 20:9

Lyalo Abimeleki wakeeta Abulaamu akumwiipusha ayi, “Nciinshi ncewacita kuli ndiswe? Ncibiibinshi ncendacita kuli ndiwe calengesha kwaamba ayi ulete malwesa pali ndime abulelo bwangu boonse? Kutabi muntu nabi womwi weshi akaciboosheewo ncewacita kuli ndime.”

Matalikilo 42:22

Lyalo Lubeni wakaamba ayi, “Ndakamulwiita ayi mutaciti cimwi cintu cibiibi pamwanike, ono tamukwe kunyumfwila. Mwaboona ono tutoopengelaamo mulufu lwakwe.”

Kulonga 16:8

Lyalo Mose wakabaambila ayi, “NguMwaami Lesa eshi amupe nyama ayi mulye macolesha alimwi ashinkwa woonse uyandika macuunsa, mukwiinga Mwaami Lesa wanyumfwa mbuli mbomwamutongookela. Na mwatongookela ndiswe, nkokwaamba ayi mutootongookela Mwaami Lesa.”

Kulonga 32:21

Lyalo wakeepusha Aloni ayi, “Ino bantu aba bakucita buyani, cakwaamba ayi ubaleeke bacite cibiibi ca mushobo wooyu?”

Mateyo 18:10

“Amucenjele ayi mutanyanshi nabi womwi wa baaba baana baniini. Ceebo ntoomulwiita ayi baanjelo baabo nkobali lyoonse kuli baTa bali kwiculu. [

Mateyo 18:21

Mpomunyaawo Pita wakesa mukwiipusha Jesu ayi, “Nkambo, mukwesu na wambishisha, inga ndamulekelela mankanda ongaye? Sa ngamankanda osanwe aobilo?”

Mateyo 18:6

“Uyo woonse weenga walengesha womwi wa baaba banike baniini bashoma muli ndime ayi abishe, inga cabota kumwaangilila libwe linene lyakupelelaawo munshingo akumuwaala mulweenge lulaamfu.

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Mateyo 25:45

Lakwe Mwaami ulaakubakumbula ayi, ‘Ntoomulwiita calushinisho ayi, lyoonse ilyo ndimwakakaka kucafwa womwi wa baaba bataaku mbobabete, mwakakakila ndime.’

Maako 9:42

“Uyo woonse weenga walengesha womwi wabaaba banike baniini bashoma muli ndime ayi abishe, inga cabota kumwaangilila libwe linene lyakupelelaawo munshingo akumuwaala mulweenge.

Luka 17:2

Inga cabota kwaamba ayi uyo muntu aangwe libwe linene lyakupelelaawo munshingo akumuwaala mulweenge, kwiinda kulengesha womwi wa baaba bace bace kubisha.

Bene Loma 14:20

Ceebo cakwaamba ayi ulakonsha kulya shakulya shipusenepusene, utanyonyooli milimo yakwe Lesa. Shakulya shoonse inga shalikwa, sombi ncibiibi kulya cintu cilengesha mwine Klistu umwi kubisha.

1 Bene Kolinto 12:12

Klistu uli anga ngumubili womwi ucite shipansha shiinji. Nabi ulicite shipansha shiinji, ngumubili womwi.

1 Samwelo 2:25

Muntu na wabishisha muntunyina, Lesa inga wamucafwa. Ono na muntu wabishisha Mwaami Lesa, ngani weenga wamwiimikanina?” Nakubi boobo tabakwe kunyumfwila baishiwabo ceebo Mwaami Lesa wakalinga wacibamba kale ayi bafwe.

1 Samwelo 24:11

Ta, amubone kasani aka! Ndakatimbula kulikonko lya cakufwala canu ca peculu sombi nshikwe kumucaya. Ono munyumfwishe akwishiba kwaamba ayi nshiciteewo mulandu wakucita cilubite nabi kumwaashukila. Taaku ncindakamulubishisha, sombi mutooya cimfwima ayi muncaaye.