1 Bene Kolinto 7:35 - Baibo Busansulushi Bwa Libuku Ili

³⁵ Ndaamba boobo kwaamba ayi mucafweeko. Nshintoomukasha, sombi ndisuni kwaamba ayi mucite shiluleme sheelete, alimwi mulibeenge kumulimo wa Mwaami camoyo womwibo, kutaaku cimwi nceenga kamuyeeya.

1 Bene Kolinto 7:35 ပူးပေါင်းရင်းမြစ်များ

Mateyo 19:12

Mukwiinga nkobali bantu batakoonshi kweeba mukwiinga mbobakashalwa. Nkobali abamwi batakoonshi kweeba ceebo bakacitwa boobo abantu. Nkobali bamwi alimwi abo bakakaka kweeba kwaamba ayi basebensele kabotu Lesa. Uyo weenga wacikonsha kukonkela kwiisha uku, akonkele.”

Mateyo 22:15

Ono baFalisi bakanyamuka kuya mukulifuyafuya ayi bacate Jesu kwiinda mukwaamba kwakwe.

Luka 21:34

“Amucenjele kwaamba ayi mutabi bantu basunibo kulya mumibala, bacakolwa alimwi balisukamabo shintu sha buumi bwa panshi pano mukwiinga inga bushiku bulya bwamucana kamutalibambite.

Luka 8:14

Isho mbuto shakalokela pamyuumfwa shileemikanina bantu banyumfwa maswi akwe Lesa, sombi kulisukama sha buumi bwa cishi cino, bubile ashakulisangalasha shilabakoma, aboobo tabacati shisepo shikomete.

1 Bene Kolinto 7:2

Ono ceebo cakuloonda bufuule musankwa woonse ulyeelete kuba amukaakwe, alakwe mwanakashi ayibaye.

1 Bene Kolinto 7:28

Nakubi boobo na musankwa weeba, taakwe kubisha kuli Lesa. Alakwe mwanakashi utana kweebwaawo, ono weebwa, taakwe kubisha. Sombi nshindalinga kusuni kwaamba ayi mwiinde mumakatasho ali mushikwati shinoonshiku.

1 Bene Kolinto 7:36

Na umwi wayeeya ayi utoobisha kukasha mwanaakwe kweebwa alimwi wabona ayi wakula akuyeeya ayi ulyeelete kweebwa, aacite kweelana ambwaayeeya. Taatoobishila Lesa na weebesha mwanaakwe.

Bene Efeso 5:3

Ceebo muli bana bakwe Lesa, bufuule, kucita shintu shitaluleme alimwi akukumbwa camunyono shintu sha bamwi bantu, tasheelete kwaambwa pakati kanu, sobwe.

Bene Filipi 4:8

Cakweelaako nobamakwesu, kamuyeeya shintu isho shibotu sheelete kulumbwa, mbuli shintu shalushinisho, shilemekwa, shiluleme, shitacite kampenda, shiboneka kabotu alimwi ashintu shoonse shabulemu.

1 Timoti 1:10

beshishikololo, basankwa boona abasankwanyinaabo, beshikuula akuulisha basha, babeshi, babeca munkuta alimwi abaabo bacita sheesho shipusene akwiisha kwalushinisho.

Taitasi 2:3

Mbweeke ubo banakashi bamanene kobaambila ayi banookala buumi busalalite. Tabeelete kuba bafuyishi nabi bacakolwa, sombi balyeelete kunokwiisha shintu shibotu.