1 Bene Kolinto 7:34 - Baibo Busansulushi Bwa Libuku Ili

³⁴ Aboobo ulacata mambili. Mwanakashi uteebetwe nabi utana kwishiba musankwa ulalisukama shapali nguwe mwiine amulimo wa Mwaami ceebo ulisuni kuba muntu ushomeka mumubili amumushimu. Sombi mwanakashi weebetwe ulalisukama shintu sha buumi bwa cishi, ceebo cakuyanda kukondelesha ibaye.

1 Bene Kolinto 7:34 ပူးပေါင်းရင်းမြစ်များ

Joni 10:13

Muntu uyo ulacica ceebo teshi ngomwinesho, aboobo taalisukami.

Bene Loma 6:13

Mutasuminishi cipansha ca mubili wanu nabi comwi kububi ayi cibe citabatisho ca shibiibi, sombi amulyaabe kuli Lesa mbuli bantu bakalinga kufwite, sombi Lesa wabapa buumi. Mulyeelete kulyaaba kuli Lesa kwaamba ayi amusebenseshe mukucita shiluleme.

1 Bene Kolinto 6:20

Lesa wakamuula amweelo unene, aboobo amusebenseshe mibili yanu mukumupa bulemu.

1 Bene Kolinto 7:33

Sombi muntu weebete ulalisukamabo ashintu sha mucishi ca panshi ceebo cakuyanda kukondelesha mukaakwe.

1 Bene Kolinto 7:35

Ndaamba boobo kwaamba ayi mucafweeko. Nshintoomukasha, sombi ndisuni kwaamba ayi mucite shiluleme sheelete, alimwi mulibeenge kumulimo wa Mwaami camoyo womwibo, kutaaku cimwi nceenga kamuyeeya.

2 Bene Kolinto 11:28

Peculu lya shimwi shoonse, lyoonse ndacanika akulisukama kunene abuumbi ceebo ca shoonde shoonse.

2 Bene Kolinto 8:16

Ono aalumbwe Lesa ulengesha Taitasi kulyaaba bweenka mbotulyaaba aswebo pali ndimwe.

Bene Filipi 1:20

Ntoolangila amoyo woonse kwaamba ayi kutakabi nabi comwi ceshi cikanenshe nsoni. Aboobo ntooyandishisha kwaamba ayi mbe ankusu sheelete bulya, mbuli lyoonse ayi Klistu alemekwe muli ndime, mubuumi nabi mulufu.

1 Bene Tesalonika 5:23

Ono Lesa uyo utulengesha kwaamba ayi twikale muluumuno, amusalashe cakumaninina akulengesha buumi bwanu boonse kubula kampenda pakwisa Mwaami wesu Jesu Klistu.

1 Timoti 3:5

Ceebo na muntu taaendeleshi kabotu bamuŋanda yakwe, ino inga weendelesha buyani coonde cakwe Lesa?

1 Timoti 5:5

Mukalubinje mwanakashi utacite beshikumucafwa nabi beshikumulama, wakabika kulangila kwakwe muli Lesa alimwi ulatolelela kupaila akumusenga shalucafwo lwakwe mashiku amalumwi.

Taitasi 3:8

Makani aya ngalushinisho. Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse.