1 Bene Kolinto 7:32 - Baibo Busansulushi Bwa Libuku Ili

³² Ndisuni kwaamba ayi mwaanguluke mushintu shoonse shilenga kulisukama. Muntu uteebete ulalisukamabo shintu sha Mwaami, nkokwaamba ayi mbweenga wamukondelesha.

1 Bene Kolinto 7:32 ပူးပေါင်းရင်းမြစ်များ

Kulumbaisha 55:22

Amutule nshemulisukama mumaansa a Mwaami Lesa. Lakwe ulaakulama buumi bwanu kabotu. Taaku muntu ululeme ngweshi akaleeke ayi akomwe.

Mateyo 13:22

Ono isho shakalokela pamyuumfwa mbantu abo banyumfwa maswi akwe Lesa, sombi shintu sha mucishi ca panshi, akusuna bubile, shilafulunganya maswi akwe Lesa, aboobo tabacati shisepo.

Maako 4:19

sombi shintu sha mucishi ca panshi, kusuna bubile alimwi ashintu shimwi shakulikondelesha, shilafulunganya maswi akwe Lesa, aboobo tabacati shisepo.

Joni 10:13

Muntu uyo ulacica ceebo teshi ngomwinesho, aboobo taalisukami.

1 Bene Kolinto 7:33

Sombi muntu weebete ulalisukamabo ashintu sha mucishi ca panshi ceebo cakuyanda kukondelesha mukaakwe.

Bene Filipi 4:6

Mutanoolisukama pacintu nabi comwi, sombi mumipailo yanu yoonse amusenge shintu shoonse nshemutacite kuli Lesa. Kamusenga amoyo wakulumba lyoonse.

1 Timoti 5:5

Mukalubinje mwanakashi utacite beshikumucafwa nabi beshikumulama, wakabika kulangila kwakwe muli Lesa alimwi ulatolelela kupaila akumusenga shalucafwo lwakwe mashiku amalumwi.