1 Bene Kolinto 7:31 - Baibo Busansulushi Bwa Libuku Ili

³¹ Abalo abo basebensesha shintu sha buumi bwa cishi ca panshi, tabeelete kwiililwa mushintu isho. Ceebo bubotu bwa cishi boonse bulaakwiinda.

1 Bene Kolinto 7:31 ပူးပေါင်းရင်းမြစ်များ

Kulumbaisha 39:6

Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.

Kulumbaisha 73:20

Bweenka bulubwa ciloto na muntu wabuka macuunsa, mbweshi bakaloobe bamucita shibi na noBaami baLesa mukabuke.

Shikushimikila 1:4

Mashalane alesa, mashalane aleenda, sombi cishi ca panshi ncalyoonse alyoonse.

Shikushimikila 11:2

Bika maali ako mumisena iinji ipusenepusene mukwiinga tooshi mapensho eshi akese kuli ndiwe mucishi cino.

Luka 21:34

“Amucenjele kwaamba ayi mutabi bantu basunibo kulya mumibala, bacakolwa alimwi balisukamabo shintu sha buumi bwa panshi pano mukwiinga inga bushiku bulya bwamucana kamutalibambite.

1 Bene Kolinto 7:29

Ncentoomulwiita, nobamakwesu, ncakwaamba ayi ciindi camana. Bulya beebete balyeelete kwikala anga tabeebeteewo.

1 Bene Kolinto 7:30

Abo batoolila balyeelete kwikala anga tabatoolila. Abo basangalete balyeelete kwikala anga tabasangalete. Abo baula cimwi cintu, bekale anga teshi cabo beene.

1 Bene Kolinto 9:18

Ino ono cilambu cangu nciinshi? Ncakwiila nkushimikila Makani Abotu cakutatambula malipilo alimwi asheelete kutambula muntu ushimikila Makani Abotu.

Bene Ebulu 12:27

Aboobo, liswi lyakwaamba ayi, “Alimwi” lilabonesha patuba ayi shilengwa shoonse shilaakutenkaanishikwa alimwi akukushikwa, kwaamba ayi kukacaale sheesho shitatenkaanishikwi.

Jemusi 4:14

Sombi tamwishi ambweshi bukace ciilo. Mwebo mulibo anga mbwiishi ubo bubonekabo ciindi ciniini akushimingana.

1 Pita 1:24

Bweenka bwaamba Malembo akwe Lesa ayi, “Bantu boonse bali anga mbwiisu, bulemu bwabo buli anga ngamaluba amuluundu. Bwiisu bulayuma alimwi maluba alaloka,

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

1 Joni 2:17

Cishi alimwi ashintu shoonse shiliimo isho bantu nshebakumbwa shitooya bumana, sombi uyo ucita kuyanda kwakwe Lesa, ulaba abuumi butamaani.