1 Bene Kolinto 6:9 - Baibo Busansulushi Bwa Libuku Ili

⁹ Sa tamwishi kwaamba ayi beshishibiibi boonse teshi bakenjile muBweene bwakwe Lesa? Mutalibeeci, boonse bafuule, balambila shibumbwabumbwa, beshibulale, basankwa boona abasankwanyinaabo,

1 Bene Kolinto 6:9 ပူးပေါင်းရင်းမြစ်များ

Matalikilo 19:5

Bakoolobesha kuli Loti ayi, “Bali kuli basankwa besa mukoona kokuno sunu? Bakushe utupe kuno!” Basankwa bene Sodoma abo bakalinga kusuni kukumanaabo.

Kulonga 23:1

“Mutanooya caamba makani akubeca nabi kucafwa muntu ulubite kwiinda mukupa bukamboni bwakubeca.

Tushimpi 11:1

Mwaami Lesa ulipatite shipimo shabubeshi, sombi shipimo shalushinisho shilamukondelesha.

Tushimpi 22:8

Uyo ushanga bubi ulatebula mapensho, amusako wakwe wakulyatilila bamwi ulaakunyonyoolwa.

Tushimpi 7:27

Ŋanda yakwe ninshila itola kulufu. Njenshila isutula kuya kumusena wa bafu.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Esekelo 18:11

nakubi kwaamba ayi baishi taaku ncebakacitawo pali nshisho. Ee, twaambe ayi ulalya milambu yakabengwa kumisena yakulambililako balesa beensu. Ulabisha muka shikamukobonyina.

Bene Lefi 18:20

“Utakumani amuka mwiine ceebo inga cakulengesha kutanoosalalite kweelana aMilawo.

Bene Lefi 18:22

“Taaku musankwa weelete kukumana amusankwanyina, ceebo Mwaami Lesa ulipatite micito iyo.

Bene Lefi 19:15

“Mulyeelete kushomeka akululika pakoombolosha. Mutabi akasalulushi kubantu bakandu nabi kuloonda babile.

Bene Lefi 20:13

“Ono na musankwa wakumana amusankwanyina, bacita cintu cilensha nsoni, anu boonse bobilo balyeelete kucaikwa. Lufu lwabo ndwakuliletela.

Sekaliya 5:3

Lyalo wakandwiita ayi, “Mucakulembelaawo umo mulilembetwe lishingo litooya mucishi coonse. Kulubasu lumwi kulilembetwe maswi akwaamba ayi mwiipi uli woonse ulaakutandaanishikwa alimwi kulubasu lumwi kulilembetwe ayi uyo woonse weshi anooshomesha cakulumbila cabubeshi alakwe ulaakutandaanishikwa.

Mateyo 19:29

Uyo woonse wakashiya maanda, banandumi shakwe, banankashi shakwe, baishi, banyina, baana nabi myuunda ceebo ca liina lyangu, ulaakutambula shiinji abuumbi kwiinda sheesho nshaakashiya alimwi ulaakuba abuumi butamaani.

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Luka 21:8

Jesu wakaamba ayi, “Amucenjele kwaamba ayi kutakabi muntu nabi womwi eshi akamucenjeeke. Mukwiinga bantu baanji balaakwisa muliina lyangu kabaamba ayi, ‘Ndime wooyo Usalitwe wakwe Lesa!’ alimwi ayi, ‘Ciindi cashikila!’ Mutakabakonkeli.

Milimo ya Batumwi 20:32

“Cakweelaako, ndamubika mumaansaakwe Lesa alimwi amakani aamba paluse lwakwe kwaamba ayi amulaame akumuyumya ayi mukatambule shoolwe isho Lesa nshaasungila bantu bakwe boonse.

Milimo ya Batumwi 24:25

Sombi Paulo ndyaakalinga kwaamba shabululami, kulilama alimwi ashabushiku Lesa ndyeshi akoomboloshe bantu, Felekisi wakaloonda. Mpeeke wakaambila Paulo ayi, “Pacecino ciindi inga waya, ndakwiita alimwi na mbe aciindi.”

Bene Loma 1:18

Lesa wayubulula bukali bwakwe kuswa kwiculu pashibiibi bantu nshebacita alimwi akutamulemeka. Bubi bwabo mbobwalengesha bantu bamwi kuteshiba lushinisho lwapali nguwe.

1 Bene Kolinto 15:33

Mutabecekwi, “Shiweenda aumineme, awebo inga waminama.”

1 Bene Kolinto 15:50

Nobamakwesu, ncentokwaamba cakwaamba ayi muntu ucite mubili wa buntu taakoonshi kwinjila muBweene bwakwe Lesa alimwi cifwa tacikoonshi kwikala kooko kutaaku lufu.

1 Bene Kolinto 3:16

Sa tamwishi kwaamba ayi mwebo muli Ŋanda yakwe Lesa alimwi ayi Mushimu wakwe Lesa ulekala muli ndimwe?

1 Bene Kolinto 5:1

Ono ntoonyumfwa kwaamba ayi kuli cikololo ciyoosha citoocitika pakati kanu ico bakunsengwe ncebatakoonshi kucita. Citokwaambwa ayi musankwa utokoona abanyina bakamucanaamo.

1 Bene Kolinto 5:10

Ono nshindakalinga kwaamba bantu bakunsengwe abo beshishikololo, balyabi, beepi nabi beshikulambila shibumbwabumbwa. Necalinga boobo, naakwiinga mwakaswaamo kale mucishi ca panshi.

1 Bene Kolinto 5:11

Sombi ndakalinga kwaamba ayi tamweelete kupanga cibusa amuntu uliita ayi ngumuKlistu, sombi kaali shicikololo, mulyabi, shikulambila shibumbwabumbwa, shikwaamba shibiibi kubabye, cakolwa nabi mwiipi. Tamweelete kulya amuntu wa mushobo uyo.

1 Bene Kolinto 6:10

beepi, balyabi, bacakolwa, beshimatushi nabi bapambi teshi bakenjile muBweene bwakwe Lesa.

1 Bene Kolinto 6:18

Bufuule kamubutalamuka. Shibiibi shimwi shoonse shicita muntu tashibishi mubili wakwe, sombi cibiibi ca bufuule cilabisha mubili wakwe mwiine.

1 Bene Kolinto 6:19

Sa tamwishi kwaamba ayi mibili yanu niŋanda ya Mushimu Usalashi uli muli ndimwe uyo Lesa ngwaakamupa? Buumi mbomucite ono teshi bwaanu, sombi mbwakwe Lesa.

1 Bene Kolinto 9:24

Ncakwiila mulishi ayi bacica lubilo lwakupingana mbaanji, sombi utambula cilambu ngomwibo. Ono amwebo mulyeelete kucica cakutambula cilambu.

2 Bene Kolinto 12:21

Ntooloonda kwaamba ayi ndaakwisaako alimwi, Lesa inga wanengesha kunyumfwa nsoni pameenso anu mukwiinga ndaakutalika kulila ceebo ca baabo boonse bakabisha kale kale, batana kusanduka kuswa kushibiibi shabo sha lunkumbwa, cikololo ashimwi shoonse shakutalilemeka.

Bene Galatiya 6:7

Mutabecekwi, muntu inga taaleengi Lesa buluya. Muntu woonse ulatebula sheesho nshaakashanga.

Dutolonomi 22:22

“Ono na musankwa umwi wapukilwa kumuka mwiine, boonse bobilo balyeelete kucaikwa. Munshila iyi mulaakukusha bubi ubu pakati kanu.

Dutolonomi 22:5

“Mwanakashi taaelete kufwala shacisankwa, alakwe musankwa taaelete kufwala shacanakashi, mukwiinga Mwaami Lesa, Lesa wanu ulipatite bantu bacita shintu sha mushobo uyo.

Dutolonomi 23:17

“Taaku mwine Isilaeli musankwa nabi mwanakashi weelete kuba mufuule wa mumisena yakulambililaako bene Kenani.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

Bene Ebulu 12:14

Amweeleshe kwikala muluumuno abantu boonse alimwi akweelesha kwikala buumi busalalite ceebo taaku muntu utasalalite nabi womwi eshi akabone Lesa.

Bene Ebulu 12:16

Mulyeelete kucenjela kwaamba ayi kutabi mufuule nabi womwi mulikoto lyanu, nabi muntu ucobola Lesa mbuli Esau, uyo wakoolisha bunene bwakwe ceebo ca cakulya ca linkanda lyomwibo.

Bene Ebulu 13:4

Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.

Jemusi 1:16

Mutanoocenjeekwa nobamakwesu basunikwi!

1 Joni 3:7

Nobana bangu, kutabi muntu nabi womwi weshi amucenjeeke. Uyo ucita shiluleme, uliluleme bweenka mbuli Klistu mbwaaluleme.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.

Boomboloshi 19:22

Ono kabacilya akulisangalasha, bakabonabo bantu babiibi bamundabala iyo, bashinguluka ŋanda bakonkoonsha kucisasa akwaambila mucembele mwine ŋanda ayi, “Kusha mweensu wako pansengwe tucitaakwe nkwela.”