1 Bene Kolinto 6:8 - Baibo Busansulushi Bwa Libuku Ili

⁸ Sombi mwebo nweenka mulabishilana akwiipilana alimwi mulacita boobo akubashominyinaanu.

1 Bene Kolinto 6:8 ပူးပေါင်းရင်းမြစ်များ

Bene Lefi 19:13

“Mutapenshi muntu nabi womwi, nabi kumwiipila. Tamweelete kucelwa kufolesha musebenshi wanu nabi bushiku bomwibo.

Mika 2:2

Ncakwiila na balisuni myuunda baleebwesa, na balisuni maanda balaabwesa. Balabwesa ŋanda ya muntu mukumwiinda kumaano akubwesa buboni bwakwe mbwaakapyana munshila njemunya.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Mateyo 20:13

“Lyalo wakakumbulawo womwi ayi, ‘Ndaba, nshikwe kukubishisha, sobwe. Sa tatukwe kusumininshanya palyaali lyomwi?

Maako 10:19

Yalo milawo uliishi yaamba ayi, ‘Utacaayi, utaciti bulale, uteepi, utapi bukamboni bwakubeca, utapambi alimwi lemeka baiso abanyoko.’ ”

Bene Kolose 3:25

Sombi muntu woonse ucita shitaluleme, ulaakoomboloshekwa kweelana abubi bwakwe mukwiinga Lesa taasalululi.

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

Jemusi 5:4

Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.