1 Bene Kolinto 6:13 - Baibo Busansulushi Bwa Libuku Ili

¹³ Aumwi muntu inga waamba ayi, “Cakulya nca lifumo, alyalo lifumo ndya cakulya.” Nakubi boobo Lesa ulaakunyonyoola shoonse shobilo. Mubili teshi wakucitisha bufuule napaceyi, sombi ngwakusebensesha mulimo wa Mwaami Jesu alimwi Mwaami ulaubambila shiyandika.

1 Bene Kolinto 6:13 ပူးပေါင်းရင်းမြစ်များ

Mateyo 15:17

Sa tamwishi kwaamba ayi, cintu coonse cinjila mukanwa lya muntu cileendilila kuya mumala alimwi cilaswa?

Mateyo 15:20

Ishi nsheshintu shibisha muntu, sombi kulya kaatakwe kusamba kumaansa takubishi muntu.”

Maako 7:19

Mukwiinga cakulya tacinjili mumoyo, sombi mumala. Aboobo cilaswa alimwi.” (Mukwaamba maswi aya, Jesu wakasalasha ayi shakulya shoonse shilyeelete kulikwa.)

Joni 6:27

Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”

Joni 6:49

Bamashali banu bakulukulu bakalya mana muluyanga, sombi bakafwa.

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

Bene Loma 14:17

Bweene bwakwe Lesa mubuumi bwesu teshi bwakulya akunwa, sombi mbwabululami, luumuno alimwi akusangalala kuswa muMushimu Usalashi.

Bene Loma 6:12

Paceebo ceeco mutasuminishi bubi kweendelesha mibili yanu iyo ifwa kwaamba ayi mukonkele shiyanda mibili yanu nobeene.

Bene Loma 7:4

Mbocibete akuli ndimwe nobamakwesu. Kweelana amakani aMilawo mwebo mwakafwa akuba shipansha sha mubili wakwe Klistu, uyo wakabushikwa kuswa kubafu kwaamba ayi tusebensele Lesa milimo ibotu.

1 Bene Kolinto 3:16

Sa tamwishi kwaamba ayi mwebo muli Ŋanda yakwe Lesa alimwi ayi Mushimu wakwe Lesa ulekala muli ndimwe?

1 Bene Kolinto 6:15

Mwebo mulishi kwaamba ayi mibili yanu nshipansha sha mubili wakwe Jesu Klistu. Ono sa inga ndabwesa cipansha ca mubili wakwe Jesu akucipaankanya amufuule? Napaceyuubo.

1 Bene Kolinto 6:19

Sa tamwishi kwaamba ayi mibili yanu niŋanda ya Mushimu Usalashi uli muli ndimwe uyo Lesa ngwaakamupa? Buumi mbomucite ono teshi bwaanu, sombi mbwakwe Lesa.

2 Bene Kolinto 11:2

Ndamufwita munyono bweenka mbuli Lesa. Mwebo muli anga ngumooye utana kukumanawo kale amusankwa, uyo ngondakamamikisha kumusankwa womwibo, Klistu.

2 Bene Kolinto 5:15

Wakafwita boonse, kwaamba ayi abo boomi batekali buumi bwakulisangalasha beene, sombi wooyo wakafwa akubushikwa ceebo cabo.

Bene Galatiya 5:24

Ono abo bali kulubasu lwakwe Klistu bakapopa buumi bwa buntu alimwi asheesho shoonse shisuni buumi ubo pamucilingano.

Bene Efeso 5:23

Mukwiinga musankwa ulicite nkusu pamukaakwe bweenka mbuli Klistu mbwaacite nkusu pacoonde, cili ngomubili wakwe alimwi Klistu mwiine ngoMupulushi wa coonde.