1 Bene Kolinto 6:10 - Baibo Busansulushi Bwa Libuku Ili

¹⁰ beepi, balyabi, bacakolwa, beshimatushi nabi bapambi teshi bakenjile muBweene bwakwe Lesa.

1 Bene Kolinto 6:10 ပူးပေါင်းရင်းမြစ်များ

Tushimpi 7:27

Ŋanda yakwe ninshila itola kulufu. Njenshila isutula kuya kumusena wa bafu.

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Jelemiya 7:11

Sa Ŋanda yangu ino mwayaalula yaba momwakuyubila beepi? Sombi nebo ndishibwene nshemutoocita! Nebo neMwaami Lesa ndaamba.

Esekelo 22:13

“ ‘Ndushinisho ndaakukamba mapaka angu ceebo ca bukali pabuboni ubo mbowakabilila munshila italuleme alimwi apabulowa mbowakatila bwa babyo.

Esekelo 22:27

Abalo bacinenenene bali muli ncico bali anga mbaumpe batookwamoona munyama ngobacata. Balatila bulowa mukucaya bantu ayi babile.

Esekelo 22:29

Bantu ba mucishi balacenjeeka babyaabo alimwi akwiipa, balalyatilila bakandu abataaku mbobabete. Balapensha beensu akubanyengelela.

Mateyo 21:19

Ono ndyaakabona cisamu ca mukuyu mweela nshila, wakayaako ayi mpashi inga wacanako nkuyu. Sombi wakacana taaku, kakuswitebo matewu. Mpomunyaawo wakaambila mukuyu uyo ayi, “Kuswa sunu utakacatiwo nkuyu lyobilo!” Lyalo cisamu cakeendililabo kuyuma.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Mateyo 23:33

Mwebo nobana bansoka, nobana bampili! Ino mulaakuyuba buyani mulilo utamaani?

Joni 12:6

Taakwe kwaamba boobo ceebo cakunyumfwila nkumbu bakandu, sombi mukwiinga wakalinga mwiipi. Judasi ngowakalinga kusunga coola ca maali, aboobo wakalinga kwiipaamo kaasebensesha mwiine.

Milimo ya Batumwi 20:32

“Cakweelaako, ndamubika mumaansaakwe Lesa alimwi amakani aamba paluse lwakwe kwaamba ayi amulaame akumuyumya ayi mukatambule shoolwe isho Lesa nshaasungila bantu bakwe boonse.

1 Bene Kolinto 15:50

Nobamakwesu, ncentokwaamba cakwaamba ayi muntu ucite mubili wa buntu taakoonshi kwinjila muBweene bwakwe Lesa alimwi cifwa tacikoonshi kwikala kooko kutaaku lufu.

1 Bene Kolinto 5:11

Sombi ndakalinga kwaamba ayi tamweelete kupanga cibusa amuntu uliita ayi ngumuKlistu, sombi kaali shicikololo, mulyabi, shikulambila shibumbwabumbwa, shikwaamba shibiibi kubabye, cakolwa nabi mwiipi. Tamweelete kulya amuntu wa mushobo uyo.

Bene Galatiya 5:21

lunkumbwa, bucakolwa alimwi ashimwi sha mushobo wooyu. Ntoomucenjeshaako ono bweenka mbuli mbondakamucenjeshawo kale ayi abo bacita sha mushobo wooyu teshi bakenjileewo muBweene bwakwe Lesa.

Bene Efeso 4:28

Muntu wakalinga mwiipi ateepi lyobilo, sombi atalike kusebensa amaansaakwe kwaamba ayi anoolicafwa akucafwako bapenshi.

Bene Efeso 5:5

Mulyeelete kwishiba cancinencine ayi taakuuwo mufuule, uyo ucita shitaluleme, nabi shikukumbwa camunyono shintu sha bamwi (mukwiinga lunkumbwa lwa munyono lulaba ngolesa wabo) weshi akatambuleko Bweene bwakwe Klistu alimwi aLesa.

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

1 Pita 4:15

Ono na umwi wapenshekwa, citabi ceebo cakwaamba ayi ngumucayi, mwiipi, shikutyola milawo nabi shikunjila mumakani ngwaateshi.