1 Bene Kolinto 4:6 - Baibo Busansulushi Bwa Libuku Ili

⁶ Mumakani oonse aya ngondaamba nobamakwesu, ndasebensesha liina lyangu alyakwe Apolosi mbuli citondesho ayi mwishibe caamba makani ayo aamba ayi, “Amubambe shaamba Malembo akwe Lesa.” Lyalo mutanoolisumpula ceebo ca muntu womwi akusuula umwi.

1 Bene Kolinto 4:6 ပူးပေါင်းရင်းမြစ်များ

Kulumbaisha 146:3

Mutaciinki manungo mubamaami, mbantubo tabakoonshi kumufuna.

Kulumbaisha 8:4

anu muntu nciinshi ngweenga kamuyeeya? Muntubo nciinshi cakwaamba ayi kamumulama?

Isaya 2:22

Amucileeke kucinka manungo mumuntu ufwa. Muntu taaku mbwaabete, ino inga wamucafwa buyani?

Milimo ya Batumwi 18:24

Paciindi ico, muJuda umwi wiitwa ayi Apolosi, wakashalilwa mundabala inene ya Alekisandiliya, wakaya kuEfeso. Wakalinga muntu ucishi kwaamba alimwi wakalinga kwishi bumbi Malembo akwe Lesa.

Milimo ya Batumwi 19:1

Paciindi ico Apolosi ndyaakalinga kuKolinto, Paulo wakeenda mucishi ca Galatiya aFuligiya akushika muEfeso. Uko, wakacana bashomi bamwi

Bene Loma 12:3

Mukwiinga wa cipo Lesa ncaakampa kwiinda muluse lwakwe, ntoomwaambila ayi mutanoolitukumuna, sombi muliceeshe mumiyeeyo yanu akulibika mpomweelete kweelana alushomo Lesa ndwaakamupa.

1 Bene Kolinto 1:12

Ncentokwaamba nceeci, uli woonse pakati kanu ulaamba shaakwe. Umwi ulaamba ayi, “Nebo ndi wakwe Paulo,” umwi ayi, “Nebo ndi wakwe Apolosi,” aumwi ayi, “Ndi wakwe Pita,” alakwe umwi ayi, “Ndi wakwe Klistu.”

1 Bene Kolinto 1:19

Ceebo muMalembo Lesa ulaamba ayi, “Ndaakunyonyoola busongo bwa basongo alimwi ndaakulobya maano abantu bacenjete.”

1 Bene Kolinto 1:31

Aboobo kweelana abwaamba Malembo akwe Lesa ayi, “Uyo usuni kulisumpula ulyeelete kulisumpula ceebo ca ceeco Mwaami ncaakacita.”

1 Bene Kolinto 13:4

Lusuno lulakalika moyo akulengesha nkumbu alimwi talupi munyono, kulilumbaisha nabi kulisumpula.

1 Bene Kolinto 3:19

Ceebo busongo bwa buntu mbuluya mumeenso akwe Lesa. Bweenka bwaamba Malembo akwe Lesa ayi, “Lesa ulacatisha basongo mubucenjeshi bwabo.”

1 Bene Kolinto 3:21

Ono anu taaku muntu weelete kulisumpula ceebo ca sheesho shicita bantu. Mukwiinga shintu shoonse nshanu.

1 Bene Kolinto 5:2

Sombi mucilisumpula! Mwalinga kweelete kuungumana akukusha musankwa utoocita cintu ca mushobo uyo pakati kanu.

1 Bene Kolinto 5:6

Kulisumpula kwanu taaku mbokubete. Sa te mulyeeshi makani aamba ayi, “Tumena tuniini tulafufumusha mulwi wa fulaulo woonse?”

1 Bene Kolinto 8:1

Ono kweelana amwiipusho ngomwakalemba pashakulya shipekwa kushibumbwabumbwa, ndushinisho kwaamba ayi soonse tulicite lushibo. Ono lushibo ulo lweenka lulalengesha bantu kulisumpula, sombi lusuno ndoluyaka.

1 Bene Kolinto 9:23

Shoonse ishi ndashicita ceebo ca Makani Abotu kwaamba ayi nebo pantu pomwi ambabo tukatambule shoolwe sha ngawo.

2 Bene Kolinto 10:12

Tatubete mbuli baabo. Swebo tatukoonshi kulyeeleka nabi kulikoshanisha abaabo balibika mpobatabete. Na balyeeleka bene kubeene akulikoshanisha beene kubeene, ingayi tababete basongo.

2 Bene Kolinto 10:15

Aboobo tatulilumbaishi pamilimo yakacita bamwi kusotoka manyinsa Lesa ngwaakatupa. Sombi tulayanda ayi lushomo lwanu lukomene alimwi ayi tukakonshe kucita milimo imwi iindaawo pakati kanu, kweela mumanyinsa Lesa ngwaakatupa.

2 Bene Kolinto 10:7

Amubone shimucitikila. Na kuli muntu uliyeeyela kwaamba ayi ngwakwe Klistu, ncibotu aliyeeye alimwi ceebo swebo tuli bakwe Klistu bweenka mbwaabete lakwe.

2 Bene Kolinto 11:4

Ceebo na kwesa muntu utooshimikila Jesu umwi uteshi wooyo ngotwakamushimikila, na mwatambula mushimu umwi uteshi wooyo ngomwakatambula, nabi kutambula makani amwi ateshi ayo ngomwakatambula, mulafwambaana kukonkela cakutayeeya.

2 Bene Kolinto 12:19

Mpashi mulayeeya kwaamba ayi lyoonse ili twakalinga kunooliimikaninabo kuli ndimwe. Sobwe! Tulaamba kweelana abuyanda Klistu pameenso akwe Lesa alimwi shoonse nshetucita shilacitwa kwaamba ayi mwebo nomusunikwi, mucafwikwe.

2 Bene Kolinto 12:20

Ceebo ntooloonda kwaamba ayi ndaakwisa uko ndaakumucana kamutabete mbuli mbondakalinga kumuyeeyela, nabi mwebo kumbona mbomutasuni. Ntooloonda ayi ndaakucana kwaambana, munyono, bukali, kulisuna, matushi, kufuya, kulisumpula akunyonyongana.

2 Bene Kolinto 12:6

Nabi na ndayanda kulilumbaisha, inga nshibiiwo muluya ceebo inga kaaŋamba shalushinisho. Ono teshi nkalilumbaishe mukwiinga nshisuni umwi muntu kwaamba ayi akanjeyele kwiinda pasheesho nsheencita akwaamba.

2 Bene Kolinto 4:15

Muyeeyo wa shoonse ishi nkwaamba ayi mwebo mutambule shoolwe alimwi bweenka luse lwakwe Lesa mbolutooya cishika kubantu baanji, amipailo yakulumba itoofula mukulemeka Lesa.

Bene Kolose 2:18

Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu.

1 Bene Tesalonika 1:5

Ceebo twakamuletela Makani Abotu, cakutasebensesha maswibo, sombi ankusu sha Mushimu Usalashi alimwi cakutatonsha lushinisho lwa ngawo. Mulishi mbotwakalinga kucita nditwakalinga amwebo. Shoonse ishi ninshila shakumucafwilaamo.

2 Timoti 2:10

Aboobo ndatolelela mushintu shoonse ceebo ca bantu Lesa mbwaakasala kwaamba ayi abalo bakatambule lupulusho lwakesa kwiinda muli Klistu Jesu, ulo luleta bulemu butamaani.