1 Bene Kolinto 4:4 - Baibo Busansulushi Bwa Libuku Ili

⁴ Mumiyeeyo yangu taaku ncentooyeeya ayi ndakabisha. Nakubi boobo ici tacaambi ayi nshicite mulandu. Mwaami Lesa ngooŋombolosha.

1 Bene Kolinto 4:4 ပူးပေါင်းရင်းမြစ်များ

Jobo 15:14

“Anu muntu nciinshi kwaamba ayi abule kampenda? Anu muntu uyo ushalwabo kumwanakashi nciinshi ayi alulame?

Jobo 25:4

Ino muntu inga walulama buyani pameenso akwe Lesa? Anu muntu wakashalwa kumwanakashi inga wabula buyani kampenda?

Jobo 27:6

Ndanokwiimfwibo pakwaamba ayi ndiluleme, cakutalyatukaawo, sobwe. Nshicitewo kutonsha mucikani ici, napaceyi.

Jobo 40:4

“Nebo ndi muntubo, taakuuwo mboombete. Anu inga ndamukumbula ayinshi? Taakuuwo nceeshi ŋambewo nabi comwi.

Jobo 9:20

Nabi kaantacite mulandu, maswi angu alo alanyumfwika kuba a bubeshi. Nabi kaantacite kampenda lakwe ulancanina kampenda.

Kulumbaisha 130:3

NoBaami baLesa, nimwalinga kulemba shibiibi shesu cakutashifuta, anu ngani wakalinga kweelete kucaala kwakubula mulandu kuli ndimwe?

Kulumbaisha 143:2

Mutaŋomboloshi nemusebenshi wanu ceebo taaku muntu muumi ululeme pameenso anu.

Kulumbaisha 19:12

Taaku ukonsha kubona shilubo shakwe shoonse. Anu amundekelele nkambo kushibiibi shitaboneki.

Kulumbaisha 26:12

Ndiimfwi pamusena pataapu cakulisukama, ndalumbaisha Mwaami Lesa pakati ka likoto lya bantu bakwe.

Kulumbaisha 50:6

Liculu lyomwi alyomwi lilatondesha patuba kwaamba ayi, Lesa uliluleme. Lilatondesha alimwi ayi mwiine Lesa ngowoombolosha bantu bakwe.

Tushimpi 21:2

Muntu ulabona nshila shakwe shoonse anga shililuleme, sombi nguMwaami Lesa upima miyeeyo ya mumoyo wa muntu.

Tushimpi 29:26

Baanji balisuni ayi muleli abanyumfwile nkumbu, sombi koombolosha kululeme kulaswabo kuMwaami Lesa.

Joni 21:17

Jesu wakeepusha lyatatu ayi, “Simoni omwanaakwe Joni, sa ulinsuni?” Mpomunyaawo Pita wakoongumana mukwiinga Jesu wakamwiipusha lyatatu ayi, “Sa ulinsuni?” Lyalo wakaamba ayi, “Nkambo, mwebo mulishi shintu shoonse nkokwaamba ayi mulishi ayi ndimusuni!” Jesu wakamwaambila alimwi ayi, “Kosanina mbelele shangu.

Milimo ya Batumwi 23:1

Mpomunyaawo Paulo wakalangilishisha beshinkuta akwaamba ayi, “Nobamakwesu, nshintootonsha mumoyo wangu kwaamba ayi ndekala buumi bululeme lyoonse pameenso akwe Lesa kushikila asunu.”

Bene Loma 2:13

Ceebo bantu tabalulamikwi pameenso akwe Lesa kwiinda mukunyumfwabo Milawo, sombi kwiinda mukucita bwaamba Milawo.

Bene Loma 4:2

Lesa naakwiinga wakalulamika Abulaamu pameenso akwe kwiinda mumilimo yakwe, naalinga kucite cakulisumpwitaawo, sombi kutaamba kuli Lesa.

1 Bene Kolinto 4:3

Nebo palwaangu, tacicite mulandu nabi mwaŋombolosha nabi nkuta imwi ya bantu, alimwi ncakwiila nshilyoomboloshi nemwiine.

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

2 Bene Kolinto 5:10

Ceebo soonse tulyeelete kuya mukwiimikana pameenso akwe Klistu ayi atoomboloshe. Muntu woonse ulaakutambula ncaaelete kweelana ashoonse nshaakacita, shibotu nabi shibiibi mubuumi bwa buntu buno.