1 Bene Kolinto 4:14 - Baibo Busansulushi Bwa Libuku Ili

¹⁴ Nshintoolembela ayi mulenshe nsoni, sombi kwaamba ayi mucenjesheeko mbuli bana bangu mboonsunishi.

1 Bene Kolinto 4:14 ပူးပေါင်းရင်းမြစ်များ

Esekelo 3:21

Na ukacenjeshe muntu ululeme ayi atanoobisha alakwe wabula kubisha, ndushinisho muntu uyo ulaakupulusha buumi bwakwe ceebo cakunyumfwa kucenjeshekwa awebo ulaakupulusha buumi bwako.”

Milimo ya Batumwi 20:31

Anu amucenjele. Kamwiingashila lyoonse ayi ndakapenshekwa abuumbi mashiku amalumwi alimwi nshikwe kucilekaawo kumwiisha noonse mulikoto lyanu kwamyaaka yotatwe.

1 Bene Kolinto 15:34

Amutalike kusebensesha maano mbuli mbwaaelete alimwi mucileeke kubisha. Ceebo nkobali bateshi Lesa, ici ndacaamba kwaamba ayi mufwe nsoni.

1 Bene Kolinto 4:15

Nakubi kwaamba ayi mulicite bafundishi bashika kushuulu likumi mubuumi bwanu bwa buKlistu, tamucite bamaishiwanu baanji. Mukwiinga kwiinda muli Klistu Jesu ndakaba ishiwanu ceebo cakumushimikila Makani Abotu.

1 Bene Kolinto 4:17

Paceebo ceeco ntoomutumina Timoti, uli anga ngumwanaangu musankwa ngoonsunishi alimwi uyo ushomeka muMwaami Lesa. Ulaakumwiibalusha shabwikaalo bwangu muli Klistu Jesu ubo bweendelana ansheenjiisha kuli koonse mushoonde shoonse.

1 Bene Kolinto 6:5

Ndaamba boobo kwaamba ayi munyumfwe nsoni. Sa ncakwiila mutoondwiita ayi taaku nabi womwi musongo pakati kanu weenga woombolosha bashominyina?

1 Bene Kolinto 9:15

Ono nebo nshikwe kusebenseshaawo nkusu ishi alimwi nshintoolemba sheeshi kwaamba ayi ntalike kushisebensesha, sobwe. Inga cabota kufwa kwiinda kwaamba ayi umwi muntu walengesha ceeco ncendisumpwitaawo kubula mpindu.

2 Bene Kolinto 11:11

Sa ntokwaamba boobo ceebo cakutamusuna? Sobwe, Lesa ulishi kwaamba ayi ndimusuni!

2 Bene Kolinto 12:19

Mpashi mulayeeya kwaamba ayi lyoonse ili twakalinga kunooliimikaninabo kuli ndimwe. Sobwe! Tulaamba kweelana abuyanda Klistu pameenso akwe Lesa alimwi shoonse nshetucita shilacitwa kwaamba ayi mwebo nomusunikwi, mucafwikwe.

2 Bene Kolinto 7:3

Ndindaamba boobo, nshina kwaamba ayi mushinine, sobwe. Mbuli mbondakaambawo kale, mwebo tulimusuni abuumbi cakwaamba ayi taaku ceenga catupansaanya amwebo, lufu nabi cintu cili coonse mubuumi.

Bene Kolose 1:28

Klistu ngowooyo ngotushimika. Tulacenjesha akwiisha bantu boonse mubusongo boonse mbotwakapekwa kwaamba ayi babe bantu batacite kampenda muli Klistu.

1 Bene Tesalonika 2:11

Mulishi kwaamba ayi womwi awomwi pakati kanu, twakalinga kumucitabo anga ngumushali musankwa mbwaacitila bana bakwe mwiine.

1 Bene Tesalonika 5:14

Twamusenga alimwi nobamakwesu, ayi mucenjeshe batolo. Amuyumyeyumye beshiboowa, mucafwe balefukite alimwi bantu boonse kamubakalikila myoyo.

2 Bene Tesalonika 3:14

Na umwi akake kucita mbotwaamba munkalata njetwatuma iyi, mumulabilile akumusoonoka kwaamba ayi akanyumfwe nsoni.

Filimoni 1:10

Ono ntookusenga ceebo cakwe Onesimasi, uyo wakaba mwanaangu muli Klistu kaandi muntolongo.

1 Joni 2:1

Nobana bangu, ndamulembela makani aya kwaamba ayi mutakabishi. Sombi na umwi wabisha, tulicite shikutucafwa utwaambililaako kuli Ishiwesu, uyo nguJesu Klistu ululeme.

3 Joni 1:4

Taaku cimwi cinsangalasha abuumbi kwiinda kunyumfwa ayi bana bangu muMushimu batookonkela shalushinisho.