1 Bene Kolinto 4:12 - Baibo Busansulushi Bwa Libuku Ili

¹² Tulasebensa cankusu kwaamba ayi tucane shiyandika. Na bantu batushingana tulasenga Lesa kwaamba ayi abape coolwe. Na batupensha, nkuumunabo.

1 Bene Kolinto 4:12 ပူးပေါင်းရင်းမြစ်များ

Mateyo 5:11

“Mulicite coolwe na bantu kabamutukana, kabamupensha alimwi akumubekesha shikani shibiibi ceebo ca ndime.

Mateyo 5:44

Sombi nebo ntoomulwiita ayi, ‘Amusune balwani banu akubapaililaako abo bamupensha,

Luka 23:34

Mpeeke Jesu wakaamba ayi, “Ta, amubalekelele mukwiinga tabeshi ncebatoocita.” Kuswawaawo bakooma cisolo kwaamba ayi baabane shakufwala shakwe.

Luka 6:28

Amubasengele coolwe kuli Lesa abo bamushingana alimwi abaabo bamupensha akubapaililaako.

Joni 15:20

Amwiibaluke maswi ngondakamwaambila ayi, ‘Musebenshi taindi mwaami wakwe.’ Na nebo bakampensha amwebo balaakumupensha. Na bakakonkela kwiisha kwangu amwebo kwiisha kwanu balaakukukonkela.

Milimo ya Batumwi 18:3

Wakekala akusebensaabo ceebo abalo bakalinga beshikutunga matente bweenka mbuli nguwe.

Milimo ya Batumwi 20:34

Mwebo nobeene mulishi kwaamba ayi ndakasebensa amaansaangu aya akucana shoonse nebo ababyanji, nshetwakalinga kubula.

Milimo ya Batumwi 7:60

Kuswawaawo wakafukama akupaila muliswi lya peculu ayi, “Nkambo, amubalekelele cibiibi ici ncebatoocita!” Ndyaakamana kwaamba boobo, wakatula moyo. Alakwe Saulo wakasumina ayi bacita kabotu kumucaya.

Bene Loma 12:14

Kamupaila kuli Lesa kwaamba ayi ape coolwe abo bamupensha. Ee, mulyeelete kubasengela coolwe kuteshi mashingo.

Bene Loma 12:20

Tamweelete kweelanisha bubi, sombi mulyeelete kucita bwaamba Malembo akwe Lesa ayi, “Na mulwani wako wanyumfwa nsala, mutebete, na wanyumfwa nyotwa, mupe cakunwa. Mukwiinga mukucita boobo ulaakumulengesha kunyumfwa nsoni pabubi bwakwe.”

Bene Loma 8:35

Ino ono nciinshi nceenga catupansaanya alusuno lucite Klistu pali ndiswe? Sa ngamapensho, makatasho, kupenshekwa, nsala, bukandu, shiloondesha nabi lufu?

1 Bene Kolinto 9:6

Sa nebo aBanabasi ndiswebo sweenka sotweelete kusebensa kwaamba ayi tucane nshetutacite?

2 Bene Kolinto 11:8

Lucafwo loonse ndindakalinga kusebensela pakati kanu lwakalinga kuswa kushoonde shimwi. Ico cakalinga kuboneka anga ntoopamba shoonde isho kwaamba ayi ncafwe ndimwe.

Bene Efeso 4:28

Muntu wakalinga mwiipi ateepi lyobilo, sombi atalike kusebensa amaansaakwe kwaamba ayi anoolicafwa akucafwako bapenshi.

1 Bene Tesalonika 2:9

Nobamakwesu, muliingashite mbotwakasebensa cankusu? Twakalinga kusebensa malumwi amashiku kwaamba ayi tutamupenshi mushintu nshetwakalinga kuyanda kusebensesha, nditwakalinga kumushimikila Makani Abotu aswa kuli Lesa.

2 Bene Tesalonika 3:8

alimwi tatukwe kulyawo cakulya ca kutalilipilila swebo sobeene. Sombi twakalinga kusebensa cankusu mashiku amalumwi ceebo tetwakalinga kusuni kupensha muntu nabi womwi mushintu nshetwakalinga kuyanda mubuumi bwesu uko.

1 Timoti 4:10

Nceceeco ncetusebensela cankusu akulwisha ceebo kulangila kwesu kuli muli Lesa muumi, uyo ngomupulushi wa bantu boonse, bunene bunene abo bashoma.

1 Pita 2:23

Ndibakalinga kumutukana taakwe kubabooshesha. Ndibakamupensha taakwe kubakonga, sombi wakabika shoonse mumaansaakwe Lesa moomboloshi ululeme.

1 Pita 3:14

Sombi nabi mukapenshekwe ceebo ca bululami, kuli ndimwe ncoolwe. Mutaloondi bantu nabi kulisukama.

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.

1 Pita 4:19

Aboobo abo bapenshekwa ceebo cakuyanda kwakwe Lesa, balibeenge mumaansa a Mulengi wabo ushomeka, akutolelela kucita milimo ibotu.

Judi 1:9

Nabi munene wa baanjelo Mikayelo, ndyaakalinga kupikishanya aMubiibi pacikani cakubwesa mutuntu wakwe Mose, taakwe kupa mulandu Mubiibi ulya camucobwe, sombi wakaambabo ayi, “Mwaami Lesa akupe mulandu!”