1 Bene Kolinto 3:16 - Baibo Busansulushi Bwa Libuku Ili

¹⁶ Sa tamwishi kwaamba ayi mwebo muli Ŋanda yakwe Lesa alimwi ayi Mushimu wakwe Lesa ulekala muli ndimwe?

1 Bene Kolinto 3:16 ပူးပေါင်းရင်းမြစ်များ

Esekelo 36:27

Ndaakubika Mushimu wangu muli ndimwe akumulengesha kukonkela milasho yangu alimwi akunyumfwila milawo yangu cakushomeka.

Joni 14:17

Mucafwi uyo nguMushimu Usalashi wiisha shalushinisho. Bamucishi tabakoonshi kumutambula mukwiinga tabamuboni nabi kumwishiba. Sombi mwebo mulimwishi mukwiinga ulekala amwebo alimwi ulaakwikala muli ndimwe.

Bene Loma 6:16

Mulishi kabotu kwaamba ayi na muntu walibenga kuba musha wa muntu umwi, ulyeelete kunoomunyumfwila. Nkokwaamba ayi na muli basha ba bubi mulaakufwa. Na mulanyumfwila Lesa, ulaakumululamika pameenso akwe.

Bene Loma 6:3

Sa tamwishi kwaamba ayi swebo soonse nditwakabombekwa twakaba womwi aJesu Klistu? Kwiinda mukubombekwa uko twakaba womwi anguwe mulufu lwakwe.

Bene Loma 8:11

Na Mushimu wakwe Lesa uyo wakabusha Jesu Klistu kuswa kubafu uli muli ndimwe, anu Lesa eenka uyo wakabusha Klistu kuswa kubafu, ulaakubusha mibili yanu ifwa kwiinda muMushimu wakwe uli muli ndimwe.

Bene Loma 8:9

Ono na ncakwiila Mushimu wakwe Lesa uli muli ndimwe, tamukaali kweelana abuyanda mibili yanu, sombi buyanda Mushimu. Ceebo na Mushimu wakwe Klistu tookali muli ndimwe nkokwaamba ayi tamwishi bakwe Klistu.

1 Bene Kolinto 3:17

Aboobo na muntu wanyonyoola Ŋanda yakwe Lesa alakwe Lesa ulaakumunyonyoola. Ceebo Ŋanda yakwe Lesa ilisalalite alimwi mwebo ndimwe Ŋanda iyo.

1 Bene Kolinto 3:9

Swebo soonse tuli basebenshi bakwe Lesa, mwebo muli muunda wakwe. Alimwi muli Ŋanda yakwe Lesa.

1 Bene Kolinto 5:6

Kulisumpula kwanu taaku mbokubete. Sa te mulyeeshi makani aamba ayi, “Tumena tuniini tulafufumusha mulwi wa fulaulo woonse?”

1 Bene Kolinto 6:16

Nabi mpashi tamwishi kwaamba ayi muntu ukumankanya mubili wakwe amufuule ulaba mubili womwi anguwe? Malembo akwe Lesa alaamba cakutashisa ayi, “Abo bobilo balaba mubili womwi.”

1 Bene Kolinto 6:19

Sa tamwishi kwaamba ayi mibili yanu niŋanda ya Mushimu Usalashi uli muli ndimwe uyo Lesa ngwaakamupa? Buumi mbomucite ono teshi bwaanu, sombi mbwakwe Lesa.

1 Bene Kolinto 6:9

Sa tamwishi kwaamba ayi beshishibiibi boonse teshi bakenjile muBweene bwakwe Lesa? Mutalibeeci, boonse bafuule, balambila shibumbwabumbwa, beshibulale, basankwa boona abasankwanyinaabo,

1 Bene Kolinto 9:13

Mwebo mulishi cakwiila ayi abo basebensela muŊanda yakwe Lesa balacana cakulya mweenka umo, abalo beshikubenga milambu pacipaililo balabaana milambu iyo ibengwa pacipaililo.

1 Bene Kolinto 9:24

Ncakwiila mulishi ayi bacica lubilo lwakupingana mbaanji, sombi utambula cilambu ngomwibo. Ono amwebo mulyeelete kucica cakutambula cilambu.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

1 Timoti 3:15

na ndaceelwa kwisa, makani aya eenka akakuboneshe bantu mbobeelete kwikala muŊanda yakwe Lesa, iyo ili ncecoonde cakwe Lesa muumi. Coonde ndyelicinko lya lushinisho alwiimbi lwa ndulo.

2 Timoti 1:14

Kwiinda munkusu sha Mushimu Usalashi uyo ukala muli ndiswe, kobamba kabotu shintu shibotu isho nshewakapekwa ayi ulame.

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

Jemusi 4:4

Mwebo nobantu batashomeki! Sa tamwishi kwaamba ayi kupanga bushicibusa abuumi bwa cishi ca panshi nkuba mulwani wakwe Lesa? Ee, uyo woonse usuni buumi bwa cishi cino ulalilengesha kuba mulwani wakwe Lesa.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.

1 Joni 4:12

Taaku muntu wakabonawo kale Lesa. Sombi na tulisunene, cilaamba ayi Lesa ulekala muli ndiswe alimwi lusuno lwakwe lulaboneka cancinencine muli ndiswe.