1 Bene Kolinto 3:12 - Baibo Busansulushi Bwa Libuku Ili

¹² Mulwiimbi ulo muntu inga wayakisha golodi, silifa, mabwe amakwebo, nabi shisamu, bwiisu nabi matete.

1 Bene Kolinto 3:12 ပူးပေါင်းရင်းမြစ်များ

Kulumbaisha 119:72

Mulawo ngomwakampa ngubotu kwiinda kupekwa shuulu sha golodi asilifa.

Kulumbaisha 19:10

Kulayandika kwiinda golodi, ncakwiila golodi wiine wiine. Kulicite mise kwiinda buuci, ee, kwiinda mulolo uswa kumpuma.

Kulonga 5:12

Aboobo bantu bakapalanganinamobo muIjipiti kuya ciyandoola bwiisu.

Tushimpi 16:16

Kuba abusongo ncintu cibotu abuumbi kwiinda kuba agolodi. Ncintu cibotu kuba amaano akunyumfwisha shintu kwiinda kuba asilifa.

Tushimpi 30:6

Utanungiiko kumaswi ngweenga waamba. Na wacita boobo inga wakukalalila akutondesha ayi uli mubeshi.”

Tushimpi 8:10

Kukonkela milasho yangu akwiinde kuba asilifa. Kuba amaano akunyumfwisha shintu akwiinde kuba agolodi wiine wiine.

Isaya 60:17

“Mumusena wa bulonse nebo ndaakukuletela golodi alimwi ndaakukuletela silifa mumusena wa nshimbi. Ndaakulengesha luumuno kuba anga ngomweendeleshi wako, abwalo bululami anga ngomuleli wako.

Jelemiya 23:28

Mulaluki uyo ucite ciloto, aacipandulule, sombi uyo ucite maswi angu, aambe maswi ayo cakushomeka. Sa shibuba inga sheelana amancebele?

Milimo ya Batumwi 20:30

Nabi mulikoto lyanu nobeene, mulaakuswa bantu beshi bakaambe shabubeshi kwaamba ayi bakushe bantu kulushinisho bakakonkele mbabo.

Bene Loma 16:17

Ndamusenga nobamakwesu ayi mucenjele abantu abo bapansaanya babyaabo akulengesha ayi babishe. Balo baleeisha shipusene asheesho nshemwakeeya. Amubatalamuke!

1 Bene Kolinto 3:11

Ceebo taaku muntu weenga wakaba lwiimbi lumwi kuleka loolo lwakakabwa kale. Lwiimbi ulo nguJesu Klistu.

1 Bene Kolinto 3:13

Ono Bushiku bwakwisa kwakwe Klistu, milimo ya muntu ilaakuboneka patuba ceebo Bushiku ubo bulaakwiitondesha. Bushiku ubo bulaakwisa amulilo uyo weshi ukeeleshe kubota kwa milimo ya muntu womwi awomwi.

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

Bene Kolose 2:8

Amucenjele kwaamba ayi kutabi muntu nabi womwi, eshi amubooshe mubusha kwiinda mubusongo bwa buntu bwa bubeshi. Mukwiinga busongo ubu bulaswa kutushiyashiya twa bakulukulu alimwi akumishimu ibiibi itokweendelesha mucishi ca panshi, kuteshi kuli Klistu.

1 Timoti 6:3

Muntu uli woonse wiisha njiisho shipusene alimwi shiteendelani amaswi aMwaami wesu Jesu Klistu akwiisha kwesu kuswa kuli Lesa,

2 Timoti 2:20

Muŋanda inene muli mbale shipusenepusene, shimwi nshasilifa shimwi nshagolodi, shimwi nshashisamu shimwi nshabulongo. Shimwi nshaciindi ceelete, shimwi shilasebenseshekwa lyoonse.

2 Timoti 3:13

Bantu bacita shibiibi abaamba nshebataciti bananoobicilakobo. Bananoobeca bamwi akubecekwa.

2 Timoti 3:7

Banakashi aba bakakatila kwiiya lyoonse, sombi balaalilwa kunyumfwishisha shalushinisho.

2 Timoti 4:3

Ciindi cilaakushikila bantu ndyeshi bakakake kunyumfwa kwiisha kwalushinisho, sombi balaakukonkela shiyanda myoyo yabo kwiinda mukulibunganishisha bafundishi baanji abo beshi bakanokwaamba nshebasuni kunyumfwa.

Bene Ebulu 13:9

Mutasumini kwaamba ayi njiisho sheensu shipusenepusene ayi shimukushe munshila iluleme. Ncibotu kwaamba ayi luse lwakwe Lesa luyumye myoyo yesu, kuteshi kukonkela milawo yaamba pashakulya, ceebo milawo iyi taikwe kucafwawo baabo bakalinga kwiikonkela.

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.

Ciyubululo 2:14

“ ‘Sombi ndicite matongooshi amwi pali ndiwe ceebo mulikoto lyanu muli bamwi bakonkela kwiisha kwakwe Balamu. Lakwe wakeeisha Balaki bwakulengesha bene Isilaeli kubisha kwiinda mukubanyengelela ayi balye shakulya shakabengwa kushibumbwabumbwa alimwi akucita bufuule.

Ciyubululo 21:18

Lubumbu ulu lwakalinga lwa mabwe amakwebo abeka abuumbi, alimwi ayalo ndabala inene yakalinga ya golodi wiine wiine, kaibeka anga ndigilasi.

Ciyubululo 3:18

Ono ntookulwiitaako ayi uule golodi kuli ndime, golodi yakasalashikwa amulilo kwaamba ayi ubile. Uule ashakufwala shituba kwaamba ayi ufwale akushisa mubili wako utoolensha nsoni. Uule amusamu wa mumeenso ayi utalike kubona.