1 Bene Kolinto 16:9 - Baibo Busansulushi Bwa Libuku Ili

⁹ Kuno Lesa wancalwita mulyango kwaamba ayi ncite mulimo unene nakubi ayi kuli bampikisha baanji.

1 Bene Kolinto 16:9 ပူးပေါင်းရင်းမြစ်များ

Milimo ya Batumwi 14:27

Ndibakashika muAntyoki, bakabunganya bashomi boonse. Mpeeke bakabasansulwita shoonse Lesa nshaakacita kwiinda muli mbabo alimwi ambwaakabonesha nshila baswamashi bakunsengwe ayi bashome.

1 Bene Kolinto 15:32

Ono na ndakalwana abantu muEfeso abo bakalinga anga ninkalamu kwiindabo miyeeyo iswa kubantu, ingayi nebo mpindu yangu nciinshi? Sombi na taaku kubuka kwa bafu, anu nkucitabo bweenka bwaamba bantu ayi, “Atulye akunwa ceebo ciilo mabala tulaakufwa.”

2 Bene Kolinto 1:6

Lyoonse nditupenga mwebo mulatambula lucafwo lwakukalika myoyo kwaamba ayi mukapulushikwe. Ono ndituyuminishikwa, nkwaamba ayi amwebo muyuminishikwe akuba ankusu shakwiinda mumapensho ayo ngotwiindaamo aswebo.

2 Bene Kolinto 2:12

Ono ndindakashika kuTulowasi mukushimikila Makani Abotu akwe Klistu, ndakabona kwaamba ayi Mwaami wakancalwita mulyango wakusebensa.

Bene Filipi 3:18

Ndamulwiita lyoonse mankanda maanji alimwi ntekubooshaawo kaandila. Kuli bantu baanji batondesha mubuumi bwabo ayi mbalwani kumakani akwe Klistu pamucilingano.

Bene Kolose 4:3

Kamutupaililaako aswebo kwaamba ayi Lesa atupe ciindi cibotu cakushimikila makani akwe akushimikila shabushishi shaamba pali Klistu. Ceebo ca makani abushishi aya, nebo ndyaangitwe.

Jemusi 5:16

Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.