1 Bene Kolinto 16:6 - Baibo Busansulushi Bwa Libuku Ili

⁶ Ndaakwikalaanu ndabona kwaciindi cilaamfu nabibo mupewo woonse kwaamba ayi mukancafweeko shiyandika mulweendo ndweshi nkanyamuke kuswa kooko. Cito alwalo na lulaakuba lwa kuli.

1 Bene Kolinto 16:6 ပူးပေါင်းရင်းမြစ်များ

Milimo ya Batumwi 15:3

Paceebo ceeco, coonde cakabatuma. Bakeenda muFonisha amuSamaliya kabaya bulwiita bashomi mbuli baswamashi bakunsengwe mbobakashoma muli Lesa. Makani aya akasangalasha bumbi bashomi boonse.

Milimo ya Batumwi 17:15

Mpeeke basankwa abo bakashindikila Paulo bakaya mukumushisha kuAtenisi. Basankwa abo pakuboolela kuBiliya, Paulo wakabalasha ayi Sailasi aTimoti balyeelete kufwambaana kumukonkela.

Milimo ya Batumwi 20:38

Cakabapa bunene buumba ngamaswi ngaakaamba ayi teshi bakamuboneewo alimwi. Kuswawaawo, bakamushindikila kubwaato bunene.

Milimo ya Batumwi 21:5

Sombi ciindi ca kwikala ambabo ndicakamana, twakaswaako akutolelela palweendo lwesu. Lyalo boonse pantu pomwi abamakaabo alimwi abana babo bakatushindikila kuswa mundabala inene. Nditwakashika muloombe lwa lweenge twakafukama ambabo akupaila kuli Lesa.

Milimo ya Batumwi 27:12

Cito ico tecakalinga cibotu kwikalaawo ciindi ca mupewo. Aboobo bantu baanji mulikoto lyabo bakayeeya kuswa pacito ico akuya kunembo ayi mpashi inga bashika kucito ca Fonikisi akwikala nkuko ciindi ico. Cito ici cili muKileti, cilangite kumbo lya kumalenge alimwi akumbo lya kumatwa.

Milimo ya Batumwi 28:11

Ndipakeenda myeenshi yotatwe, twakanyamuka abwaato bunene bwakaswita kuAlekisandiliya bwiitwa ayi, “Balesa bampundu.” Bwaato ubu bwakalingabo pansumbu iyi mupewo woonse.

Bene Loma 15:24

ntooyeeya kwisa mukumubona. Ndisuni kwaamba ayi pakunooya kuSipeeni nkeemikane nkamuboneewo kwaciindi ciniini alimwi mukancafweeko mulweendo lwangu.

1 Bene Kolinto 16:11

Aboobo kutabi muntu umusuula, sombi mulyeelete kumucafwa kwaamba ayi atolelele mulweendo lwakwe muluumuno akuboola kuli ndime ceebo nebo ntoomulangila pantu pomwi abashominyineesu bamwi.

2 Bene Kolinto 1:16

Ndakalinga kuyeeya kumufwakashisha pakuya kuMakedoniya, alimwi pakuboola munkancafwe shiyandika mulweendo lwangu lwakuya kuJudeya.

Taitasi 3:12

Ndaakutuma Atemasi nabi Taikikasi kuli ndiwe, ukeeleshe cankusu kwisa kuli ndime muNikopolisi mukwiinga nkontooyeeya kuya mukwikala ciindi ca mupewo.