1 Bene Kolinto 16:18 - Baibo Busansulushi Bwa Libuku Ili

¹⁸ Bakansangalasha bweenka mbobakamusangalasha mwebo. Bantu ba mushobo uyu amubalemeke.

1 Bene Kolinto 16:18 ပူးပေါင်းရင်းမြစ်များ

Tushimpi 25:13

Shinkombe ushomeka ulibo anga ngamaanshi atontola ciindi ca cilimo kuwooyo weenga wamutuma.

Tushimpi 25:25

Makani abotu aswita kucishi cakulaale, alibo anga ngamaanshi atontola apekwa kumuntu ufwite nyotwa.

Bene Loma 15:32

Kuswawaawo na nkuyanda kwakwe Lesa, kufwakasha kwangu kuli ndimwe kulaakunkondelesha alimwi ndaakookesha kabotu.

2 Bene Kolinto 7:13

Nceceeco ncetwakayuminishikwa abuumbi. Kuteshibo boobo, sombi twakasangalala ceebo cakusangalala kwakwe Taitasi munshila mwebo noonse njimwakamutambwitaamo.

Bene Kolose 4:8

Nceceeco ncentoomutumina kooko, kwaamba ayi ese amwishibishe mbotutookala alimwi akumuyumyayumya.

1 Bene Tesalonika 5:12

Twamusenga nobamakwesu kwaamba ayi mupe bulemu kubaabo batoosebensa cankusu pakati kanu, abo bamutanjilila akumulwiita mbomweelete kucita mubuKlistu.

Filimoni 1:20

Paceebo ceeco mukwaabo, ndakusenga ayi uncaafwe pamakani aya ceebo ca Mwaami. Nsangalashe kweelana ambooli mukwesu muli Klistu.

Filimoni 1:7

Mukwaabo, lusuno lwako lwansangalasha alimwi akunjuminisha ceebo wasangalasha myoyo ya bashomi boonse.

Bene Ebulu 13:7

Amwiibaluke bamatanjilili banu, abo bakamushimikila maswi akwe Lesa. Amuyeeye buumi bwabo mbobwakalinga alufu lwabo alimwi mube alushomo mbuli ndobakalinga kucite.

3 Joni 1:4

Taaku cimwi cinsangalasha abuumbi kwiinda kunyumfwa ayi bana bangu muMushimu batookonkela shalushinisho.