1 Bene Kolinto 16:13 - Baibo Busansulushi Bwa Libuku Ili

¹³ Amucenjele, mwiimikane cakutatenkaana mulushomo. Amube bantu batacite boowa, bayumu.

1 Bene Kolinto 16:13 ပူးပေါင်းရင်းမြစ်များ

2 Samwelo 10:12

Uyume alimwi tulwane cakubula boowa kwiimikanina bene misheesu amandabala anene akwe Lesa wesu. Mwaami Lesa aacite kweelana akuyanda kwakwe.”

1 Baami 2:2

Wakaamba ayi, “Lufu lwangu luli pafwaafwi. Shimpa akuyumya moyo.

1 Makani 19:13

Uyume alimwi tulwane cakubula boowa kwiimikanina bene misheesu amandabala anene akwe Lesa wesu. Mwaami Lesa aacite kweelana akuyanda kwakwe.”

1 Makani 28:10

Ulyeelete kwishiba ayi Mwaami Lesa wakakusala ayi ukayake Ŋanda yakwe isalalite. Ono yaka! Wiiyake cakutatyongola.”

Kulumbaisha 27:14

Anu amucinke manungo muMwaami Lesa, amube alushomo cakutatyongola. Ee, amucinke manungo muMwaami Lesa.

Kulumbaisha 31:24

Amuume myoyo palibwe akubula boowa, noonse nomulangila lucafwo kuswa kuli Lesa.

Isaya 35:4

Amulwiite baabo bacatwa boowa ayi, “Amuyume, mutaloondi. Lesa wanu ulaakwisa. Ulaakwisa mukuboosha cishole, kwisa mukulambula balwani banu. Ncakwiila ulaakwisa mukumufuna.”

Danyelo 10:19

Kuswawaawo wakaŋambila ayi, “Cileke kuloonda. Webo ulalemekwa abuumbi pameenso akwe Lesa. Aboobo utalisukami nabi kuloonda cintu cili coonse.” Ndyaakaamba boobo ndakeendaawo kuyuma akwaamba ayi, “Nkambo amundwiitebo nshemweelete kwaamba ceebo mwanengesha kuba ankusu.”

Danyelo 11:32

Kwiinda mukucenjeeka kwa kwaamba maswi abotu, ulaakuyungoola bantu abo bakasuula kale kupaila kwabo, sombi abo bashoma Lesa wabo balaakumukakila cankusu.

Agayi 2:4

Sombi yuma webo Selubabelo. Yuma awebo Joshuwa mwanaakwe Jeosadaki, mupailishi munene. Amuyume amwebo nobantu nobene cishi. Amusebense noonse ceebo nebo ndi amwebo.

Sekaliya 8:13

Nobene Juda abene Isilaeli, kalekale baswamashi bakalinga kushingana womwi awomwi mukwaamba ayi, ‘Aamulokele mapensho eenka akacitikila bene Juda abene Isilaeli!’ Sombi nebo ndaakumupulusha. Lyalo baswamashi abo balaakwaambilana womwi awomwi ayi, ‘Tambula shoolwe isho shakapekwa bene Juda abene Isilaeli!’ Aboobo amuyumye myoyo, mutaloondi.”

Sekaliya 8:9

Mwaami Lesa Shinkusu shoonse waamba ayi, “Ono mwebo nomutoonyumfwa maswi aya kuswa kumilomo ya balaluki abo bakalingaako lwiimbi lwa Ŋanda yangu ndilwakayakwa, maansaanu aayume kwaamba ayi Ŋanda yangu iyakwe.

Mateyo 25:13

Lyalo Jesu wakabaambila ayi, “Paceebo ceeco, kamulibambitebo lyoonse mukwiinga tamubwishi bushiku nabi ciindi MwanaaMuntu ndyeshi akese.

Mateyo 26:41

Amwikale kamulibambite, akupaila kwaamba ayi mutanjili mumasunko. Moyo walo ulisuni, sombi mubili ngowabula nkusu.”

Luka 21:36

Amwikale kamulibambite lyoonse, kamupaila ayi mube ankusu shakwiinda musheeshi shintu sheshi shikacitike kwaamba ayi mukeemikane kunembo lya MwanaaMuntu.”

1 Bene Kolinto 14:20

Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.

2 Bene Kolinto 1:24

Tatutokweelesha kunoomulwiita pasheesho nshemweelete kushoma. Ceebo tulishi kale kwaamba ayi muli bayumu mulushomo. Anu tutoosebenselabo pantu pomwi ayi mukeendeewo kusangalala.

Bene Galatiya 5:1

Klistu wakatwaangulula kwaamba ayi twaanguluke cancinencine. Anu amuyume kwaamba ayi mutakabooleli mubusha.

Bene Efeso 3:16

Ntoosenga kuli Lesa, ayi kuswa mububile bwa bulemu bwakwe, amupe nkusu kwiinda muMushimu wakwe kwaamba ayi muyume mumyoyo yanu.

Bene Efeso 6:10

Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Bene Filipi 4:1

Ono mwebo nobamakwesu, nomusunikwi alimwi ndamuyeeya abuumbi. Mwebo mulansangalasha. Paceebo ceeco ndatangala cankusu ceebo ca ndimwe. Anu ubo nobamakwesu mbomweelete kuyuma muMwaami.

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

Bene Kolose 4:12

Epafulasi wamwaansha. Alakwe ngwamulikoto lyanu alimwi ngumusebenshi wakwe Klistu Jesu. Lyoonse ulamupaililaako kuli Lesa kwaamba ayi mushimpe mulushomo amukucita kuyanda kwakwe Lesa.

Bene Kolose 4:2

Amucatishe kupaila, kunoolibambite lyoonse alimwi akulumba Lesa.

1 Bene Tesalonika 3:8

Mukwiinga ono tulicite buumi bwancinencine, na muliimfwi cakutaboola pesule muMwaami Jesu.

1 Bene Tesalonika 5:6

Ono aboobo tutabi bantu baliiba mbuli bucita bantu bamwi, sombi tulyeelete kucenjela akulitibuka.

2 Bene Tesalonika 2:15

Ono aboobo nobamakwesu, amutolelele kushoma shalushinisho isho nshetwakamwiisha nditwakalinga kushimikila, nabi munkalata njetwakamulembela.

1 Timoti 6:12

Ulyeelete kulwana nkondo ibotu ya lushomo kwaamba ayi ukatambule buumi butamaani. Ceebo ici ncaakakwiitila Lesa bulya bushiku ndiwakaamba kabotu shalushomo lwako pameenso a bakamboni baanji.

2 Timoti 2:1

Ono omwanaangu liyumyeyumye muluse ndootucite muli Klistu Jesu.

2 Timoti 4:5

Sombi webo lilame mushiindi sha mushobo uli woonse, koyuma mumakatasho, cita mulimo wakushimikila Makani Abotu akucita milimo yako yoonse kweelana amusebenshi wakwe Lesa.

2 Timoti 4:7

Ndalwana nkondo ibotu akumanisha kucica lubilo alimwi ndasunga lushomo lwangu.

Joshuwa 1:18

Uyo woonse eshi akabule kunyumfwila maswi ako nabi kukonkela milasho yako, ulyeelete kucaikwa. Sombi ulyeelete kuyuma akulishoma!”

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

1 Pita 5:8

Amucenjele akunoolibambite lyoonse mukwiinga Mubiibi, mulwani wanu, utokweendaanabo anga ninkalamu ifwite nsala itooyandoola wakulya!

Ciyubululo 16:15

“Amunyumfwe! Ntoosa anga ngumwiipi! Ulicite coolwe uyo ushiite kaalama shakufwala shakwe kuloonda kunyumfwa nsoni na weenda matakosha mubantu!”

1 Samwelo 4:9

Amuyumye myoyo nobene Filisiti! Mulwane cisankwa! Kwakubula boobo tutooba basha kubaEbulu bweenka mbobakalinga basha besu. Ee, amulwane cisankwa!”