1 Bene Kolinto 15:6 - Baibo Busansulushi Bwa Libuku Ili

⁶ Kuswawaawo wakaboneka kubashomi beendilila myaanda yosanwe paciindi comwi. Baanji pakati kabo bacili boomi nakubi kwaamba ayi bamwi bakafwa.

1 Bene Kolinto 15:6 ပူးပေါင်းရင်းမြစ်များ

Mateyo 28:10

Mpeeke Jesu wakabaambila ayi, “Mutaloondi! Kamuya mukalwiite bamakwesu ayi baye kuGalili uko nkweshi tuye tukakumanine.”

Maako 16:7

Ono kamuya mukalwiite bashikwiiya bakwe pantu pomwi aPita ayi, ‘Lakwe watanjila kuya kuGalili, uko nkweshi muye mukamubonene, kweelana ambwaakamwaambila.’ ”

Milimo ya Batumwi 13:36

Mukwiinga Defedi mubuumi bwakwe ndyaakamana kusebensela bantu kweelana akuyanda kwakwe Lesa, wakafwa akubikwa mucuumbwe kweenka kwakafukilwa bamashali bakwe bakulukulu. Mpeeke mubili wakwe wakabola.

Milimo ya Batumwi 7:60

Kuswawaawo wakafukama akupaila muliswi lya peculu ayi, “Nkambo, amubalekelele cibiibi ici ncebatoocita!” Ndyaakamana kwaamba boobo, wakatula moyo. Alakwe Saulo wakasumina ayi bacita kabotu kumucaya.

1 Bene Kolinto 15:18

Nkokwaamba ayi abaabo boonse bakafwita muli Klistu, balisowekete.

1 Bene Kolinto 15:20

Ono ncakwiila Jesu wakabushikwa kuswa kubafu akuba citondesho cakwaamba ayi uyo woonse eshi akafwe, ulaakubushikwa kuswa kubafu.

1 Bene Tesalonika 4:13

Ono nobamakwesu, tulisuni ayi mwishibe lushinisho pabaabo bakafwa, kwaamba ayi mutanookuungumana mbuli bantu batacite ncebatoolangila.

1 Bene Tesalonika 4:15

Ono tutoomulwiita kwiisha kwa Mwaami Jesu mwiine. Ncakwaamba ayi, sobamwi sweshi tukacanike katuli boomi Mwaami Jesu aakwisa, teshi tukeendile bafwite kumukumanya.

2 Pita 3:4

Balaakwaamba ayi, “Te Klistu wakashomesha ayi ulaakwisa? Ino uli kuli? Bamashali besu bakulukulu bakafwabo kale kale, sombi shintu shoonse shicilibo bweenka mboshakalinga kumatalikilo a cishi!”