1 Bene Kolinto 15:52 - Baibo Busansulushi Bwa Libuku Ili

⁵² muciindi ciniinibo ceelenebo akukapula kwa liinso pakulila lupeenga lwakweelaako. Ceebo lupeenga lulaakulila, bafu balaakubushikwa amibili itafwi, aswebo tulaakusandulwa.

1 Bene Kolinto 15:52 ပူးပေါင်းရင်းမြစ်များ

Kulumbaisha 73:19

Balaakunyonyoolwa cakufwambaana, lufu luyoosha lulaakubapyanga boonse!

Kulonga 19:16

Ingayi macuunsa pabushiku bwatatu, kwakaba cilulumo alimwi akubeka, Mpeeke pakalundu pakesa likumbi litikeme alimwi kwakanyumfwika alupeenga lwakalila cankusu. Boonse bantu mumisumba bakatutuma abuumbi.

Kulonga 20:18

Ono bantu ndibakanyumfwa cilulumo alimwi akulila kwa lupeenga, akubona kubeka kwa mfula alimwi abwiishi bwakalinga pakalundu, bakatutuma kuboowa. Mpeeke bakeemikanabo palaale.

Kulonga 33:5

Ceebo Mwaami Lesa wakaambila Mose ayi, “Ulwiite bene Isilaeli maswi angu ayi, ‘Muli bantu beshicimpamya. Na ndayaanu kwaciindi ciniinibo, inga ndamunyonyoola cakumaninina. Ono amufuule shakulibotesha shanu, nebo ntooshiba cakucita pali ndimwe.’ ”

Isaya 18:3

Mwebo noonse nobantu ba mucishi, ee, mwebo nomuli mucishi ca panshi, mbembela yaakwiimikwa patulundu mulaakwiibona alwalo lupeenga lwaakulila mulaakulunyumfwa.

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Esekelo 33:3

Shikulindilila uyo na wabona balwani kabesa, ulalisha lupeenga kucenjesha bantu.

Esekelo 33:6

Ono na shikulindilila wabona balwani kabesa, sombi wabula kulisha lupeenga lwakucenjesha bantu, mpeeke balwani besa akucayaawo womwi, muntu uyo ulaakufwita shibiibi shakwe. Sombi anebo ndaakupa mulandu shikulindilila pabulowa bwakwe.’

Sekaliya 9:14

Mwaami Lesa ulaakuboneka peculu lya bantu bakwe. Ulaakunowaala mifwi yakwe anga nkubeka kwa mfula. Mwaami Lesa Shinkusu shoonse ulaakulisha lupeenga lwa nkondo akweendela mucipuupu ca kumalenge.

Shakubelenga 10:4

Sombi na kwalilabo lupeenga lomwi, ingayi mbamatanjilili ba shipani sha mumikowa beenkabo beelete kubungana kunembo lyako.

Shakubelenga 16:21

“Amusoonoke bantu aba kwaamba ayi mbanyonyoole bweenka bulya.”

Shakubelenga 16:45

“Amusoonoke kwaamba ayi bantu aba mbanyonyoole peenka apa!” Ono boonse bobilo bakafukama cakushisha shiwa panshi.

Mateyo 24:31

Kulaakunyumfwika lupeenga lwa nkusu, lyalo ulaakutuma baanjelo bakwe kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Joni 5:25

Ntoomulwiita calushinisho ayi ciindi cilaakushikila alimwi cashikila kale, bafu ndyeshi bakanyumfwe liswi lya Mwanaakwe Lesa alimwi abo beshi bakalinyuumfwe balaakuba abuumi butamaani.

Joni 5:28

Mutakankamani acikani ici mukwiinga ciindi cilaakushikila bafu boonse ndyeshi bakanyumfwe liswi lyakwe

1 Bene Kolinto 15:23

Sombi womwi awomwi ulaakubushikwa paciindi cakwe ceelete, Klistu ngowakataanguna, ono aakwisa, mbaabo bamushoma.

1 Bene Kolinto 15:42

Mbweeke ubo mbweshi kukabe pakubushikwa kuswa kubafu. Mubili ngotubika mucuumbwe ngumubili ubola, sombi ndyoobushikwa ulaba mubili utabooli.

1 Bene Kolinto 15:50

Nobamakwesu, ncentokwaamba cakwaamba ayi muntu ucite mubili wa buntu taakoonshi kwinjila muBweene bwakwe Lesa alimwi cifwa tacikoonshi kwikala kooko kutaaku lufu.

1 Bene Tesalonika 4:15

Ono tutoomulwiita kwiisha kwa Mwaami Jesu mwiine. Ncakwaamba ayi, sobamwi sweshi tukacanike katuli boomi Mwaami Jesu aakwisa, teshi tukeendile bafwite kumukumanya.

2 Pita 3:10

Sombi Bushiku bwakwisa kwa Mwaami, bulaakwisa anga ngumwiipi. PaBushiku ubo, liculu lilaakumana acoongo cinene, shintu shoonse sha kwiculu shilaakupya akunyonyoolwa, acalo cishi ca panshi ashintu shoonse shiliimo shilaakupya.

Ciyubululo 8:13

Mpomunyaawo ndakalangilisha akunyumfwa mumbankwashi wakalinga kuuluka mwiculu, kaaolobesha ayi, “Mapensho! Mapensho! Mapensho kubantu ba mucishi ca panshi ceebo ca sheesho sheshi shikacitike na baanjelo botatwe aba bacaala bakalishe mapeenga abo!”

Ciyubululo 8:2

Lyalo ndakabona baanjelo bosanwe abobilo beemikana kunembo lyakwe Lesa, kabapekwa mapeenga ali osanwe aobilo.