1 Bene Kolinto 15:50 - Baibo Busansulushi Bwa Libuku Ili

⁵⁰ Nobamakwesu, ncentokwaamba cakwaamba ayi muntu ucite mubili wa buntu taakoonshi kwinjila muBweene bwakwe Lesa alimwi cifwa tacikoonshi kwikala kooko kutaaku lufu.

1 Bene Kolinto 15:50 ပူးပေါင်းရင်းမြစ်များ

Mateyo 16:17

Mpeeke Jesu wakamukumbula ayi, “Ulicite coolwe Simoni omwanaakwe Jona! Teshi muntu wakuyubulwiita ceeci, sombi mbaTa ba kwiculu.

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

1 Bene Kolinto 1:12

Ncentokwaamba nceeci, uli woonse pakati kanu ulaamba shaakwe. Umwi ulaamba ayi, “Nebo ndi wakwe Paulo,” umwi ayi, “Nebo ndi wakwe Apolosi,” aumwi ayi, “Ndi wakwe Pita,” alakwe umwi ayi, “Ndi wakwe Klistu.”

1 Bene Kolinto 15:42

Mbweeke ubo mbweshi kukabe pakubushikwa kuswa kubafu. Mubili ngotubika mucuumbwe ngumubili ubola, sombi ndyoobushikwa ulaba mubili utabooli.

1 Bene Kolinto 15:44

Mubili ngotubika ngumubilibo wa buntu, sombi pakubushikwa kuswa kubafu ulaakuba wa mushimu. Na mubili wa buntu nkouli, ingayi awalo wa mushimu nkouli.

1 Bene Kolinto 6:10

beepi, balyabi, bacakolwa, beshimatushi nabi bapambi teshi bakenjile muBweene bwakwe Lesa.

1 Bene Kolinto 6:13

Aumwi muntu inga waamba ayi, “Cakulya nca lifumo, alyalo lifumo ndya cakulya.” Nakubi boobo Lesa ulaakunyonyoola shoonse shobilo. Mubili teshi wakucitisha bufuule napaceyi, sombi ngwakusebensesha mulimo wa Mwaami Jesu alimwi Mwaami ulaubambila shiyandika.

1 Bene Kolinto 6:9

Sa tamwishi kwaamba ayi beshishibiibi boonse teshi bakenjile muBweene bwakwe Lesa? Mutalibeeci, boonse bafuule, balambila shibumbwabumbwa, beshibulale, basankwa boona abasankwanyinaabo,

1 Bene Kolinto 7:29

Ncentoomulwiita, nobamakwesu, ncakwaamba ayi ciindi camana. Bulya beebete balyeelete kwikala anga tabeebeteewo.

2 Bene Kolinto 5:1

Mubili ngotucite bulya uli anga ninkunka. Ono tulishi kwaamba ayi nkunka iyi yaakunyonyoolwa, tulaakwikala muŋanda yakatubambila Lesa kwiculu, ŋanda iyo teekwe kuyakwa amuntu alimwi njamuyayaya.

2 Bene Kolinto 9:6

Amwiibaluke kwaamba ayi uyo ushanga shiniini, ulatebula shiniini, sombi uyo ushanga shiinji, ulatebula shiinji.

Bene Galatiya 3:17

Nceentokwaamba nceeci. Lesa wakapangana aAbulaamu akumushomesha ayi teshi akacilubeeko cipangano ico. Aboobo, Milawo yakapekwa ndipakeenda myaaka ili myaanda yone amakumi otatwe taikoonshi kucaya cipangano ico alimwi aceeco ncaakashomesha Lesa.

Bene Galatiya 5:16

Nceentokwaamba nceeci, amuleke Mushimu Usalashi umutanjilile. Lyalo ndyeshi mubule kukonkela buumi bwa buntu ubo busuni kubisha.

Bene Efeso 4:17

Ono muliina lya Mwaami, ntoomulwiita amoyo woonse ayi tamweelete kunookala anga mbakunsengwe mukwiinga nshebayeeya taaku mboshibete

Bene Kolose 2:4

Nceentoomulwiitila boobo nkwaamba ayi kutabi muntu nabi womwi weshi akamuyunge kwiinda mumaswi abucenjeshi.

2 Timoti 4:18

Mwaami Lesa ulaakumfuna kuswa kububi boonse akundama ayi nkenjile muBweene bwakwe bwa kwiculu. Kuli nguwe akube bulemu lyoonse alyoonse! Ameni.