1 Bene Kolinto 15:32 - Baibo Busansulushi Bwa Libuku Ili

³² Ono na ndakalwana abantu muEfeso abo bakalinga anga ninkalamu kwiindabo miyeeyo iswa kubantu, ingayi nebo mpindu yangu nciinshi? Sombi na taaku kubuka kwa bafu, anu nkucitabo bweenka bwaamba bantu ayi, “Atulye akunwa ceebo ciilo mabala tulaakufwa.”

1 Bene Kolinto 15:32 ပူးပေါင်းရင်းမြစ်များ

Jobo 35:3

Ono webo utoomwiipusha ayi, ‘Ino inga ndacanaamo mpindunshi? Anu nciinshi nceenga ndacanaamo nabi ndabula kubisha?’

Kulumbaisha 73:13

Nebo ndabamba moyo wangu ayi unoosalalite, ndasamba kumaansa kubonesha ayi nshicite cibiibi. Sombi shoonse ishi tashikwe kuba ampindu kuli ndime

Shikushimikila 11:9

Ocikula bwangu, kosangalala koocili mwanike. Moyo wako kaukupa kusangalala koocili cikula bwangu. Kokonkela ciyanda moyo wako alimwi acili coonse meenso ako ncaabona. Sombi koshiba ayi shintu shoonse ishi Lesa ulaakukoombolosha.

Shikushimikila 2:24

Anu cintubo ciindaawo kubota muntu nceenga wacita nkulya, kunwa akusangalala musheesho nshaakayuwila. Ono ndaboona ayi ici acalo cilaswa kuli Lesa

Isaya 22:13

Sombi amubone, kulibo kusangalala akusekelela, kucaya ŋombe ambelele! Ncakwiila kulibo kulya nyama akunwa waini! Batokwaamba ayi, “Atulitoolimwi akunwa ceebo ciilo tulaakufwa.”

Isaya 56:12

Bacakolwa abo balaamba ayi, ‘Katiya tubweseewo bwalwa abumwi! Atubunwe boonse ubu kushikila tubumaane! Bushiku bwacilo bulaakubota bweenka mbuli bwasunu bunene bunene akwiindaawo.’ ”

Luka 12:19

Ono ndaakulyaambila ayi, Ulicite buboni buunji bweshi bukabule kumana kwamyaaka iinji. Aboobo liibe, kolya, konwa akusekana.’

Luka 9:25

Ino mbubotunshi buliimo na muntu waba ashintu shoonse shili mucishi ca panshi cino, sombi buumi bwakwe bwancinencine wabusowa nabi walinyonyoola? Taamuuwo!

Milimo ya Batumwi 18:19

Ndibakashika kuEfeso, Paulo wakashiya Pulisila aAkwila. Lakwe wakaya mucoonde ca baJuda mukubandika ambabo.

Milimo ya Batumwi 18:21

Sombi ndyaakalinga kubalasha, wakabaambila ayi, “Na nkuyanda kwakwe Lesa, ndaakwisa alimwi.” Lyalo wakaswaako kuEfeso mubwaato bunene.

Milimo ya Batumwi 19:1

Paciindi ico Apolosi ndyaakalinga kuKolinto, Paulo wakeenda mucishi ca Galatiya aFuligiya akushika muEfeso. Uko, wakacana bashomi bamwi

Bene Loma 3:5

Ono na kutalulama kwesu kulalengesha kubonekela patuba ayi Lesa ulacita shiluleme, inga twaamba buyani pacikani ici? Sa inga twaamba ayi Lesa taaluleme pakutoombolosha akutupa mulandu? (Apa ndaamba bweenka bwaamba bantu.)

Bene Loma 6:19

Amuleke nsebenseshe cikoshanyo ca shintu shicitika lyoonse kwaamba ayi munyumfwishe. Pakutaanguna mwakalinga mwalibenga nobeene amyoyo yanu yoonse kwaamba ayi mube basha ba shintu shitasalalite alimwi ashibiibi shimwi shoonse. Mbweeke ubo mulyeelete kulibenga amyoyo yoonse kuba basha ba bululami, nkokwaamba ayi kucita shintu shisalalite.

1 Bene Kolinto 16:8

Kwalo ndanoocishiite kuEfeso kuno kushikila bushiku bwa Pentekositi.

Bene Galatiya 3:15

Nobamakwesu, ntooyanda kumulwiitako cikoshanyo ca cintu ncetucita nshiku shoonse. Na bantu bobilo bapangana akusuminishanya pacikani cimwi, taaku muntu weenga wapwaya cipangano ico nabi kunungaako.

2 Pita 2:12

Sombi bantu aba balibo anga mbanyama batacite maano, bakalengelwa kucatwa akucaikwa. Balacobola shintu shoonse nshibatanyumfwishi. Balaakunyonyoolwa bweenka bunyonyoolwa banyama ba muluundu.

Judi 1:10

Sombi bantu aba balacobola cintu cili coonse ncebatanyumfwishi. Ono shintu isho nshebeshi kabotu mukusebensesha mibo yabunyama, nsheshintu sheshi shikabanyonyoole.