1 Bene Kolinto 15:27 - Baibo Busansulushi Bwa Libuku Ili

²⁷ Ceebo Malembo akwe Lesa alaamba ayi, “Lesa wakalengesha ayi shintu shoonse shibe mpopakulyata myeendo yakwe.” Cilibwenekete patuba ayi maswi aamba ayi, “Shintu shoonse,” taabikiiko aLesa mwiine, uyo ubika shintu shoonse munkusu shakwe Jesu.

1 Bene Kolinto 15:27 ပူးပေါင်းရင်းမြစ်များ

Kulumbaisha 8:6

Mwakamupa nkusu shakulela shintu shoonse nshemwakalenga, ncakwiila mwakamupa bweendeleshi bwa shintu shoonse.

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Mateyo 11:27

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Joni 13:3

Jesu wakalinga kwishi ayi wakapekwa shintu shoonse mumaansaakwe. Wakalinga kwishi alimwi ayi wakaswa kuli Lesa alimwi ulaakuboolela kuli nguwe.

Joni 3:35

Ishi ulimusuni Mwanaakwe alimwi shintu shoonse wakashibika mumaansaakwe.

Bene Efeso 1:20

Lesa nshaakasebensesha ndyaakabusha Klistu kuswa kubafu, akumubika kululyo lwakwe kwiculu.

Bene Efeso 1:22

Lesa wakabika shintu shoonse ayi shinokweendeleshekwa aKlistu akumupa Bwaami pashintu shoonse sha coonde.

Bene Ebulu 1:13

Alimwi Lesa taakwe kwaambilawo kale munjelo wakwe nabi womwi ayi, “Kala kulyaansa lyangu lyalulyo, kushikila nkaalule balwani bako kwaamba ayi babe mpopakulyata myeendo yako.”

Bene Ebulu 10:12

Sombi Klistu lakwe wakalibengabo linkanda lyomwi ayi abe mulambu wakukusha shibiibi. Mulambu uyu ulicite nkusu lyoonse. Ndyaakamana kulibenga, wakaya mukwikala kululyo lwakwe Lesa.

Bene Ebulu 2:8

akumupa bweendeleshi bwa shintu shoonse.” Twanyuumfwa ayi Lesa wakapa muntu bweendeleshi bwa shintu shoonse. Ici cilaamba ayi taaku cintu citabete mubweendeleshi bwakwe. Nakubi boobo abobulya muntu tatumuboniiwo kweendelesha shintu shoonse.

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.