1 Bene Kolinto 15:23 - Baibo Busansulushi Bwa Libuku Ili

²³ Sombi womwi awomwi ulaakubushikwa paciindi cakwe ceelete, Klistu ngowakataanguna, ono aakwisa, mbaabo bamushoma.

1 Bene Kolinto 15:23 ပူးပေါင်းရင်းမြစ်များ

Isaya 26:19

“Bantu banu bakafwa balaakubuka alimwi. Mibili yabo ilaakuba abuumi. Mwebo noonse nomuli mushuumbwe amubuke. Amubuke akwiimba cakusangalala. Bweenka mume mbootontosha inshi akubusha shishango, mbweeke ubo Mwaami Lesa mbweshi akabushe bakafwa kale kale.”

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Mateyo 16:28

Ntoomwaambila calushinisho ayi, mpobali bamwi peenka pano beshi bakabule kufwa, kabatana kubona MwanaaMuntu keesa muBwaami bwakwe.”

Milimo ya Batumwi 26:23

Usalitwe wakwe Lesa ulaakucaikwa akuba mutaanshi kubushikwa kuswa kubafu kwaamba ayi akashimikile baJuda abaswamashi bakunsengwe ayi inga bapulushikwa. Mpeeke lupulusho lulaakuba anga ngumumuni kuli mbabo.”

1 Bene Kolinto 15:20

Ono ncakwiila Jesu wakabushikwa kuswa kubafu akuba citondesho cakwaamba ayi uyo woonse eshi akafwe, ulaakubushikwa kuswa kubafu.

1 Bene Kolinto 15:52

muciindi ciniinibo ceelenebo akukapula kwa liinso pakulila lupeenga lwakweelaako. Ceebo lupeenga lulaakulila, bafu balaakubushikwa amibili itafwi, aswebo tulaakusandulwa.

1 Bene Kolinto 3:23

Amwebo muli bakwe Klistu, alakwe Klistu ngwakwe Lesa.

1 Bene Kolinto 6:14

Lesa wakabusha Mwaami Jesu kuswa kubafu, ulaakutubusha aswebo kwiinda munkusu shakwe.

2 Bene Kolinto 10:7

Amubone shimucitikila. Na kuli muntu uliyeeyela kwaamba ayi ngwakwe Klistu, ncibotu aliyeeye alimwi ceebo swebo tuli bakwe Klistu bweenka mbwaabete lakwe.

Bene Galatiya 3:29

Na muli bakwe Klistu, nkokwaamba ayi muli bamulunyungu lwakwe Abulaamu, beelete kutambula sheesho Lesa nshaakashomesha.

Bene Galatiya 5:24

Ono abo bali kulubasu lwakwe Klistu bakapopa buumi bwa buntu alimwi asheesho shoonse shisuni buumi ubo pamucilingano.

Bene Filipi 3:11

Ndacita boobo kwaamba ayi anebo nkabuke kuswa kubafu akuba abuumi butamaani.

1 Bene Tesalonika 2:19

Mwebo ndimwe mwalengesha kwaamba ayi tube akulangila, kusangalala alimwi akwaamba cakutatonsha cikani ca kupuluka kwesu pameenso aMwaami wesu Jesu Klistu bushiku aakwisa.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.