1 Bene Kolinto 15:1 - Baibo Busansulushi Bwa Libuku Ili

¹ Ono nobamakwesu, ndisuni kumwiibalusha Makani Abotu ngondakamushimikila. Mwakaatambula alimwi ndolwiimbi lwa lushomo lwanu.

1 Bene Kolinto 15:1 ပူးပေါင်းရင်းမြစ်များ

Joni 12:48

Uyo woonse ukaka ndime amaswi angu ulicite umwi eshi akamoomboloshe. Maswi ayo ngondaamba ngweshi akamoomboloshe pabushiku bwakweelaako.

Milimo ya Batumwi 11:1

Mpomunyaawo batumwi alimwi abashomi bamwi ba mucishi ca Judeya coonse bakanyumfwa ayi baswamashi bakunsengwe bamwi abalo bakashoma mumaswi akwe Lesa.

Milimo ya Batumwi 2:41

Mpeeke bantu baanji bakashoma maswi akaamba Pita. Lyalo bakabombekwa. Alimwi pabushiku bweenka ubo, bantu aba bakaba mulikoto lyabo mpashi bakalinga shuulu shotatwe.

Bene Loma 11:20

Ncakwiila mbocibete ubo. Balo bakatyolwa ceebo cakutashoma, sombi mwebo muli kucisamu ceebo ca lushomo. Nakubi boobo tamweelete kulisumpula, sombi mulyeelete kucenjela.

Bene Loma 2:16

Mbweekoobo mbweshi cikabe pabushiku Lesa ndyeshi akoomboloshe bantu kwiinda muli Jesu Klistu pasheesho nshebayeeya beene, kweelana aMakani Abotu aya ngoonshimikila.

Bene Loma 5:2

Mwaami wesu uyu ngowakatucalwita nshila kwiinda mulushomo kwaamba ayi Lesa atucitile luse ulo ndotubeteemo abobulya. Aboobo tulasangalala mukwiinga tulashoma ayi tulaakutambula shipo sha mubulemu bwakwe Lesa.

1 Bene Kolinto 16:13

Amucenjele, mwiimikane cakutatenkaana mulushomo. Amube bantu batacite boowa, bayumu.

1 Bene Kolinto 3:6

Nebo ndi anga ngumuntu wakashanga mbuto, alakwe Apolosi washitilila, sombi nguLesa ulengesha ayi shikule.

1 Bene Kolinto 4:15

Nakubi kwaamba ayi mulicite bafundishi bashika kushuulu likumi mubuumi bwanu bwa buKlistu, tamucite bamaishiwanu baanji. Mukwiinga kwiinda muli Klistu Jesu ndakaba ishiwanu ceebo cakumushimikila Makani Abotu.

2 Bene Kolinto 1:24

Tatutokweelesha kunoomulwiita pasheesho nshemweelete kushoma. Ceebo tulishi kale kwaamba ayi muli bayumu mulushomo. Anu tutoosebenselabo pantu pomwi ayi mukeendeewo kusangalala.

1 Bene Tesalonika 1:6

Mwakakonkela bwikaalo bwesu abwa Mwaami Jesu. Nabi mwakalinga mumapensho anene, mwakatambula Makani Abotu cakusangalala uko kuswa kuMushimu Usalashi.

1 Bene Tesalonika 2:13

Ono tulalumba Lesa cakutaboola pesule ceebo ndimwakatambula maswi akwe Lesa ayo ngomwakanyumfwa kuli ndiswe, tamukwe kwaatambula anga aswa kumuntu, sombi bweenka mbwaabete, ncakwiila ayi ngakwe Lesa. Ndushinisho, Maswi akwe Lesa aliciteeko kusandula buumi bwanu mwebo nobashomi.

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

2 Bene Tesalonika 3:6

Ono nobamakwesu, tutoomwaambila muliina lya Mwaami Jesu Klistu ayi abo boonse batolo mulikoto lyanu alimwi batasuni kukonkela nshetwakamwiisha, mubasoonoke.

1 Pita 5:12

Nkalata ifwaafwi iyi, nguSailasi wanembelaako, uyo mukwabesu ushomeka. Ndisuni kwaamba ayi muyumyeyumye akumulwiitilisha ayi ulu ndoluse lwakwe Lesa lwiine lwiine. Lyoonse kamushoma muluse ulo.