1 Bene Kolinto 14:29 - Baibo Busansulushi Bwa Libuku Ili

²⁹ Bobilo na botatwe abo bapetwe shipo shakwaamba maswi akwe Lesa balyeelete kwaamba, bamwi kabanyumfwa na nshebatokwaamba nshalushinisho.

1 Bene Kolinto 14:29 ပူးပေါင်းရင်းမြစ်များ

Milimo ya Batumwi 13:1

Mucoonde ca bashomi kuAntyoki, mwakalinga beshikushimikila abeshikwiisha aba: Banabasi aSimyoni wakalinga kwiitwa ayi muntu mushiya, Lusiyasi wa kuSailini, Manaeni uyo wakakulila pantu pomwi amwaami Elodi, kubikaawo aSaulo.

1 Bene Kolinto 12:10

Mushimu ulapa umwi nkusu shakucita shaankamiko, umwi ulamupa nkusu shakwaamba maswi akwe Lesa. Umwi ulamupa nkusu shakwishiba bupusano bwa shipo shiswa kuMushimu Usalashi ashimwibo. Umwi ulamupa nkusu shakwaamba milaka yeensu, sombi umwi ulamupa nkusu shakupandulula milaka iyo.

1 Bene Kolinto 13:2

Na kaancite cipo cakwaamba maswi akwe Lesa, akwishiba lushinisho lushisitwe akuba alushibo lwa shintu shoonse alimwi na kaancite lushomo lukonsha kutuntulusha kalundu, sombi kaantacite lusuno, ingayi taaku mboombete.

1 Bene Kolinto 14:28

Na taapuuwo ukonsha kusansulula, uyo waamba mumilaka yeensu, ulyeelete kuumuna akulibandikilabo mwiine alimwi aLesa.

1 Bene Kolinto 14:30

Ono na umwi ushiite mulikoto watambula maswi kuswa kuli Lesa, utokwaamba ulyeelete kucileka.

1 Bene Kolinto 14:32

Abo bacite cipo cakwaamba maswi akwe Lesa balyeelete kweendelesha kabotu cipo ico.

1 Bene Kolinto 14:37

Na kuli umwi uyeeya ayi ulicite cipo cakwaamba maswi akwe Lesa nabi cipo cimwi ciswa kuMushimu Usalashi, ulyeelete kwishiba kwaamba ayi ncentoomulembela bulya ngumulawo uswa kuMwaami Jesu.

1 Bene Kolinto 14:39

Ono aboobo nobamakwesu, amweeleshe cankusu kuba acipo cakwaamba maswi akwe Lesa, sombi kwaamba mumilaka yeensu mutakukaashi.